Lucam (Luke) 19 :: Latin Vulgate (VUL)

Luk 19:1

Luk 19:1et ingressus perambulabat Hiericho

Luk 19:2

Luk 19:2et ecce vir nomine Zaccheus et hic erat princeps publicanorum et ipse dives

Luk 19:3

Luk 19:3et quaerebat videre Iesum quis esset et non poterat prae turba quia statura pusillus erat

Luk 19:4

Luk 19:4et praecurrens ascendit in arborem sycomorum ut videret illum quia inde erat transiturus

Luk 19:5

Luk 19:5et cum venisset ad locum suspiciens Iesus vidit illum et dixit ad eum Zacchee festinans descende quia hodie in domo tua oportet me manere

Luk 19:6

Luk 19:6et festinans descendit et excepit illum gaudens

Luk 19:7

Luk 19:7et cum viderent omnes murmurabant dicentes quod ad hominem peccatorem devertisset

Luk 19:8

Luk 19:8stans autem Zaccheus dixit ad Dominum ecce dimidium bonorum meorum Domine do pauperibus et si quid aliquem defraudavi reddo quadruplum

Luk 19:9

Luk 19:9ait Iesus ad eum quia hodie salus domui huic facta est eo quod et ipse filius sit Abrahae

Luk 19:10

Luk 19:10venit enim Filius hominis quaerere et salvum facere quod perierat

(Mat 25:14–30 )

Luk 19:11

Luk 19:11haec illis audientibus adiciens dixit parabolam eo quod esset prope Hierusalem et quia existimarent quod confestim regnum Dei manifestaretur

Luk 19:12

Luk 19:12dixit ergo homo quidam nobilis abiit in regionem longinquam accipere sibi regnum et reverti

Luk 19:13

Luk 19:13vocatis autem decem servis suis dedit illis decem mnas et ait ad illos negotiamini dum venio

Luk 19:14

Luk 19:14cives autem eius oderant illum et miserunt legationem post illum dicentes nolumus hunc regnare super nos

Luk 19:15

Luk 19:15et factum est ut rediret accepto regno et iussit vocari servos quibus dedit pecuniam ut sciret quantum quisque negotiatus esset

Luk 19:16

Luk 19:16venit autem primus dicens domine mna tua decem mnas adquisivit

Luk 19:17

Luk 19:17et ait illi euge bone serve quia in modico fidelis fuisti eris potestatem habens supra decem civitates

Luk 19:18

Luk 19:18et alter venit dicens domine mna tua fecit quinque mnas

Luk 19:19

Luk 19:19et huic ait et tu esto supra quinque civitates

Luk 19:20

Luk 19:20et alter venit dicens domine ecce mna tua quam habui repositam in sudario

Luk 19:21

Luk 19:21timui enim te quia homo austeris es tollis quod non posuisti et metis quod non seminasti

Luk 19:22

Luk 19:22dicit ei de ore tuo te iudico serve nequam sciebas quod ego austeris homo sum tollens quod non posui et metens quod non seminavi

Luk 19:23

Luk 19:23et quare non dedisti pecuniam meam ad mensam et ego veniens cum usuris utique exegissem illud

Luk 19:24

Luk 19:24et adstantibus dixit auferte ab illo mnam et date illi qui decem mnas habet

Luk 19:25

Luk 19:25et dixerunt ei domine habet decem mnas

Luk 19:26

Luk 19:26dico autem vobis quia omni habenti dabitur ab eo autem qui non habet et quod habet auferetur ab eo

Luk 19:27

Luk 19:27verumtamen inimicos meos illos qui noluerunt me regnare super se adducite huc et interficite ante me

(Mat 21:1–11; Mar 11:1–11; Jhn 12:12–19 )

Luk 19:28

Luk 19:28et his dictis praecedebat ascendens in Hierosolyma

Luk 19:29

Luk 19:29et factum est cum adpropinquasset ad Bethfage et Bethania ad montem qui vocatur Oliveti misit duos discipulos suos

Luk 19:30

Luk 19:30dicens ite in castellum quod contra est in quod introeuntes invenietis pullum asinae alligatum cui nemo umquam hominum sedit solvite illum et adducite

Luk 19:31

Luk 19:31et si quis vos interrogaverit quare solvitis sic dicetis ei quia Dominus operam eius desiderat

Luk 19:32

Luk 19:32abierunt autem qui missi erant et invenerunt sicut dixit illis stantem pullum

Luk 19:33

Luk 19:33solventibus autem illis pullum dixerunt domini eius ad illos quid solvitis pullum

Luk 19:34

Luk 19:34at illi dixerunt quia Dominus eum necessarium habet

Luk 19:35

Luk 19:35et duxerunt illum ad Iesum et iactantes vestimenta sua supra pullum inposuerunt Iesum

Luk 19:36

Luk 19:36eunte autem illo substernebant vestimenta sua in via

Luk 19:37

Luk 19:37et cum adpropinquaret iam ad descensum montis Oliveti coeperunt omnes turbae discentium gaudentes laudare Deum voce magna super omnibus quas viderant virtutibus

Luk 19:38

Luk 19:38dicentes benedictus qui venit rex in nomine Domini pax in caelo et gloria in excelsis

Luk 19:39

Luk 19:39et quidam Pharisaeorum de turbis dixerunt ad illum magister increpa discipulos tuos

Luk 19:40

Luk 19:40quibus ipse ait dico vobis quia si hii tacuerint lapides clamabunt

Luk 19:41

Luk 19:41et ut adpropinquavit videns civitatem flevit super illam dicens

Luk 19:42

Luk 19:42quia si cognovisses et tu et quidem in hac die tua quae ad pacem tibi nunc autem abscondita sunt ab oculis tuis

Luk 19:43

Luk 19:43quia venient dies in te et circumdabunt te inimici tui vallo et circumdabunt te et coangustabunt te undique

Luk 19:44

Luk 19:44ad terram prosternent te et filios qui in te sunt et non relinquent in te lapidem super lapidem eo quod non cognoveris tempus visitationis tuae

(Mat 21:12–17; Mar 11:15–19; Jhn 2:12–25 )

Luk 19:45

Luk 19:45et ingressus in templum coepit eicere vendentes in illo et ementes

Luk 19:46

Luk 19:46dicens illis scriptum est quia domus mea domus orationis est vos autem fecistis illam speluncam latronum

Luk 19:47

Luk 19:47et erat docens cotidie in templo principes autem sacerdotum et scribae et principes plebis quaerebant illum perdere

Luk 19:48

Luk 19:48et non inveniebant quid facerent illi omnis enim populus suspensus erat audiens illum

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.