Leviticus (Leviticus) 7 :: Latin Vulgate (VUL)

Lev 7:1

Lev 7:1haec quoque est lex hostiae pro delicto sancta sanctorum est

Lev 7:2

Lev 7:2idcirco ubi immolatur holocaustum mactabitur et victima pro delicto sanguis eius per gyrum fundetur altaris

Lev 7:3

Lev 7:3offerent ex ea caudam et adipem qui operit vitalia

Lev 7:4

Lev 7:4duos renunculos et pinguedinem quae iuxta ilia est reticulumque iecoris cum renunculis

Lev 7:5

Lev 7:5et adolebit ea sacerdos super altare incensum est Domini pro delicto

Lev 7:6

Lev 7:6omnis masculus de sacerdotali genere in loco sancto vescetur his carnibus quia sanctum sanctorum est

Lev 7:7

Lev 7:7sicut pro peccato offertur hostia ita et pro delicto utriusque hostiae lex una erit ad sacerdotem qui eam obtulerit pertinebit

Lev 7:8

Lev 7:8sacerdos qui offert holocausti victimam habebit pellem eius

Lev 7:9

Lev 7:9et omne sacrificium similae quod coquitur in clibano et quicquid in craticula vel in sartagine praeparatur eius erit sacerdotis a quo offertur

Lev 7:10

Lev 7:10sive oleo conspersa sive arida fuerit cunctis filiis Aaron aequa mensura per singulos dividetur

Lev 7:11

Lev 7:11haec est lex hostiae pacificorum quae offertur Domino

Lev 7:12

Lev 7:12si pro gratiarum actione fuerit oblatio offerent panes absque fermento conspersos oleo et lagana azyma uncta oleo coctamque similam et collyridas olei admixtione conspersas

Lev 7:13

Lev 7:13panes quoque fermentatos cum hostia gratiarum quae immolatur pro pacificis

Lev 7:14

Lev 7:14ex quibus unus pro primitiis offeretur Domino et erit sacerdotis qui fundet hostiae sanguinem

Lev 7:15

Lev 7:15cuius carnes eadem comedentur die nec remanebit ex eis quicquam usque mane

Lev 7:16

Lev 7:16si voto vel sponte quisquam obtulerit hostiam eadem similiter edetur die sed et si quid in crastinum remanserit vesci licitum est

Lev 7:17

Lev 7:17quicquid autem tertius invenerit dies ignis absumet

Lev 7:18

Lev 7:18si quis de carnibus victimae pacificorum die tertio comederit irrita fiet oblatio nec proderit offerenti quin potius quaecumque anima tali se edulio contaminarit praevaricationis rea erit

Lev 7:19

Lev 7:19caro quae aliquid tetigerit inmundum non comedetur sed conburetur igni qui fuerit mundus vescetur ea

Lev 7:20

Lev 7:20anima polluta quae ederit de carnibus hostiae pacificorum quae oblata est Domino peribit de populis suis

Lev 7:21

Lev 7:21et quae tetigerit inmunditiam hominis vel iumenti sive omnis rei quae polluere potest et comederit de huiuscemodi carnibus interibit de populis suis

Lev 7:22

Lev 7:22locutusque est Dominus ad Mosen dicens

Lev 7:23

Lev 7:23loquere filiis Israhel adipem bovis et ovis et caprae non comedetis

Lev 7:24

Lev 7:24adipem cadaveris morticini et eius animalis quod a bestia captum est habebitis in usus varios

Lev 7:25

Lev 7:25si quis adipem qui offerri debet in incensum Domini comederit peribit de populo suo

Lev 7:26

Lev 7:26sanguinem quoque omnis animalis non sumetis in cibo tam de avibus quam de pecoribus

Lev 7:27

Lev 7:27omnis anima quae ederit sanguinem peribit de populis suis

Lev 7:28

Lev 7:28locutus est Dominus ad Mosen dicens

Lev 7:29

Lev 7:29loquere filiis Israhel qui offert victimam pacificorum Domino offerat simul et sacrificium id est libamenta eius

Lev 7:30

Lev 7:30tenebit manibus adipem hostiae et pectusculum cumque ambo oblata Domino consecrarit tradet sacerdoti

Lev 7:31

Lev 7:31qui adolebit adipem super altare pectusculum autem erit Aaron et filiorum eius

Lev 7:32

Lev 7:32armus quoque dexter de pacificorum hostiis cedet in primitias sacerdotis

Lev 7:33

Lev 7:33qui obtulerit sanguinem et adipem filiorum Aaron ipse habebit et armum dextrum in portione sua

Lev 7:34

Lev 7:34pectusculum enim elationis et armum separationis tuli a filiis Israhel de hostiis eorum pacificis et dedi Aaron sacerdoti ac filiis eius lege perpetua ab omni populo Israhel

Lev 7:35

Lev 7:35haec est unctio Aaron et filiorum eius in caerimoniis Domini die qua obtulit eos Moses ut sacerdotio fungerentur

Lev 7:36

Lev 7:36et quae praecepit dari eis Dominus a filiis Israhel religione perpetua in generationibus suis

Lev 7:37

Lev 7:37ista est lex holocausti et sacrificii pro peccato atque delicto et pro consecratione et pacificorum victimis

Lev 7:38

Lev 7:38quas constituit Dominus Mosi in monte Sinai quando mandavit filiis Israhel ut offerrent oblationes suas Domino in deserto Sinai

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Leviticus Chapter 7 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Westminster Leningrad Codex Septuagint Smith Van Dyck Arabic Bible Open New Arabic Version Brenton's English Septuagint Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras

Leviticus (Leviticus) 7 :: Latin Vulgate (VUL)

Leviticus Chapter 7 — Additional Translations:

Did You Know BLB Is User Supported?