Matthæum (Matthew) 27 :: Latin Vulgate (VUL)

(Mar 15:1; Luk 23:1; Jhn 18:28 )

Mat 27:1mane autem facto consilium inierunt omnes principes sacerdotum et seniores populi adversus Iesum ut eum morti traderent

Mat 27:2

Mat 27:2et vinctum adduxerunt eum et tradiderunt Pontio Pilato praesidi

(Act 1:18, 19 )

Mat 27:3

Mat 27:3tunc videns Iudas qui eum tradidit quod damnatus esset paenitentia ductus rettulit triginta argenteos principibus sacerdotum et senioribus

Mat 27:4

Mat 27:4dicens peccavi tradens sanguinem iustum at illi dixerunt quid ad nos tu videris

Mat 27:5

Mat 27:5et proiectis argenteis in templo recessit et abiens laqueo se suspendit

Mat 27:6

Mat 27:6principes autem sacerdotum acceptis argenteis dixerunt non licet mittere eos in corbanan quia pretium sanguinis est

Mat 27:7

Mat 27:7consilio autem inito emerunt ex illis agrum figuli in sepulturam peregrinorum

Mat 27:8

Mat 27:8propter hoc vocatus est ager ille Acheldemach ager sanguinis usque in hodiernum diem

Mat 27:9

Mat 27:9tunc impletum est quod dictum est per Hieremiam prophetam dicentem et acceperunt triginta argenteos pretium adpretiati quem adpretiaverunt a filiis Israhel

Mat 27:10

Mat 27:10et dederunt eos in agrum figuli sicut constituit mihi Dominus

(Mar 15:2–5; Luk 23:2–5; Jhn 18:29–38 )

Mat 27:11

Mat 27:11Iesus autem stetit ante praesidem et interrogavit eum praeses dicens tu es rex Iudaeorum dicit ei Iesus tu dicis

Mat 27:12

Mat 27:12et cum accusaretur a principibus sacerdotum et senioribus nihil respondit

Mat 27:13

Mat 27:13tunc dicit illi Pilatus non audis quanta adversum te dicant testimonia

Mat 27:14

Mat 27:14et non respondit ei ad ullum verbum ita ut miraretur praeses vehementer

(Mar 15:6–15; Luk 23:13–25; Jhn 18:39, 40 )

Mat 27:15

Mat 27:15per diem autem sollemnem consueverat praeses dimittere populo unum vinctum quem voluissent

Mat 27:16

Mat 27:16habebat autem tunc vinctum insignem qui dicebatur Barabbas

Mat 27:17

Mat 27:17congregatis ergo illis dixit Pilatus quem vultis dimittam vobis Barabban an Iesum qui dicitur Christus

Mat 27:18

Mat 27:18sciebat enim quod per invidiam tradidissent eum

Mat 27:19

Mat 27:19sedente autem illo pro tribunali misit ad illum uxor eius dicens nihil tibi et iusto illi multa enim passa sum hodie per visum propter eum

Mat 27:20

Mat 27:20princeps autem sacerdotum et seniores persuaserunt populis ut peterent Barabban Iesum vero perderent

Mat 27:21

Mat 27:21respondens autem praeses ait illis quem vultis vobis de duobus dimitti at illi dixerunt Barabban

Mat 27:22

Mat 27:22dicit illis Pilatus quid igitur faciam de Iesu qui dicitur Christus

Mat 27:23

Mat 27:23dicunt omnes crucifigatur ait illis praeses quid enim mali fecit at illi magis clamabant dicentes crucifigatur

Mat 27:24

Mat 27:24videns autem Pilatus quia nihil proficeret sed magis tumultus fieret accepta aqua lavit manus coram populo dicens innocens ego sum a sanguine iusti huius vos videritis

Mat 27:25

Mat 27:25et respondens universus populus dixit sanguis eius super nos et super filios nostros

Mat 27:26

Mat 27:26tunc dimisit illis Barabban Iesum autem flagellatum tradidit eis ut crucifigeretur

(Mar 15:16–20 )

Mat 27:27

Mat 27:27tunc milites praesidis suscipientes Iesum in praetorio congregaverunt ad eum universam cohortem

Mat 27:28

Mat 27:28et exuentes eum clamydem coccineam circumdederunt ei

Mat 27:29

Mat 27:29et plectentes coronam de spinis posuerunt super caput eius et harundinem in dextera eius et genu flexo ante eum inludebant dicentes have rex Iudaeorum

Mat 27:30

Mat 27:30et expuentes in eum acceperunt harundinem et percutiebant caput eius

Mat 27:31

Mat 27:31et postquam inluserunt ei exuerunt eum clamydem et induerunt eum vestimentis eius et duxerunt eum ut crucifigerent

(Mar 15:21–32; Luk 23:26–43; Jhn 19:17–27 )

