Lucam (Luke) 16 (VUL) - dicebat autem et ad discipulos

¶

Luk 16:1dicebat autem et ad discipulos suos homo quidam erat dives qui habebat vilicum et hic diffamatus est apud illum quasi dissipasset bona ipsius

Luk 16:2

Luk 16:2et vocavit illum et ait illi quid hoc audio de te redde rationem vilicationis tuae iam enim non poteris vilicare

Luk 16:3

¶

Luk 16:3ait autem vilicus intra se quid faciam quia dominus meus aufert a me vilicationem fodere non valeo mendicare erubesco

Luk 16:4

Luk 16:4scio quid faciam ut cum amotus fuero a vilicatione recipiant me in domos suas

Luk 16:5

¶

Luk 16:5convocatis itaque singulis debitoribus domini sui dicebat primo quantum debes domino meo

Luk 16:6

Luk 16:6at ille dixit centum cados olei dixitque illi accipe cautionem tuam et sede cito scribe quinquaginta

Luk 16:7

Luk 16:7deinde alio dixit tu vero quantum debes qui ait centum choros tritici ait illi accipe litteras tuas et scribe octoginta

Luk 16:8

Luk 16:8et laudavit dominus vilicum iniquitatis quia prudenter fecisset quia filii huius saeculi prudentiores filiis lucis in generatione sua sunt

Luk 16:9

¶

Luk 16:9et ego vobis dico facite vobis amicos de mamona iniquitatis ut cum defeceritis recipiant vos in aeterna tabernacula

Luk 16:10

Luk 16:10qui fidelis est in minimo et in maiori fidelis est et qui in modico iniquus est et in maiori iniquus est

Luk 16:11

Luk 16:11si ergo in iniquo mamona fideles non fuistis quod verum est quis credet vobis

Luk 16:12

Luk 16:12et si in alieno fideles non fuistis quod vestrum est quis dabit vobis

Luk 16:13

¶

Luk 16:13nemo servus potest duobus dominis servire aut enim unum odiet et alterum diliget aut uni adherebit et alterum contemnet non potestis Deo servire et mamonae

Luk 16:14

¶

Luk 16:14audiebant autem omnia haec Pharisaei qui erant avari et deridebant illum

Luk 16:15

Luk 16:15et ait illis vos estis qui iustificatis vos coram hominibus Deus autem novit corda vestra quia quod hominibus altum est abominatio est ante Deum

Luk 16:16

¶

Luk 16:16lex et prophetae usque ad Iohannem ex eo regnum Dei evangelizatur et omnis in illud vim facit

Luk 16:17

Luk 16:17facilius est autem caelum et terram praeterire quam de lege unum apicem cadere

Luk 16:18

¶

Luk 16:18omnis qui dimittit uxorem suam et ducit alteram moechatur et qui dimissam a viro ducit moechatur

Luk 16:19

¶

Luk 16:19homo quidam erat dives et induebatur purpura et bysso et epulabatur cotidie splendide

Luk 16:20

Luk 16:20et erat quidam mendicus nomine Lazarus qui iacebat ad ianuam eius ulceribus plenus

Luk 16:21

Luk 16:21cupiens saturari de micis quae cadebant de mensa divitis sed et canes veniebant et lingebant ulcera eius

Luk 16:22

Luk 16:22factum est autem ut moreretur mendicus et portaretur ab angelis in sinum Abrahae mortuus est autem et dives et sepultus est in inferno

Luk 16:23

Luk 16:23elevans oculos suos cum esset in tormentis videbat Abraham a longe et Lazarum in sinu eius

Luk 16:24

¶

Luk 16:24et ipse clamans dixit pater Abraham miserere mei et mitte Lazarum ut intinguat extremum digiti sui in aqua ut refrigeret linguam meam quia crucior in hac flamma

Luk 16:25

Luk 16:25et dixit illi Abraham fili recordare quia recepisti bona in vita tua et Lazarus similiter mala nunc autem hic consolatur tu vero cruciaris

Luk 16:26

Luk 16:26et in his omnibus inter nos et vos chasma magnum firmatum est ut hii qui volunt hinc transire ad vos non possint neque inde huc transmeare

Luk 16:27

¶

Luk 16:27et ait rogo ergo te pater ut mittas eum in domum patris mei

Luk 16:28

Luk 16:28habeo enim quinque fratres ut testetur illis ne et ipsi veniant in locum hunc tormentorum

Luk 16:29

Luk 16:29et ait illi Abraham habent Mosen et prophetas audiant illos

Luk 16:30

Luk 16:30at ille dixit non pater Abraham sed si quis ex mortuis ierit ad eos paenitentiam agent

Luk 16:31

Luk 16:31ait autem illi si Mosen et prophetas non audiunt neque si quis ex mortuis resurrexerit credent

Lucam (Luke) 16 :: Latin Vulgate (VUL)