Lucam (Luke) 23 :: Latin Vulgate (VUL)

(Mat 27:1, 2, 11–14; Mar 15:1–5; Jhn 18:28–38 )

Luk 23:1et surgens omnis multitudo eorum duxerunt illum ad Pilatum

Luk 23:2coeperunt autem accusare illum dicentes hunc invenimus subvertentem gentem nostram et prohibentem tributa dari Caesari et dicentem se Christum regem esse

Luk 23:3

Luk 23:3Pilatus autem interrogavit eum dicens tu es rex Iudaeorum at ille respondens ait tu dicis

Luk 23:4

Luk 23:4ait autem Pilatus ad principes sacerdotum et turbas nihil invenio causae in hoc homine

Luk 23:5

Luk 23:5at illi invalescebant dicentes commovet populum docens per universam Iudaeam et incipiens a Galilaea usque huc

Luk 23:6

Luk 23:6Pilatus autem audiens Galilaeam interrogavit si homo Galilaeus esset

Luk 23:7

Luk 23:7et ut cognovit quod de Herodis potestate esset remisit eum ad Herodem qui et ipse Hierosolymis erat illis diebus

Luk 23:8

Luk 23:8Herodes autem viso Iesu gavisus est valde erat enim cupiens ex multo tempore videre eum eo quod audiret multa de illo et sperabat signum aliquod videre ab eo fieri

Luk 23:9

Luk 23:9interrogabat autem illum multis sermonibus at ipse nihil illi respondebat

Luk 23:10

Luk 23:10stabant etiam principes sacerdotum et scribae constanter accusantes eum

Luk 23:11

Luk 23:11sprevit autem illum Herodes cum exercitu suo et inlusit indutum veste alba et remisit ad Pilatum

Luk 23:12

Luk 23:12et facti sunt amici Herodes et Pilatus in ipsa die nam antea inimici erant ad invicem

(Mat 27:15–26; Mar 15:6–15; Jhn 18:38—19:16 )

Luk 23:13

Luk 23:13Pilatus autem convocatis principibus sacerdotum et magistratibus et plebe

Luk 23:14

Luk 23:14dixit ad illos obtulistis mihi hunc hominem quasi avertentem populum et ecce ego coram vobis interrogans nullam causam inveni in homine isto ex his in quibus eum accusatis

Luk 23:15

Luk 23:15sed neque Herodes nam remisi vos ad illum et ecce nihil dignum morte actum est ei

Luk 23:16

Luk 23:16emendatum ergo illum dimittam

Luk 23:17

Luk 23:17necesse autem habebat dimittere eis per diem festum unum

Luk 23:18

Luk 23:18exclamavit autem simul universa turba dicens tolle hunc et dimitte nobis Barabban

Luk 23:19

Luk 23:19qui erat propter seditionem quandam factam in civitate et homicidium missus in carcerem

Luk 23:20

Luk 23:20iterum autem Pilatus locutus est ad illos volens dimittere Iesum

Luk 23:21

Luk 23:21at illi succlamabant dicentes crucifige crucifige illum

Luk 23:22

Luk 23:22ille autem tertio dixit ad illos quid enim mali fecit iste nullam causam mortis invenio in eo corripiam ergo illum et dimittam

Luk 23:23

Luk 23:23at illi instabant vocibus magnis postulantes ut crucifigeretur et invalescebant voces eorum

Luk 23:24

Luk 23:24et Pilatus adiudicavit fieri petitionem eorum

Luk 23:25

Luk 23:25dimisit autem illis eum qui propter homicidium et seditionem missus fuerat in carcerem quem petebant Iesum vero tradidit voluntati eorum

(Mat 27:32–44; Mar 15:21–32; Jhn 19:17–24 )

Luk 23:26

Luk 23:26et cum ducerent eum adprehenderunt Simonem quendam Cyrenensem venientem de villa et inposuerunt illi crucem portare post Iesum

Luk 23:27

Luk 23:27sequebatur autem illum multa turba populi et mulierum quae plangebant et lamentabant eum