Mat 27:32

Mat 27:32exeuntes autem invenerunt hominem cyreneum nomine Simonem hunc angariaverunt ut tolleret crucem eius

Mat 27:33

Mat 27:33et venerunt in locum qui dicitur Golgotha quod est Calvariae locus

Mat 27:34

Mat 27:34et dederunt ei vinum bibere cum felle mixtum et cum gustasset noluit bibere

Mat 27:35

Mat 27:35postquam autem crucifixerunt eum diviserunt vestimenta eius sortem mittentes

Mat 27:36

Mat 27:36et sedentes servabant eum

Mat 27:37

Mat 27:37et inposuerunt super caput eius causam ipsius scriptam hic est Iesus rex Iudaeorum

Mat 27:38

Mat 27:38tunc crucifixi sunt cum eo duo latrones unus a dextris et unus a sinistris

Mat 27:39

Mat 27:39praetereuntes autem blasphemabant eum moventes capita sua

Mat 27:40

Mat 27:40et dicentes qui destruit templum et in triduo illud reaedificat salva temet ipsum si Filius Dei es descende de cruce

Mat 27:41

Mat 27:41similiter et principes sacerdotum inludentes cum scribis et senioribus dicentes

Mat 27:42

Mat 27:42alios salvos fecit se ipsum non potest salvum facere si rex Israhel est descendat nunc de cruce et credemus ei

Mat 27:43

Mat 27:43confidet in Deo liberet nunc eum si vult dixit enim quia Dei Filius sum

Mat 27:44

Mat 27:44id ipsum autem et latrones qui fixi erant cum eo inproperabant ei

(Mar 15:33–41; Luk 23:44–49; Jhn 19:28–30 )

Mat 27:45

Mat 27:45a sexta autem hora tenebrae factae sunt super universam terram usque ad horam nonam

Mat 27:46

Mat 27:46et circa horam nonam clamavit Iesus voce magna dicens Heli Heli lema sabacthani hoc est Deus meus Deus meus ut quid dereliquisti me

Mat 27:47

Mat 27:47quidam autem illic stantes et audientes dicebant Heliam vocat iste

Mat 27:48

Mat 27:48et continuo currens unus ex eis acceptam spongiam implevit aceto et inposuit harundini et dabat ei bibere

Mat 27:49

Mat 27:49ceteri vero dicebant sine videamus an veniat Helias liberans eum

Mat 27:50

Mat 27:50Iesus autem iterum clamans voce magna emisit spiritum

Mat 27:51

Mat 27:51et ecce velum templi scissum est in duas partes a summo usque deorsum et terra mota est et petrae scissae sunt

Mat 27:52

Mat 27:52et monumenta aperta sunt et multa corpora sanctorum qui dormierant surrexerunt

Mat 27:53

Mat 27:53et exeuntes de monumentis post resurrectionem eius venerunt in sanctam civitatem et apparuerunt multis

Mat 27:54

Mat 27:54centurio autem et qui cum eo erant custodientes Iesum viso terraemotu et his quae fiebant timuerunt valde dicentes vere Dei Filius erat iste

Mat 27:55

Mat 27:55erant autem ibi mulieres multae a longe quae secutae erant Iesum a Galilaea ministrantes ei

Mat 27:56

Mat 27:56inter quas erat Maria Magdalene et Maria Iacobi et Ioseph mater et mater filiorum Zebedaei

(Mar 15:42–47; Luk 23:50–56; Jhn 19:38–42 )

Mat 27:57

Mat 27:57cum sero autem factum esset venit quidam homo dives ab Arimathia nomine Ioseph qui et ipse discipulus erat Iesu

Mat 27:58

Mat 27:58hic accessit ad Pilatum et petiit corpus Iesu tunc Pilatus iussit reddi corpus

Mat 27:59

Mat 27:59et accepto corpore Ioseph involvit illud sindone munda

Mat 27:60

Mat 27:60et posuit illud in monumento suo novo quod exciderat in petra et advolvit saxum magnum ad ostium monumenti et abiit

Mat 27:61

Mat 27:61erat autem ibi Maria Magdalene et altera Maria sedentes contra sepulchrum

Mat 27:62

Mat 27:62altera autem die quae est post parasceven convenerunt principes sacerdotum et Pharisaei ad Pilatum

Mat 27:63

Mat 27:63dicentes domine recordati sumus quia seductor ille dixit adhuc vivens post tres dies resurgam

Mat 27:64

Mat 27:64iube ergo custodiri sepulchrum usque in diem tertium ne forte veniant discipuli eius et furentur eum et dicant plebi surrexit a mortuis et erit novissimus error peior priore

Mat 27:65

Mat 27:65ait illis Pilatus habetis custodiam ite custodite sicut scitis

Mat 27:66

Mat 27:66illi autem abeuntes munierunt sepulchrum signantes lapidem cum custodibus

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.