Previous Chapter Full Page Full Page Next Chapter

Jeremiæ (Jeremiah) 49 :: Latin Vulgate (VUL)

Jer 49:1

Jer 49:1ad filios Ammon haec dicit Dominus numquid filii non sunt Israhel aut heres non est ei cur igitur hereditate possedit Melchom Gad et populus eius in urbibus eius habitavit

Jer 49:2

Jer 49:2ideo ecce dies veniunt dicit Dominus et auditum faciam super Rabbath filiorum Ammon fremitum proelii et erit in tumulum dissipata filiaeque eius igni succendentur et possidebit Israhel possessores suos dicit Dominus

Jer 49:3

Jer 49:3ulula Esebon quoniam vastata est Ahi clamate filiae Rabbath accingite vos ciliciis plangite et circuite per sepes quia Melchom in transmigratione ducetur sacerdotes eius et principes eius simul

Jer 49:4

Jer 49:4quid gloriaris in vallibus defluxit vallis tua filia delicata quae confidebas in thesauris tuis et dicebas quis veniet ad me

Jer 49:5

Jer 49:5ecce ego inducam super te terrorem ait Dominus Deus exercituum ab omnibus qui sunt in circuitu tuo et dispergemini singuli a conspectu vestro nec erit qui congreget fugientem

Jer 49:6

Jer 49:6et post haec reverti faciam captivos filiorum Ammon ait Dominus

Jer 49:7

Jer 49:7ad Idumeam haec dicit Dominus exercituum numquid non est ultra sapientia in Theman periit consilium a filiis inutilis facta est sapientia eorum

Jer 49:8

Jer 49:8fugite terga vertite descendite in voragine habitatores Dedan quoniam perditionem Esau adduxi super eum tempus visitationis eius

Jer 49:9

Jer 49:9si vindemiatores venissent super te non reliquissent racemum si fures in nocte rapuissent quod sufficeret sibi

Jer 49:10

Jer 49:10ego vero discoperui Esau revelavi abscondita eius et celari non poterit vastatum est semen eius et fratres eius et vicini eius et non erit

Jer 49:11

Jer 49:11relinque pupillos tuos ego eos faciam vivere et viduae tuae in me sperabunt

Jer 49:12

Jer 49:12quia haec dicit Dominus ecce quibus non erat iudicium ut biberent calicem bibentes bibent et tu quasi innocens relinqueris non eris innocens sed bibens bibes

Jer 49:13

Jer 49:13quia per memet ipsum iuravi dicit Dominus quod in solitudinem et in obprobrium et in desertum et in maledictionem erit Bosra et omnes civitates eius erunt in solitudines sempiternas

Jer 49:14

Jer 49:14auditum audivi a Domino et legatus ad gentes missus est congregamini et venite contra eam et consurgamus in proelium

Jer 49:15

Jer 49:15ecce enim parvulum dedi te in gentibus contemptibilem inter homines

Jer 49:16

Jer 49:16arrogantia tua decepit te et superbia cordis tui qui habitas in cavernis petrae et adprehendere niteris altitudinem collis cum exaltaveris quasi aquila nidum tuum inde detraham te dicit Dominus

Jer 49:17

Jer 49:17et erit Idumea deserta omnis qui transibit per eam stupebit et sibilabit super omnes plagas eius

Jer 49:18

Jer 49:18sicuti subversa est Sodoma et Gomorra et vicinae eius ait Dominus non habitabit ibi vir et non incolet eam filius hominis

Jer 49:19

Jer 49:19ecce quasi leo ascendet de superbia Iordanis ad pulchritudinem robustam quia subito currere eum faciam ad illam et quis erit electus quem praeponam ei quis enim similis mei et quis sustinebit me et quis est iste pastor qui resistat vultui meo

Jer 49:20

Jer 49:20propterea audite consilium Domini quod iniit de Edom et cogitationes eius quas cogitavit de habitatoribus Theman si non deiecerint eos parvuli gregis nisi dissipaverint cum eis habitaculum eorum

Jer 49:21

Jer 49:21a voce ruinae eorum commota est terra clamor in mari Rubro auditus est vocis eius

Jer 49:22

Jer 49:22ecce quasi aquila ascendet et evolabit et expandet alas suas super Bosram et erit cor fortium Idumeae in die illa quasi cor mulieris parturientis

Jer 49:23

Jer 49:23ad Damascum confusa est Emath et Arfad quia auditum pessimum audierunt turbati sunt in mari sollicitudine quiescere non potuit

Jer 49:24

Jer 49:24dissoluta est Damascus versa in fugam tremor adprehendit eam angustia et dolores tenuerunt eam quasi parturientem

Jer 49:25

Jer 49:25quomodo dereliquerunt civitatem laudabilem urbem laetitiae

Jer 49:26

Jer 49:26ideo cadent iuvenes eius in plateis eius et omnes viri proelii conticescent in die illa ait Dominus exercituum

Jer 49:27

Jer 49:27et succendam ignem in muro Damasci et devorabit moenia Benadad

Jer 49:28

Jer 49:28ad Cedar et ad regna Asor quae percussit Nabuchodonosor rex Babylonis haec dicit Dominus surgite ascendite ad Cedar et vastate filios orientis

Jer 49:29

Jer 49:29tabernacula eorum et greges eorum capient pelles eorum et omnia vasa eorum et camelos eorum tollent sibi et vocabunt super eos formidinem in circuitu

Jer 49:30

Jer 49:30fugite abite vehementer in voraginibus sedete qui habitatis Asor ait Dominus iniit enim contra vos Nabuchodonosor rex Babylonis consilium et cogitavit adversum vos cogitationes

Jer 49:31

Jer 49:31consurgite et ascendite ad gentem quietam et habitantem confidenter ait Dominus non ostia non vectes ei soli habitant

Jer 49:32

Jer 49:32et erunt cameli eorum in direptionem et multitudo iumentorum in praedam et dispergam eos in omnem ventum qui sunt adtonsi in comam et ex omni confinio eorum adducam interitum super eos ait Dominus

Jer 49:33

Jer 49:33et erit Asor in habitaculum draconum deserta usque in aeternum non manebit ibi vir nec incolet eam filius hominis

Jer 49:34

Jer 49:34quod factum est verbum Domini ad Hieremiam prophetam adversus Aelam in principio regni Sedeciae regis Iuda dicens

Jer 49:35

Jer 49:35haec dicit Dominus exercituum ecce ego confringam arcum Aelam summam fortitudinem eorum

Jer 49:36

Jer 49:36et inducam super Aelam quattuor ventos a quattuor plagis caeli et ventilabo eos in omnes ventos istos et non erit gens ad quam non perveniant profugi Aelam

Jer 49:37

Jer 49:37et pavere faciam Aelam coram inimicis suis et in conspectu quaerentium animam eorum et adducam super eos malum iram furoris mei dicit Dominus et emittam post eos gladium donec consumam eos

Jer 49:38

Jer 49:38et ponam solium meum in Aelam et perdam inde reges et principes ait Dominus

Jer 49:39

Jer 49:39in novissimis autem diebus reverti faciam captivos Aelam dicit Dominus
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Translations available: King James Version, New King James Version, New Living Translation, New International Version, English Standard Version, Christian Standard Bible, New American Standard Bible 2020, New American Standard Bible 1995, Legacy Standard Bible 2021, New English Translation, Revised Standard Version, American Standard Version, Young's Literal Translation, Darby Translation, Webster's Bible, Hebrew Names Version, Reina-Valera 1960, Latin Vulgate, Westminster Leningrad Codex, Septuagint, Morphological Greek New Testament, and Textus Receptus.