Lucam (Luke) 18 :: Latin Vulgate (VUL)

Luk 18:1

Luk 18:1dicebat autem et parabolam ad illos quoniam oportet semper orare et non deficere

Luk 18:2

Luk 18:2dicens iudex quidam erat in quadam civitate qui Deum non timebat et hominem non verebatur

Luk 18:3

Luk 18:3vidua autem quaedam erat in civitate illa et veniebat ad eum dicens vindica me de adversario meo

Luk 18:4

Luk 18:4et nolebat per multum tempus post haec autem dixit intra se et si Deum non timeo nec hominem revereor

Luk 18:5

Luk 18:5tamen quia molesta est mihi haec vidua vindicabo illam ne in novissimo veniens suggillet me

Luk 18:6

Luk 18:6ait autem Dominus audite quid iudex iniquitatis dicit

Luk 18:7

Luk 18:7Deus autem non faciet vindictam electorum suorum clamantium ad se die ac nocte et patientiam habebit in illis

Luk 18:8

Luk 18:8dico vobis quia cito faciet vindictam illorum verumtamen Filius hominis veniens putas inveniet fidem in terra

Luk 18:9

Luk 18:9dixit autem et ad quosdam qui in se confidebant tamquam iusti et aspernabantur ceteros parabolam istam

Luk 18:10

Luk 18:10duo homines ascenderunt in templum ut orarent unus Pharisaeus et alter publicanus

Luk 18:11

Luk 18:11Pharisaeus stans haec apud se orabat Deus gratias ago tibi quia non sum sicut ceteri hominum raptores iniusti adulteri vel ut etiam hic publicanus

Luk 18:12

Luk 18:12ieiuno bis in sabbato decimas do omnium quae possideo

Luk 18:13

Luk 18:13et publicanus a longe stans nolebat nec oculos ad caelum levare sed percutiebat pectus suum dicens Deus propitius esto mihi peccatori

Luk 18:14

Luk 18:14dico vobis descendit hic iustificatus in domum suam ab illo quia omnis qui se exaltat humiliabitur et qui se humiliat exaltabitur

(Mat 19:13–15; Mar 10:13–16 )

Luk 18:15

Luk 18:15adferebant autem ad illum et infantes ut eos tangeret quod cum viderent discipuli increpabant illos

Luk 18:16

Luk 18:16Iesus autem convocans illos dixit sinite pueros venire ad me et nolite eos vetare talium est enim regnum Dei

Luk 18:17

Luk 18:17amen dico vobis quicumque non acceperit regnum Dei sicut puer non intrabit in illud

(Mat 19:16–22; Mar 10:17–22 )

Luk 18:18

Luk 18:18et interrogavit eum quidam princeps dicens magister bone quid faciens vitam aeternam possidebo

Luk 18:19

Luk 18:19dixit autem ei Iesus quid me dicis bonum nemo bonus nisi solus Deus

Luk 18:20

Luk 18:20mandata nosti non occides non moechaberis non furtum facies non falsum testimonium dices honora patrem tuum et matrem

Luk 18:21

Luk 18:21qui ait haec omnia custodivi a iuventute mea

Luk 18:22

Luk 18:22quo audito Iesus ait ei adhuc unum tibi deest omnia quaecumque habes vende et da pauperibus et habebis thesaurum in caelo et veni sequere me

Luk 18:23

Luk 18:23his ille auditis contristatus est quia dives erat valde

(Mat 19:23–30; Mar 10:23–31 )

Luk 18:24

Luk 18:24videns autem illum Iesus tristem factum dixit quam difficile qui pecunias habent in regnum Dei intrabunt

Luk 18:25

Luk 18:25facilius est enim camelum per foramen acus transire quam divitem intrare in regnum Dei

Luk 18:26

Luk 18:26et dixerunt qui audiebant et quis potest salvus fieri

Luk 18:27

Luk 18:27ait illis quae inpossibilia sunt apud homines possibilia sunt apud Deum

Luk 18:28

Luk 18:28ait autem Petrus ecce nos dimisimus omnia et secuti sumus te

Luk 18:29

Luk 18:29qui dixit eis amen dico vobis nemo est qui reliquit domum aut parentes aut fratres aut uxorem aut filios propter regnum Dei

Luk 18:30

Luk 18:30et non recipiat multo plura in hoc tempore et in saeculo venturo vitam aeternam

(Mat 20:17–19; Mar 10:32–34 )

Luk 18:31

Luk 18:31adsumpsit autem Iesus duodecim et ait illis ecce ascendimus Hierosolyma et consummabuntur omnia quae scripta sunt per prophetas de Filio hominis

Luk 18:32

Luk 18:32tradetur enim gentibus et inludetur et flagellabitur et conspuetur

Luk 18:33

Luk 18:33et postquam flagellaverint occident eum et die tertia resurget

Luk 18:34

Luk 18:34et ipsi nihil horum intellexerunt et erat verbum istud absconditum ab eis et non intellegebant quae dicebantur

(Mat 20:29–34; Mar 10:46–52 )

Luk 18:35

Luk 18:35factum est autem cum adpropinquaret Hiericho caecus quidam sedebat secus viam mendicans

Luk 18:36

Luk 18:36et cum audiret turbam praetereuntem interrogabat quid hoc esset

Luk 18:37

Luk 18:37dixerunt autem ei quod Iesus Nazarenus transiret

Luk 18:38

Luk 18:38et clamavit dicens Iesu Fili David miserere mei

Luk 18:39

Luk 18:39et qui praeibant increpabant eum ut taceret ipse vero multo magis clamabat Fili David miserere mei

Luk 18:40

Luk 18:40stans autem Iesus iussit illum adduci ad se et cum adpropinquasset interrogavit illum

Luk 18:41

Luk 18:41dicens quid tibi vis faciam at ille dixit Domine ut videam

Luk 18:42

Luk 18:42et Iesus dixit illi respice fides tua te salvum fecit

Luk 18:43

Luk 18:43et confestim vidit et sequebatur illum magnificans Deum et omnis plebs ut vidit dedit laudem Deo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.