Luk 23:28

Luk 23:28conversus autem ad illas Iesus dixit filiae Hierusalem nolite flere super me sed super vos ipsas flete et super filios vestros

Luk 23:29

Luk 23:29quoniam ecce venient dies in quibus dicent beatae steriles et ventres qui non genuerunt et ubera quae non lactaverunt

Luk 23:30

Luk 23:30tunc incipient dicere montibus cadite super nos et collibus operite nos

Luk 23:31

Luk 23:31quia si in viridi ligno haec faciunt in arido quid fiet

Luk 23:32

Luk 23:32ducebantur autem et alii duo nequam cum eo ut interficerentur

Luk 23:33

Luk 23:33et postquam venerunt in locum qui vocatur Calvariae ibi crucifixerunt eum et latrones unum a dextris et alterum a sinistris

Luk 23:34

Luk 23:34Iesus autem dicebat Pater dimitte illis non enim sciunt quid faciunt dividentes vero vestimenta eius miserunt sortes

Luk 23:35

Luk 23:35et stabat populus expectans et deridebant illum principes cum eis dicentes alios salvos fecit se salvum faciat si hic est Christus Dei electus

Luk 23:36

Luk 23:36inludebant autem ei et milites accedentes et acetum offerentes illi

Luk 23:37

Luk 23:37dicentes si tu es rex Iudaeorum salvum te fac

Luk 23:38

Luk 23:38erat autem et superscriptio inscripta super illum litteris graecis et latinis et hebraicis hic est rex Iudaeorum

Luk 23:39

Luk 23:39unus autem de his qui pendebant latronibus blasphemabat eum dicens si tu es Christus salvum fac temet ipsum et nos

Luk 23:40

Luk 23:40respondens autem alter increpabat illum dicens neque tu times Deum quod in eadem damnatione es

Luk 23:41

Luk 23:41et nos quidem iuste nam digna factis recipimus hic vero nihil mali gessit

Luk 23:42

Luk 23:42et dicebat ad Iesum Domine memento mei cum veneris in regnum tuum

Luk 23:43

Luk 23:43et dixit illi Iesus amen dico tibi hodie mecum eris in paradiso

(Mat 27:45–56; Mar 15:33–41; Jhn 19:25–30 )

Luk 23:44

Luk 23:44erat autem fere hora sexta et tenebrae factae sunt in universa terra usque in nonam horam

Luk 23:45

Luk 23:45et obscuratus est sol et velum templi scissum est medium

Luk 23:46

Luk 23:46et clamans voce magna Iesus ait Pater in manus tuas commendo spiritum meum et haec dicens exspiravit

Luk 23:47

Luk 23:47videns autem centurio quod factum fuerat glorificavit Deum dicens vere hic homo iustus erat

Luk 23:48

Luk 23:48et omnis turba eorum qui simul aderant ad spectaculum istud et videbant quae fiebant percutientes pectora sua revertebantur

Luk 23:49

Luk 23:49stabant autem omnes noti eius a longe et mulieres quae secutae erant eum a Galilaea haec videntes

(Mat 27:57–61; Mar 15:42–47; Jhn 19:38–42 )

Luk 23:50

Luk 23:50et ecce vir nomine Ioseph qui erat decurio vir bonus et iustus

Luk 23:51

Luk 23:51hic non consenserat consilio et actibus eorum ab Arimathia civitate Iudaeae qui expectabat et ipse regnum Dei

Luk 23:52

Luk 23:52hic accessit ad Pilatum et petiit corpus Iesu

Luk 23:53

Luk 23:53et depositum involvit sindone et posuit eum in monumento exciso in quo nondum quisquam positus fuerat

Luk 23:54

Luk 23:54et dies erat parasceves et sabbatum inlucescebat

Luk 23:55

Luk 23:55subsecutae autem mulieres quae cum ipso venerant de Galilaea viderunt monumentum et quemadmodum positum erat corpus eius

Luk 23:56

Luk 23:56et revertentes paraverunt aromata et unguenta et sabbato quidem siluerunt secundum mandatum

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.