Romanos (Romans) 15 :: Latin Vulgate (VUL)

Rom 15:1debemus autem nos firmiores inbecillitates infirmorum sustinere et non nobis placere

Rom 15:2unusquisque vestrum proximo suo placeat in bonum ad aedificationem

Rom 15:3etenim Christus non sibi placuit sed sicut scriptum est inproperia inproperantium tibi ceciderunt super me

Rom 15:4quaecumque enim scripta sunt ad nostram doctrinam scripta sunt ut per patientiam et consolationem scripturarum spem habeamus

Rom 15:5

Rom 15:5Deus autem patientiae et solacii det vobis id ipsum sapere in alterutrum secundum Iesum Christum

Rom 15:6

Rom 15:6ut unianimes uno ore honorificetis Deum et Patrem Domini nostri Iesu Christi

Rom 15:7

Rom 15:7propter quod suscipite invicem sicut et Christus suscepit vos in honorem Dei

Rom 15:8

Rom 15:8dico enim Christum Iesum ministrum fuisse circumcisionis propter veritatem Dei ad confirmandas promissiones patrum

Rom 15:9

Rom 15:9gentes autem super misericordiam honorare Deum sicut scriptum est propter hoc confitebor tibi in gentibus et nomini tuo cantabo

Rom 15:10

Rom 15:10et iterum dicit laetamini gentes cum plebe eius

Rom 15:11

Rom 15:11et iterum laudate omnes gentes Dominum et magnificate eum omnes populi

Rom 15:12

Rom 15:12et rursus Esaias ait erit radix Iesse et qui exsurget regere gentes in eo gentes sperabunt

Rom 15:13

Rom 15:13Deus autem spei repleat vos omni gaudio et pace in credendo ut abundetis in spe in virtute Spiritus Sancti

Rom 15:14

Rom 15:14certus sum autem fratres mei et ego ipse de vobis quoniam et ipsi pleni estis dilectione repleti omni scientia ita ut possitis alterutrum monere

Rom 15:15

Rom 15:15audacius autem scripsi vobis fratres ex parte tamquam in memoriam vos reducens propter gratiam quae data est mihi a Deo

Rom 15:16

Rom 15:16ut sim minister Christi Iesu in gentibus sanctificans evangelium Dei ut fiat oblatio gentium accepta sanctificata in Spiritu Sancto

Rom 15:17

Rom 15:17habeo igitur gloriam in Christo Iesu ad Deum

Rom 15:18

Rom 15:18non enim audeo aliquid loqui eorum quae per me non effecit Christus in oboedientiam gentium verbo et factis

Rom 15:19

Rom 15:19in virtute signorum et prodigiorum in virtute Spiritus Sancti ita ut ab Hierusalem per circuitum usque in Illyricum repleverim evangelium Christi

Rom 15:20

Rom 15:20sic autem hoc praedicavi evangelium non ubi nominatus est Christus ne super alienum fundamentum aedificarem

Rom 15:21

Rom 15:21sed sicut scriptum est quibus non est adnuntiatum de eo videbunt et qui non audierunt intellegent

Rom 15:22

Rom 15:22propter quod et inpediebar plurimum venire ad vos

Rom 15:23

Rom 15:23nunc vero ulterius locum non habens in his regionibus cupiditatem autem habens veniendi ad vos ex multis iam annis

Rom 15:24

Rom 15:24cum in Hispaniam proficisci coepero spero quod praeteriens videam vos et a vobis deducar illuc si vobis primum ex parte fruitus fuero

Rom 15:25

Rom 15:25nunc igitur proficiscar in Hierusalem ministrare sanctis

Rom 15:26

Rom 15:26probaverunt enim Macedonia et Achaia conlationem aliquam facere in pauperes sanctorum qui sunt in Hierusalem

Rom 15:27

Rom 15:27placuit enim eis et debitores sunt eorum nam si spiritalium eorum participes facti sunt gentiles debent et in carnalibus ministrare eis

Rom 15:28

Rom 15:28hoc igitur cum consummavero et adsignavero eis fructum hunc proficiscar per vos in Hispaniam

Rom 15:29

Rom 15:29scio autem quoniam veniens ad vos in abundantia benedictionis Christi veniam

Rom 15:30

Rom 15:30obsecro igitur vos fratres per Dominum nostrum Iesum Christum et per caritatem Spiritus ut adiuvetis me in orationibus pro me ad Deum

Rom 15:31

Rom 15:31ut liberer ab infidelibus qui sunt in Iudaea et obsequii mei oblatio accepta fiat in Hierosolyma sanctis

Rom 15:32

Rom 15:32ut veniam ad vos in gaudio per voluntatem Dei et refrigerer vobiscum

Rom 15:33

Rom 15:33Deus autem pacis sit cum omnibus vobis amen

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Romans Chapter 15 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras

Romanos (Romans) 15 :: Latin Vulgate (VUL)

Romans Chapter 15 — Additional Translations:

Did You Know BLB Is User Supported?