Hebræos (Hebrews) 10 :: Latin Vulgate (VUL)

Heb 10:1

Heb 10:1umbram enim habens lex bonorum futurorum non ipsam imaginem rerum per singulos annos hisdem ipsis hostiis quas offerunt indesinenter numquam potest accedentes perfectos facere

Heb 10:2

Heb 10:2alioquin non cessassent offerri ideo quod nullam haberent ultra conscientiam peccati cultores semel mundati

Heb 10:3

Heb 10:3sed in ipsis commemoratio peccatorum per singulos annos fit

Heb 10:4

Heb 10:4inpossibile enim est sanguine taurorum et hircorum auferri peccata

(cf. Psa 40:6–8 )

Heb 10:5

Heb 10:5ideo ingrediens mundum dicit hostiam et oblationem noluisti corpus autem aptasti mihi

Heb 10:6

Heb 10:6holocaustomata et pro peccato non tibi placuit

Heb 10:7

Heb 10:7tunc dixi ecce venio in capitulo libri scriptum est de me ut faciam Deus voluntatem tuam

Heb 10:8

Heb 10:8superius dicens quia hostias et oblationes et holocaustomata et pro peccato noluisti nec placita sunt tibi quae secundum legem offeruntur

Heb 10:9

Heb 10:9tunc dixit ecce venio ut faciam Deus voluntatem tuam aufert primum ut sequens statuat

Heb 10:10

Heb 10:10in qua voluntate sanctificati sumus per oblationem corporis Christi Iesu in semel

Heb 10:11

Heb 10:11et omnis quidem sacerdos praesto est cotidie ministrans et easdem saepe offerens hostias quae numquam possunt auferre peccata

Heb 10:12

Heb 10:12hic autem unam pro peccatis offerens hostiam in sempiternum sedit in dextera Dei

Heb 10:13

Heb 10:13de cetero expectans donec ponantur inimici eius scabillum pedum eius

Heb 10:14

Heb 10:14una enim oblatione consummavit in sempiternum sanctificatos

Heb 10:15

Heb 10:15contestatur autem nos et Spiritus Sanctus postquam enim dixit

Heb 10:16

Heb 10:16hoc autem testamentum quod testabor ad illos post dies illos dicit Dominus dando leges meas in cordibus eorum et in mente eorum superscribam eas

Heb 10:17

Heb 10:17et peccatorum et iniquitatium eorum iam non recordabor amplius

Heb 10:18

Heb 10:18ubi autem horum remissio iam non oblatio pro peccato

Heb 10:19

Heb 10:19habentes itaque fratres fiduciam in introitu sanctorum in sanguine Christi

Heb 10:20

Heb 10:20quam initiavit nobis viam novam et viventem per velamen id est carnem suam

Heb 10:21

Heb 10:21et sacerdotem magnum super domum Dei

Heb 10:22

Heb 10:22accedamus cum vero corde in plenitudine fidei aspersi corda a conscientia mala et abluti corpus aqua munda

Heb 10:23

Heb 10:23teneamus spei nostrae confessionem indeclinabilem fidelis enim est qui repromisit

Heb 10:24

Heb 10:24et consideremus invicem in provocationem caritatis et bonorum operum

Heb 10:25

Heb 10:25non deserentes collectionem nostram sicut est consuetudinis quibusdam sed consolantes et tanto magis quanto videritis adpropinquantem diem

Heb 10:26

Heb 10:26voluntarie enim peccantibus nobis post acceptam notitiam veritatis iam non relinquitur pro peccatis hostia

Heb 10:27

Heb 10:27terribilis autem quaedam expectatio iudicii et ignis aemulatio quae consumptura est adversarios

Heb 10:28

Heb 10:28irritam quis faciens legem Mosi sine ulla miseratione duobus vel tribus testibus moritur

Heb 10:29

Heb 10:29quanto magis putatis deteriora mereri supplicia qui Filium Dei conculcaverit et sanguinem testamenti pollutum duxerit in quo sanctificatus est et Spiritui gratiae contumeliam fecerit

Heb 10:30

Heb 10:30scimus enim qui dixit mihi vindictam ego reddam et iterum quia iudicabit Dominus populum suum

Heb 10:31

Heb 10:31horrendum est incidere in manus Dei viventis

Heb 10:32

Heb 10:32rememoramini autem pristinos dies in quibus inluminati magnum certamen sustinuistis passionum

Heb 10:33

Heb 10:33et in altero quidem obprobriis et tribulationibus spectaculum facti in altero autem socii taliter conversantium effecti

Heb 10:34

Heb 10:34nam et vinctis conpassi estis et rapinam bonorum vestrorum cum gaudio suscepistis cognoscentes vos habere meliorem et manentem substantiam

Heb 10:35

Heb 10:35nolite itaque amittere confidentiam vestram quae magnam habet remunerationem

Heb 10:36

Heb 10:36patientia enim vobis necessaria est ut voluntatem Dei facientes reportetis promissionem

Heb 10:37

Heb 10:37adhuc enim modicum quantulum qui venturus est veniet et non tardabit

Heb 10:38

Heb 10:38iustus autem meus ex fide vivit quod si subtraxerit se non placebit animae meae

Heb 10:39

Heb 10:39nos autem non sumus subtractionis in perditionem sed fidei in adquisitionem animae

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Hebrews Chapter 10 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras

Hebræos (Hebrews) 10 :: Latin Vulgate (VUL)

Hebrews Chapter 10 — Additional Translations:

Did You Know BLB Is User Supported?