Genesis (Genesis) 5 :: Latin Vulgate (VUL)

(1Ch 1:1–4; Luk 3:36–38 )

Gen 5:1

Gen 5:1hic est liber generationis Adam in die qua creavit Deus hominem ad similitudinem Dei fecit illum

Gen 5:2

Gen 5:2masculum et feminam creavit eos et benedixit illis et vocavit nomen eorum Adam in die qua creati sunt

Gen 5:3

Gen 5:3vixit autem Adam centum triginta annis et genuit ad similitudinem et imaginem suam vocavitque nomen eius Seth

Gen 5:4

Gen 5:4et facti sunt dies Adam postquam genuit Seth octingenti anni genuitque filios et filias

Gen 5:5

Gen 5:5et factum est omne tempus quod vixit Adam anni nongenti triginta et mortuus est

Gen 5:6

Gen 5:6vixit quoque Seth centum quinque annos et genuit Enos

Gen 5:7

Gen 5:7vixitque Seth postquam genuit Enos octingentis septem annis genuitque filios et filias

Gen 5:8

Gen 5:8et facti sunt omnes dies Seth nongentorum duodecim annorum et mortuus est

Gen 5:9

Gen 5:9vixit vero Enos nonaginta annis et genuit Cainan

Gen 5:10

Gen 5:10post cuius ortum vixit octingentis quindecim annis et genuit filios et filias

Gen 5:11

Gen 5:11factique sunt omnes dies Enos nongentorum quinque annorum et mortuus est

Gen 5:12

Gen 5:12vixit quoque Cainan septuaginta annis et genuit Malalehel

Gen 5:13

Gen 5:13et vixit Cainan postquam genuit Malalehel octingentos quadraginta annos genuitque filios et filias

Gen 5:14

Gen 5:14et facti sunt omnes dies Cainan nongenti decem anni et mortuus est

Gen 5:15

Gen 5:15vixit autem Malalehel sexaginta quinque annos et genuit Iared

Gen 5:16

Gen 5:16et vixit Malalehel postquam genuit Iared octingentis triginta annis et genuit filios et filias

Gen 5:17

Gen 5:17et facti sunt omnes dies Malalehel octingenti nonaginta quinque anni et mortuus est

Gen 5:18

Gen 5:18vixitque Iared centum sexaginta duobus annis et genuit Enoch

Gen 5:19

Gen 5:19et vixit Iared postquam genuit Enoch octingentos annos et genuit filios et filias

Gen 5:20

Gen 5:20et facti sunt omnes dies Iared nongenti sexaginta duo anni et mortuus est

Gen 5:21

Gen 5:21porro Enoch vixit sexaginta quinque annis et genuit Mathusalam

Gen 5:22

Gen 5:22et ambulavit Enoch cum Deo postquam genuit Mathusalam trecentis annis et genuit filios et filias

Gen 5:23

Gen 5:23et facti sunt omnes dies Enoch trecenti sexaginta quinque anni

Gen 5:24

Gen 5:24ambulavitque cum Deo et non apparuit quia tulit eum Deus

Gen 5:25

Gen 5:25vixit quoque Mathusalam centum octoginta septem annos et genuit Lamech

Gen 5:26

Gen 5:26et vixit Mathusalam postquam genuit Lamech septingentos octoginta duos annos et genuit filios et filias

Gen 5:27

Gen 5:27et facti sunt omnes dies Mathusalae nongenti sexaginta novem anni et mortuus est

Gen 5:28

Gen 5:28vixit autem Lamech centum octoginta duobus annis et genuit filium

Gen 5:29

Gen 5:29vocavitque nomen eius Noe dicens iste consolabitur nos ab operibus et laboribus manuum nostrarum in terra cui maledixit Dominus

Gen 5:30

Gen 5:30vixitque Lamech postquam genuit Noe quingentos nonaginta quinque annos et genuit filios et filias

Gen 5:31

Gen 5:31et facti sunt omnes dies Lamech septingenti septuaginta septem anni et mortuus est

Gen 5:32

Gen 5:32Noe vero cum quingentorum esset annorum genuit Sem et Ham et Iafeth

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.