Previous Chapter Full Page Full Page Next Chapter

Jeremiæ (Jeremiah) 5 :: Latin Vulgate (VUL)

Jer 5:1

Jer 5:1circuite vias Hierusalem et aspicite et considerate et quaerite in plateis eius an inveniatis virum facientem iudicium et quaerentem fidem et propitius ero eius

Jer 5:2

Jer 5:2quod si etiam vivit Dominus dixerint et hoc falso iurabunt

Jer 5:3

Jer 5:3Domine oculi tui respiciunt fidem percussisti eos et non doluerunt adtrivisti eos et rennuerunt accipere disciplinam induraverunt facies suas super petram noluerunt reverti

Jer 5:4

Jer 5:4ego autem dixi forsitan pauperes sunt et stulti ignorantes viam Domini iudicium Dei sui

Jer 5:5

Jer 5:5ibo igitur ad optimates et loquar eis ipsi enim cognoverunt viam Domini iudicium Dei sui et ecce magis hii simul confregerunt iugum ruperunt vincula

Jer 5:6

Jer 5:6idcirco percussit eos leo de silva lupus ad vesperam vastavit eos pardus vigilans super civitates eorum omnis qui egressus fuerit ex eis capietur quia multiplicatae sunt praevaricationes eorum confortatae sunt aversiones eorum

Jer 5:7

Jer 5:7super quo propitius tibi esse potero filii tui dereliquerunt me et iurant in his qui non sunt dii saturavi eos et moechati sunt et in domo meretricis luxuriabantur

Jer 5:8

Jer 5:8equi amatores et admissarii facti sunt unusquisque ad uxorem proximi sui hinniebat

Jer 5:9

Jer 5:9numquid super his non visitabo dicit Dominus et in gente tali non ulciscetur anima mea

Jer 5:10

Jer 5:10ascendite muros eius et dissipate consummationem autem nolite facere auferte propagines eius quia non sunt Domini

Jer 5:11

Jer 5:11praevaricatione enim praevaricata est in me domus Israhel et domus Iuda ait Dominus

Jer 5:12

Jer 5:12negaverunt Dominum et dixerunt non est ipse neque veniet super nos malum gladium et famem non videbimus

Jer 5:13

Jer 5:13prophetae fuerunt in ventum et responsum non fuit in eis haec ergo evenient illis

Jer 5:14

Jer 5:14haec dicit Dominus Deus exercituum quia locuti estis verbum istud ecce ego do verba mea in ore tuo in ignem et populum istum ligna et vorabit eos

Jer 5:15

Jer 5:15ecce ego adducam super vos gentem de longinquo domus Israhel ait Dominus gentem robustam gentem antiquam gentem cuius ignorabis linguam nec intelleges quid loquatur

Jer 5:16

Jer 5:16faretra eius quasi sepulchrum patens universi fortes

Jer 5:17

Jer 5:17et comedet segetes tuas et panem tuum devorabit filios tuos et filias tuas comedet gregem tuum et armenta tua comedet vineam tuam et ficum tuam et conteret urbes munitas tuas in quibus tu habes fiduciam gladio

Jer 5:18

Jer 5:18verumtamen et diebus illis ait Dominus non faciam vos in consummationem

Jer 5:19

Jer 5:19quod si dixeritis quare fecit Dominus Deus noster nobis haec omnia dices ad eos sicut dereliquistis me et servistis deo alieno in terra vestra sic servietis alienis in terra non vestra

Jer 5:20

Jer 5:20adnuntiate hoc domui Iacob et auditum facite in Iuda dicentes

Jer 5:21

Jer 5:21audi populus stulte qui non habes cor qui habentes oculos non videtis et aures et non auditis

Jer 5:22

Jer 5:22me ergo non timebitis ait Dominus et a facie mea non dolebitis qui posui harenam terminum mari praeceptum sempiternum quod non praeteribit et commovebuntur et non poterunt et intumescent fluctus eius et non transibunt illud

Jer 5:23

Jer 5:23populo autem huic factum est cor incredulum et exasperans recesserunt et abierunt

Jer 5:24

Jer 5:24et non dixerunt in corde suo metuamus Dominum Deum nostrum qui dat nobis pluviam temporaneam et serotinam in tempore suo plenitudinem annuae messis custodientem nobis

Jer 5:25

Jer 5:25iniquitates nostrae declinaverunt haec et peccata nostra prohibuerunt bonum a nobis

Jer 5:26

Jer 5:26quia inventi sunt in populo meo impii insidiantes quasi aucupes laqueos ponentes et pedicas ad capiendos viros

Jer 5:27

Jer 5:27sicut decipula plena avibus sic domus eorum plenae dolo ideo magnificati sunt et ditati

Jer 5:28

Jer 5:28incrassati sunt et inpinguati et praeterierunt sermones meos pessime causam non iudicaverunt causam pupilli non direxerunt et iudicium pauperum non iudicaverunt

Jer 5:29

Jer 5:29numquid super his non visitabo dicit Dominus aut super gentem huiuscemodi non ulciscetur anima mea

Jer 5:30

Jer 5:30stupor et mirabilia facta sunt in terra

Jer 5:31

Jer 5:31prophetae prophetabant mendacium et sacerdotes adplaudebant manibus suis et populus meus dilexit talia quid igitur fiet in novissimo eius
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Translations available: King James Version, New King James Version, New Living Translation, New International Version, English Standard Version, Christian Standard Bible, New American Standard Bible 2020, New American Standard Bible 1995, Legacy Standard Bible 2021, New English Translation, Revised Standard Version, American Standard Version, Young's Literal Translation, Darby Translation, Webster's Bible, Hebrew Names Version, Reina-Valera 1960, Latin Vulgate, Westminster Leningrad Codex, Septuagint, Morphological Greek New Testament, and Textus Receptus.