Lucam (Luke) 11 (VUL) - et factum est cum esset

¶

Luk 11:1et factum est cum esset in loco quodam orans ut cessavit dixit unus ex discipulis eius ad eum Domine doce nos orare sicut et Iohannes docuit discipulos suos

Luk 11:2

¶

Luk 11:2et ait illis cum oratis dicite Pater sanctificetur nomen tuum adveniat regnum tuum

Luk 11:3

Luk 11:3panem nostrum cotidianum da nobis cotidie

Luk 11:4

Luk 11:4et dimitte nobis peccata nostra siquidem et ipsi dimittimus omni debenti nobis et ne nos inducas in temptationem

Luk 11:5

¶

Luk 11:5et ait ad illos quis vestrum habebit amicum et ibit ad illum media nocte et dicit illi amice commoda mihi tres panes

Luk 11:6

Luk 11:6quoniam amicus meus venit de via ad me et non habeo quod ponam ante illum

Luk 11:7

Luk 11:7et ille de intus respondens dicat noli mihi molestus esse iam ostium clausum est et pueri mei mecum sunt in cubili non possum surgere et dare tibi

Luk 11:8

Luk 11:8dico vobis et si non dabit illi surgens eo quod amicus eius sit propter inprobitatem tamen eius surget et dabit illi quotquot habet necessarios

Luk 11:9

¶

Luk 11:9et ego vobis dico petite et dabitur vobis quaerite et invenietis pulsate et aperietur vobis

Luk 11:10

Luk 11:10omnis enim qui petit accipit et qui quaerit invenit et pulsanti aperietur

Luk 11:11

Luk 11:11quis autem ex vobis patrem petet panem numquid lapidem dabit illi aut piscem numquid pro pisce serpentem dabit illi

Luk 11:12

Luk 11:12aut si petierit ovum numquid porriget illi scorpionem

Luk 11:13

Luk 11:13si ergo vos cum sitis mali nostis bona data dare filiis vestris quanto magis Pater vester de caelo dabit spiritum bonum petentibus se

Luk 11:14

¶

Luk 11:14et erat eiciens daemonium et illud erat mutum et cum eiecisset daemonium locutus est mutus et admiratae sunt turbae

Luk 11:15

Luk 11:15quidam autem ex eis dixerunt in Beelzebub principe daemoniorum eicit daemonia

Luk 11:16

¶

Luk 11:16et alii temptantes signum de caelo quaerebant ab eo

Luk 11:17

Luk 11:17ipse autem ut vidit cogitationes eorum dixit eis omne regnum in se ipsum divisum desolatur et domus supra domum cadet

Luk 11:18

Luk 11:18si autem et Satanas in se ipsum divisus est quomodo stabit regnum ipsius quia dicitis in Beelzebub eicere me daemonia

Luk 11:19

Luk 11:19si autem ego in Beelzebub eicio daemonia filii vestri in quo eiciunt ideo ipsi iudices vestri erunt

Luk 11:20

Luk 11:20porro si in digito Dei eicio daemonia profecto praevenit in vos regnum Dei

Luk 11:21

Luk 11:21cum fortis armatus custodit atrium suum in pace sunt ea quae possidet

Luk 11:22

Luk 11:22si autem fortior illo superveniens vicerit eum universa arma eius aufert in quibus confidebat et spolia eius distribuit

Luk 11:23

Luk 11:23qui non est mecum adversum me est et qui non colligit mecum dispergit

Luk 11:24

¶

Luk 11:24cum inmundus spiritus exierit de homine perambulat per loca inaquosa quaerens requiem et non inveniens dicit revertar in domum meam unde exivi

Luk 11:25

Luk 11:25et cum venerit invenit scopis mundatam

Luk 11:26

Luk 11:26et tunc vadit et adsumit septem alios spiritus nequiores se et ingressi habitant ibi et sunt novissima hominis illius peiora prioribus

Luk 11:27

¶

Luk 11:27factum est autem cum haec diceret extollens vocem quaedam mulier de turba dixit illi beatus venter qui te portavit et ubera quae suxisti

Luk 11:28

¶

Luk 11:28at ille dixit quippini beati qui audiunt verbum Dei et custodiunt

Luk 11:29

¶

Luk 11:29turbis autem concurrentibus coepit dicere generatio haec generatio nequam est signum quaerit et signum non dabitur illi nisi signum Ionae

Luk 11:30

Luk 11:30nam sicut Ionas fuit signum Ninevitis ita erit et Filius hominis generationi isti

Luk 11:31

Luk 11:31regina austri surget in iudicio cum viris generationis huius et condemnabit illos quia venit a finibus terrae audire sapientiam Salomonis et ecce plus Salomone hic

Luk 11:32

Luk 11:32viri ninevitae surgent in iudicio cum generatione hac et condemnabunt illam quia paenitentiam egerunt ad praedicationem Ionae et ecce plus Iona hic

Luk 11:33

¶

Luk 11:33nemo lucernam accendit et in abscondito ponit neque sub modio sed supra candelabrum ut qui ingrediuntur lumen videant

Luk 11:34

Luk 11:34lucerna corporis tui est oculus tuus si oculus tuus fuerit simplex totum corpus tuum lucidum erit si autem nequam fuerit etiam corpus tuum tenebrosum erit

Luk 11:35

Luk 11:35vide ergo ne lumen quod in te est tenebrae sint

Luk 11:36

Luk 11:36si ergo corpus tuum totum lucidum fuerit non habens aliquam partem tenebrarum erit lucidum totum et sicut lucerna fulgoris inluminabit te

Luk 11:37

¶

Luk 11:37et cum loqueretur rogavit illum quidam Pharisaeus ut pranderet apud se et ingressus recubuit

Luk 11:38

Luk 11:38Pharisaeus autem coepit intra se reputans dicere quare non baptizatus esset ante prandium

Luk 11:39

¶

Luk 11:39et ait Dominus ad illum nunc vos Pharisaei quod de foris est calicis et catini mundatis quod autem intus est vestrum plenum est rapina et iniquitate

Luk 11:40

Luk 11:40stulti nonne qui fecit quod de foris est etiam id quod de intus est fecit

Luk 11:41

Luk 11:41verumtamen quod superest date elemosynam et ecce omnia munda sunt vobis

Luk 11:42

¶

Luk 11:42sed vae vobis Pharisaeis quia decimatis mentam et rutam et omne holus et praeteritis iudicium et caritatem Dei haec autem oportuit facere et illa non omittere

Luk 11:43

Luk 11:43vae vobis Pharisaeis quia diligitis primas cathedras in synagogis et salutationes in foro

Luk 11:44

Luk 11:44vae vobis quia estis ut monumenta quae non parent et homines ambulantes supra nesciunt

Luk 11:45

¶

Luk 11:45respondens autem quidam ex legis peritis ait illi magister haec dicens etiam nobis contumeliam facis

Luk 11:46

¶

Luk 11:46at ille ait et vobis legis peritis vae quia oneratis homines oneribus quae portari non possunt et ipsi uno digito vestro non tangitis sarcinas

Luk 11:47

Luk 11:47vae vobis quia aedificatis monumenta prophetarum patres autem vestri occiderunt illos

Luk 11:48

Luk 11:48profecto testificamini quod consentitis operibus patrum vestrorum quoniam quidem ipsi eos occiderunt vos autem aedificatis eorum sepulchra

Luk 11:49

Luk 11:49propterea et sapientia Dei dixit mittam ad illos prophetas et apostolos et ex illis occident et persequentur

Luk 11:50

Luk 11:50ut inquiratur sanguis omnium prophetarum qui effusus est a constitutione mundi a generatione ista

Luk 11:51

Luk 11:51a sanguine Abel usque ad sanguinem Zacchariae qui periit inter altare et aedem ita dico vobis requiretur ab hac generatione

Luk 11:52

¶

Luk 11:52vae vobis legis peritis quia tulistis clavem scientiae ipsi non introistis et eos qui introibant prohibuistis

Luk 11:53

¶

Luk 11:53cum haec ad illos diceret coeperunt Pharisaei et legis periti graviter insistere et os eius opprimere de multis

Luk 11:54

Luk 11:54insidiantes et quaerentes capere aliquid ex ore eius ut accusarent eum

Lucam (Luke) 11 :: Latin Vulgate (VUL)