Marcum (Mark) 6 :: Latin Vulgate (VUL)

(Mat 13:53–58; Luk 4:16–30 )

Mar 6:1et egressus inde abiit in patriam suam et sequebantur illum discipuli sui

Mar 6:2et facto sabbato coepit in synagoga docere et multi audientes admirabantur in doctrina eius dicentes unde huic haec omnia et quae est sapientia quae data est illi et virtutes tales quae per manus eius efficiuntur

Mar 6:3

Mar 6:3nonne iste est faber filius Mariae frater Iacobi et Ioseph et Iudae et Simonis nonne et sorores eius hic nobiscum sunt et scandalizabantur in illo

Mar 6:4

Mar 6:4et dicebat eis Iesus quia non est propheta sine honore nisi in patria sua et in cognatione sua et in domo sua

Mar 6:5

Mar 6:5et non poterat ibi virtutem ullam facere nisi paucos infirmos inpositis manibus curavit

Mar 6:6

Mar 6:6et mirabatur propter incredulitatem eorum

(Mat 10:1, 5–15; Luk 9:1–6 )

Mar 6:7

Mar 6:7et circumibat castella in circuitu docens et convocavit duodecim et coepit eos mittere binos et dabat illis potestatem spirituum inmundorum

Mar 6:8

Mar 6:8et praecepit eis ne quid tollerent in via nisi virgam tantum non peram non panem neque in zona aes

Mar 6:9

Mar 6:9sed calciatos sandaliis et ne induerentur duabus tunicis

Mar 6:10

Mar 6:10et dicebat eis quocumque introieritis in domum illic manete donec exeatis inde

Mar 6:11

Mar 6:11et quicumque non receperint vos nec audierint vos exeuntes inde excutite pulverem de pedibus vestris in testimonium illis

Mar 6:12

Mar 6:12et exeuntes praedicabant ut paenitentiam agerent

Mar 6:13

Mar 6:13et daemonia multa eiciebant et unguebant oleo multos aegrotos et sanabant

(Mat 14:1–12; Luk 9:7–9 )

Mar 6:14

Mar 6:14et audivit Herodes rex manifestum enim factum est nomen eius et dicebat quia Iohannes Baptista resurrexit a mortuis et propterea inoperantur virtutes in illo

Mar 6:15

Mar 6:15alii autem dicebant quia Helias est alii vero dicebant propheta est quasi unus ex prophetis

Mar 6:16

Mar 6:16quo audito Herodes ait quem ego decollavi Iohannem hic a mortuis resurrexit

Mar 6:17

Mar 6:17ipse enim Herodes misit ac tenuit Iohannem et vinxit eum in carcere propter Herodiadem uxorem Philippi fratris sui quia duxerat eam

Mar 6:18

Mar 6:18dicebat enim Iohannes Herodi non licet tibi habere uxorem fratris tui

Mar 6:19

Mar 6:19Herodias autem insidiabatur illi et volebat occidere eum nec poterat

Mar 6:20

Mar 6:20Herodes enim metuebat Iohannem sciens eum virum iustum et sanctum et custodiebat eum et audito eo multa faciebat et libenter eum audiebat

Mar 6:21

Mar 6:21et cum dies oportunus accidisset Herodes natalis sui cenam fecit principibus et tribunis et primis Galilaeae

Mar 6:22

Mar 6:22cumque introisset filia ipsius Herodiadis et saltasset et placuisset Herodi simulque recumbentibus rex ait puellae pete a me quod vis et dabo tibi

Mar 6:23

Mar 6:23et iuravit illi quia quicquid petieris dabo tibi licet dimidium regni mei

Mar 6:24

Mar 6:24quae cum exisset dixit matri suae quid petam et illa dixit caput Iohannis Baptistae

Mar 6:25

Mar 6:25cumque introisset statim cum festinatione ad regem petivit dicens volo ut protinus des mihi in disco caput Iohannis Baptistae

Mar 6:26

Mar 6:26et contristatus rex propter iusiurandum et propter simul recumbentes noluit eam contristare

Mar 6:27

Mar 6:27sed misso speculatore praecepit adferri caput eius in disco et decollavit eum in carcere

Mar 6:28

Mar 6:28et adtulit caput eius in disco et dedit illud puellae et puella dedit matri suae

