Lucam (Luke) 4 :: Latin Vulgate (VUL)

(Mat 4:1–11; Mar 1:12, 13 )

Luk 4:1

Luk 4:1Iesus autem plenus Spiritu Sancto regressus est ab Iordane et agebatur in Spiritu in desertum

Luk 4:2

Luk 4:2diebus quadraginta et temptabatur a diabolo et nihil manducavit in diebus illis et consummatis illis esuriit

Luk 4:3

Luk 4:3dixit autem illi diabolus si Filius Dei es dic lapidi huic ut panis fiat

Luk 4:4

Luk 4:4et respondit ad illum Iesus scriptum est quia non in pane solo vivet homo sed in omni verbo Dei

Luk 4:5

Luk 4:5et duxit illum diabolus et ostendit illi omnia regna orbis terrae in momento temporis

Luk 4:6

Luk 4:6et ait ei tibi dabo potestatem hanc universam et gloriam illorum quia mihi tradita sunt et cui volo do illa

Luk 4:7

Luk 4:7tu ergo si adoraveris coram me erunt tua omnia

Luk 4:8

Luk 4:8et respondens Iesus dixit illi scriptum est Dominum Deum tuum adorabis et illi soli servies

Luk 4:9

Luk 4:9et duxit illum in Hierusalem et statuit eum supra pinnam templi et dixit illi si Filius Dei es mitte te hinc deorsum

Luk 4:10

Luk 4:10scriptum est enim quod angelis suis mandabit de te ut conservent te

Luk 4:11

Luk 4:11et quia in manibus tollent te ne forte offendas ad lapidem pedem tuum

Luk 4:12

Luk 4:12et respondens Iesus ait illi dictum est non temptabis Dominum Deum tuum

Luk 4:13

Luk 4:13et consummata omni temptatione diabolus recessit ab illo usque ad tempus

(Mat 4:12–17; Mar 1:14, 15 )

Luk 4:14

Luk 4:14et regressus est Iesus in virtute Spiritus in Galilaeam et fama exiit per universam regionem de illo

Luk 4:15

Luk 4:15et ipse docebat in synagogis eorum et magnificabatur ab omnibus

(Mat 13:54–58; Mar 6:1–6 )

Luk 4:16

Luk 4:16et venit Nazareth ubi erat nutritus et intravit secundum consuetudinem suam die sabbati in synagogam et surrexit legere

Luk 4:17

Luk 4:17et traditus est illi liber prophetae Esaiae et ut revolvit librum invenit locum ubi scriptum erat

Luk 4:18

Luk 4:18Spiritus Domini super me propter quod unxit me evangelizare pauperibus misit me

Luk 4:19

Luk 4:19praedicare captivis remissionem et caecis visum dimittere confractos in remissionem praedicare annum Domini acceptum et diem retributionis

Luk 4:20

Luk 4:20et cum plicuisset librum reddidit ministro et sedit et omnium in synagoga oculi erant intendentes in eum

Luk 4:21

Luk 4:21coepit autem dicere ad illos quia hodie impleta est haec scriptura in auribus vestris

Luk 4:22

Luk 4:22et omnes testimonium illi dabant et mirabantur in verbis gratiae quae procedebant de ore ipsius et dicebant nonne hic filius est Ioseph

Luk 4:23

Luk 4:23et ait illis utique dicetis mihi hanc similitudinem medice cura te ipsum quanta audivimus facta in Capharnaum fac et hic in patria tua

Luk 4:24

Luk 4:24ait autem amen dico vobis quia nemo propheta acceptus est in patria sua

Luk 4:25

Luk 4:25in veritate dico vobis multae viduae erant in diebus Heliae in Israhel quando clusum est caelum annis tribus et mensibus sex cum facta est fames magna in omni terra

Luk 4:26

Luk 4:26et ad nullam illarum missus est Helias nisi in Sareptha Sidoniae ad mulierem viduam

Luk 4:27

Luk 4:27et multi leprosi erant in Israhel sub Heliseo propheta et nemo eorum mundatus est nisi Neman Syrus

Luk 4:28

Luk 4:28et repleti sunt omnes in synagoga ira haec audientes

Luk 4:29

Luk 4:29et surrexerunt et eiecerunt illum extra civitatem et duxerunt illum usque ad supercilium montis supra quem civitas illorum erat aedificata ut praecipitarent eum

Luk 4:30

Luk 4:30ipse autem transiens per medium illorum ibat

(Mar 1:21–28 )

Luk 4:31

Luk 4:31et descendit in Capharnaum civitatem Galilaeae ibique docebat illos sabbatis

Luk 4:32

Luk 4:32et stupebant in doctrina eius quia in potestate erat sermo ipsius

Luk 4:33

Luk 4:33et in synagoga erat homo habens daemonium inmundum et exclamavit voce magna

Luk 4:34

Luk 4:34dicens sine quid nobis et tibi Iesu Nazarene venisti perdere nos scio te qui sis Sanctus Dei

Luk 4:35

Luk 4:35et increpavit illi Iesus dicens obmutesce et exi ab illo et cum proiecisset illum daemonium in medium exiit ab illo nihilque illum nocuit

Luk 4:36

Luk 4:36et factus est pavor in omnibus et conloquebantur ad invicem dicentes quod est hoc verbum quia in potestate et virtute imperat inmundis spiritibus et exeunt

Luk 4:37

Luk 4:37et divulgabatur fama de illo in omnem locum regionis

(Mat 8:14, 15; Mar 1:29–31 )

Luk 4:38

Luk 4:38surgens autem de synagoga introivit in domum Simonis socrus autem Simonis tenebatur magnis febribus et rogaverunt illum pro ea

Luk 4:39

Luk 4:39et stans super illam imperavit febri et dimisit illam et continuo surgens ministrabat illis

(Mat 8:16, 17; Mar 1:32–34 )

Luk 4:40

Luk 4:40cum sol autem occidisset omnes qui habebant infirmos variis languoribus ducebant illos ad eum at ille singulis manus inponens curabat eos

Luk 4:41

Luk 4:41exiebant autem etiam daemonia a multis clamantia et dicentia quia tu es Filius Dei et increpans non sinebat ea loqui quia sciebant ipsum esse Christum

(Mat 4:23–25; Mar 1:35–39 )

Luk 4:42

Luk 4:42facta autem die egressus ibat in desertum locum et turbae requirebant eum et venerunt usque ad ipsum et detinebant illum ne discederet ab eis

Luk 4:43

Luk 4:43quibus ille ait quia et aliis civitatibus oportet me evangelizare regnum Dei quia ideo missus sum

Luk 4:44

Luk 4:44et erat praedicans in synagogis Galilaeae

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Luke Chapter 4 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras

Lucam (Luke) 4 :: Latin Vulgate (VUL)

Luke Chapter 4 — Additional Translations:

Did You Know BLB Is User Supported?