Romanos (Romans) 11 :: Latin Vulgate (VUL)

Rom 11:1dico ergo numquid reppulit Deus populum suum absit nam et ego Israhelita sum ex semine Abraham tribu Beniamin

Rom 11:2non reppulit Deus plebem suam quam praesciit an nescitis in Helia quid dicit scriptura quemadmodum interpellat Deum adversus Israhel

Rom 11:3

Rom 11:3Domine prophetas tuos occiderunt altaria tua suffoderunt et ego relictus sum solus et quaerunt animam meam

Rom 11:4

Rom 11:4sed quid dicit illi responsum divinum reliqui mihi septem milia virorum qui non curvaverunt genu Baal

Rom 11:5

Rom 11:5sic ergo et in hoc tempore reliquiae secundum electionem gratiae factae sunt

Rom 11:6

Rom 11:6si autem gratia non ex operibus alioquin gratia iam non est gratia

Rom 11:7

Rom 11:7quid ergo quod quaerebat Israhel hoc non est consecutus electio autem consecuta est ceteri vero excaecati sunt

Rom 11:8

Rom 11:8sicut scriptum est dedit illis Deus spiritum conpunctionis oculos ut non videant et aures ut non audiant usque in hodiernum diem

Rom 11:9

Rom 11:9et David dicit fiat mensa eorum in laqueum et in captionem et in scandalum et in retributionem illis

Rom 11:10

Rom 11:10obscurentur oculi eorum ne videant et dorsum illorum semper incurva

Rom 11:11

Rom 11:11dico ergo numquid sic offenderunt ut caderent absit sed illorum delicto salus gentibus ut illos aemulentur

Rom 11:12

Rom 11:12quod si delictum illorum divitiae sunt mundi et deminutio eorum divitiae gentium quanto magis plenitudo eorum

Rom 11:13

Rom 11:13vobis enim dico gentibus quamdiu quidem ego sum gentium apostolus ministerium meum honorificabo

Rom 11:14

Rom 11:14si quo modo ad aemulandum provocem carnem meam et salvos faciam aliquos ex illis

Rom 11:15

Rom 11:15si enim amissio eorum reconciliatio est mundi quae adsumptio nisi vita ex mortuis

Rom 11:16

Rom 11:16quod si delibatio sancta est et massa et si radix sancta et rami

Rom 11:17

Rom 11:17quod si aliqui ex ramis fracti sunt tu autem cum oleaster esses insertus es in illis et socius radicis et pinguidinis olivae factus es

Rom 11:18

Rom 11:18noli gloriari adversus ramos quod si gloriaris non tu radicem portas sed radix te

Rom 11:19

Rom 11:19dices ergo fracti sunt rami ut ego inserar

Rom 11:20

Rom 11:20bene propter incredulitatem fracti sunt tu autem fide stas noli altum sapere sed time

Rom 11:21

Rom 11:21si enim Deus naturalibus ramis non pepercit ne forte nec tibi parcat

Rom 11:22

Rom 11:22vide ergo bonitatem et severitatem Dei in eos quidem qui ceciderunt severitatem in te autem bonitatem Dei si permanseris in bonitate alioquin et tu excideris

Rom 11:23

Rom 11:23sed et illi si non permanserint in incredulitate inserentur potens est enim Deus iterum inserere illos

Rom 11:24

Rom 11:24nam si tu ex naturali excisus es oleastro et contra naturam insertus es in bonam olivam quanto magis hii secundum naturam inserentur suae olivae

Rom 11:25

Rom 11:25nolo enim vos ignorare fratres mysterium hoc ut non sitis vobis ipsis sapientes quia caecitas ex parte contigit in Israhel donec plenitudo gentium intraret

Rom 11:26

Rom 11:26et sic omnis Israhel salvus fieret sicut scriptum est veniet ex Sion qui eripiat avertet impietates ab Iacob

Rom 11:27

Rom 11:27et hoc illis a me testamentum cum abstulero peccata eorum

Rom 11:28

Rom 11:28secundum evangelium quidem inimici propter vos secundum electionem autem carissimi propter patres

Rom 11:29

Rom 11:29sine paenitentia enim sunt dona et vocatio Dei

Rom 11:30

Rom 11:30sicut enim aliquando et vos non credidistis Deo nunc autem misericordiam consecuti estis propter illorum incredulitatem

Rom 11:31

Rom 11:31ita et isti nunc non crediderunt in vestram misericordiam ut et ipsi misericordiam consequantur

Rom 11:32

Rom 11:32conclusit enim Deus omnia in incredulitatem ut omnium misereatur

Rom 11:33

Rom 11:33o altitudo divitiarum sapientiae et scientiae Dei quam inconprehensibilia sunt iudicia eius et investigabiles viae eius

Rom 11:34

Rom 11:34quis enim cognovit sensum Domini aut quis consiliarius eius fuit

Rom 11:35

Rom 11:35aut quis prior dedit illi et retribuetur ei

Rom 11:36

Rom 11:36quoniam ex ipso et per ipsum et in ipso omnia ipsi gloria in saecula amen

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Romans Chapter 11 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras

Romanos (Romans) 11 :: Latin Vulgate (VUL)

Romans Chapter 11 — Additional Translations:

Did You Know BLB Is User Supported?