Mar 6:29

Mar 6:29quo audito discipuli eius venerunt et tulerunt corpus eius et posuerunt illud in monumento

(Mat 14:13–21; Luk 9:10–17; Jhn 6:1–14 )

Mar 6:30

Mar 6:30et convenientes apostoli ad Iesum renuntiaverunt illi omnia quae egerant et docuerant

Mar 6:31

Mar 6:31et ait illis venite seorsum in desertum locum et requiescite pusillum erant enim qui veniebant et rediebant multi et nec manducandi spatium habebant

Mar 6:32

Mar 6:32et ascendentes in navi abierunt in desertum locum seorsum

Mar 6:33

Mar 6:33et viderunt eos abeuntes et cognoverunt multi et pedestre et de omnibus civitatibus concurrerunt illuc et praevenerunt eos

Mar 6:34

Mar 6:34et exiens vidit multam turbam Iesus et misertus est super eos quia erant sicut oves non habentes pastorem et coepit docere illos multa

Mar 6:35

Mar 6:35et cum iam hora multa fieret accesserunt discipuli eius dicentes desertus est locus hic et iam hora praeterivit

Mar 6:36

Mar 6:36dimitte illos ut euntes in proximas villas et vicos emant sibi cibos quos manducent

Mar 6:37

Mar 6:37et respondens ait illis date illis manducare et dixerunt ei euntes emamus denariis ducentis panes et dabimus eis manducare

Mar 6:38

Mar 6:38et dicit eis quot panes habetis ite et videte et cum cognovissent dicunt quinque et duos pisces

Mar 6:39

Mar 6:39et praecepit illis ut accumbere facerent omnes secundum contubernia super viride faenum

Mar 6:40

Mar 6:40et discubuerunt in partes per centenos et per quinquagenos

Mar 6:41

Mar 6:41et acceptis quinque panibus et duobus piscibus intuens in caelum benedixit et fregit panes et dedit discipulis suis ut ponerent ante eos et duos pisces divisit omnibus

Mar 6:42

Mar 6:42et manducaverunt omnes et saturati sunt

Mar 6:43

Mar 6:43et sustulerunt reliquias fragmentorum duodecim cofinos plenos et de piscibus

Mar 6:44

Mar 6:44erant autem qui manducaverunt quinque milia virorum

(Mat 14:22–33; Jhn 6:15–21 )

Mar 6:45

Mar 6:45et statim coegit discipulos suos ascendere navem ut praecederent eum trans fretum ad Bethsaidam dum ipse dimitteret populum

Mar 6:46

Mar 6:46et cum dimisisset eos abiit in montem orare

Mar 6:47

Mar 6:47et cum sero esset erat navis in medio mari et ipse solus in terra

Mar 6:48

Mar 6:48et videns eos laborantes in remigando erat enim ventus contrarius eis et circa quartam vigiliam noctis venit ad eos ambulans super mare et volebat praeterire eos

Mar 6:49

Mar 6:49at illi ut viderunt eum ambulantem super mare putaverunt fantasma esse et exclamaverunt

Mar 6:50

Mar 6:50omnes enim eum viderunt et conturbati sunt et statim locutus est cum eis et dixit illis confidite ego sum nolite timere

Mar 6:51

Mar 6:51et ascendit ad illos in navem et cessavit ventus et plus magis intra se stupebant

Mar 6:52

Mar 6:52non enim intellexerant de panibus erat enim cor illorum obcaecatum

(Mat 14:34–36 )

Mar 6:53

Mar 6:53et cum transfretassent pervenerunt in terram Gennesareth et adplicuerunt

Mar 6:54

Mar 6:54cumque egressi essent de navi continuo cognoverunt eum

Mar 6:55

Mar 6:55et percurrentes universam regionem illam coeperunt in grabattis eos qui se male habebant circumferre ubi audiebant eum esse

Mar 6:56

Mar 6:56et quocumque introibat in vicos vel in villas aut civitates in plateis ponebant infirmos et deprecabantur eum ut vel fimbriam vestimenti eius tangerent et quotquot tangebant eum salvi fiebant

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Mark Chapter 6 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras

Marcum (Mark) 6 :: Latin Vulgate (VUL)

Mark Chapter 6 — Additional Translations:

Did You Know BLB Is User Supported?