Previous Chapter Full Page Full Page Next Chapter

Genesis (Genesis) 35 :: Latin Vulgate (VUL)

Gen 35:1

Gen 35:1interea locutus est Deus ad Iacob surge et ascende Bethel et habita ibi facque altare Deo qui apparuit tibi quando fugiebas Esau fratrem tuum

Gen 35:2

Gen 35:2Iacob vero convocata omni domo sua ait abicite deos alienos qui in medio vestri sunt et mundamini ac mutate vestimenta vestra

Gen 35:3

Gen 35:3surgite et ascendamus in Bethel ut faciamus ibi altare Deo qui exaudivit me in die tribulationis meae et fuit socius itineris mei

Gen 35:4

Gen 35:4dederunt ergo ei omnes deos alienos quos habebant et inaures quae erant in auribus eorum at ille infodit ea subter terebinthum quae est post urbem Sychem

Gen 35:5

Gen 35:5cumque profecti essent terror Dei invasit omnes per circuitum civitates et non sunt ausi persequi recedentes

Gen 35:6

Gen 35:6venit igitur Iacob Luzam quae est in terra Chanaan cognomento Bethel ipse et omnis populus cum eo

Gen 35:7

Gen 35:7aedificavitque ibi altare et appellavit nomen loci Domus Dei ibi enim apparuit ei Deus cum fugeret fratrem suum

Gen 35:8

Gen 35:8eodem tempore mortua est Debbora nutrix Rebeccae et sepulta ad radices Bethel subter quercum vocatumque est nomen loci quercus Fletus

Gen 35:9

Gen 35:9apparuit autem iterum Deus Iacob postquam reversus est de Mesopotamiam Syriae benedixitque ei

Gen 35:10

Gen 35:10dicens non vocaberis ultra Iacob sed Israhel erit nomen tuum et appellavit eum Israhel

Gen 35:11

Gen 35:11dixitque ei ego Deus omnipotens cresce et multiplicare gentes et populi nationum erunt ex te reges de lumbis tuis egredientur

Gen 35:12

Gen 35:12terramque quam dedi Abraham et Isaac dabo tibi et semini tuo post te

Gen 35:13

Gen 35:13et recessit ab eo

Gen 35:14

Gen 35:14ille vero erexit titulum lapideum in loco quo locutus ei fuerat Deus libans super eum libamina et effundens oleum

Gen 35:15

Gen 35:15vocansque nomen loci Bethel

Gen 35:16

Gen 35:16egressus inde venit verno tempore ad terram quae ducit Efratham in qua cum parturiret Rahel

Gen 35:17

Gen 35:17ob difficultatem partus periclitari coepit dixitque ei obsetrix noli timere quia et hunc habebis filium

Gen 35:18

Gen 35:18egrediente autem anima prae dolore et inminente iam morte vocavit nomen filii sui Benoni id est filius doloris mei pater vero appellavit eum Beniamin id est filius dexterae

Gen 35:19

Gen 35:19mortua est ergo Rahel et sepulta in via quae ducit Efratham haec est Bethleem

Gen 35:20

Gen 35:20erexitque Iacob titulum super sepulchrum eius hic est titulus monumenti Rahel usque in praesentem diem

Gen 35:21

Gen 35:21egressus inde fixit tabernaculum trans turrem Gregis

Gen 35:22

Gen 35:22cumque habitaret in illa regione abiit Ruben et dormivit cum Bala concubina patris sui quod illum minime latuit erant autem filii Iacob duodecim

Gen 35:23

Gen 35:23filii Liae primogenitus Ruben et Symeon et Levi et Iudas et Isachar et Zabulon

Gen 35:24

Gen 35:24filii Rahel Ioseph et Beniamin

Gen 35:25

Gen 35:25filii Balae ancillae Rahelis Dan et Nepthalim

Gen 35:26

Gen 35:26filii Zelphae ancillae Liae Gad et Aser hii filii Iacob qui nati sunt ei in Mesopotamiam Syriae

Gen 35:27

Gen 35:27venit etiam ad Isaac patrem suum in Mambre civitatem Arbee haec est Hebron in qua peregrinatus est Abraham et Isaac

Gen 35:28

Gen 35:28et conpleti sunt dies Isaac centum octoginta annorum

Gen 35:29

Gen 35:29consumptusque aetate mortuus est et adpositus populo suo senex et plenus dierum et sepelierunt eum Esau et Iacob filii sui
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Genesis Chapter 35 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Westminster Leningrad Codex Septuagint Smith Van Dyck Arabic Bible Open New Arabic Version Brenton's English Septuagint Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras