Previous Chapter Full Page Full Page Next Chapter

Exodus (Exodus) 12 :: Latin Vulgate (VUL)

Exo 12:1

Exo 12:1dixit quoque Dominus ad Mosen et Aaron in terra Aegypti

Exo 12:2

Exo 12:2mensis iste vobis principium mensuum primus erit in mensibus anni

Exo 12:3

Exo 12:3loquimini ad universum coetum filiorum Israhel et dicite eis decima die mensis huius tollat unusquisque agnum per familias et domos suas

Exo 12:4

Exo 12:4sin autem minor est numerus ut sufficere possit ad vescendum agnum adsumet vicinum suum qui iunctus est domui eius iuxta numerum animarum quae sufficere possunt ad esum agni

Exo 12:5

Exo 12:5erit autem agnus absque macula masculus anniculus iuxta quem ritum tolletis et hedum

Exo 12:6

Exo 12:6et servabitis eum usque ad quartamdecimam diem mensis huius immolabitque eum universa multitudo filiorum Israhel ad vesperam

Exo 12:7

Exo 12:7et sument de sanguine ac ponent super utrumque postem et in superliminaribus domorum in quibus comedent illum

Exo 12:8

Exo 12:8et edent carnes nocte illa assas igni et azymos panes cum lactucis agrestibus

Exo 12:9

Exo 12:9non comedetis ex eo crudum quid nec coctum aqua sed assum tantum igni caput cum pedibus eius et intestinis vorabitis

Exo 12:10

Exo 12:10nec remanebit ex eo quicquam usque mane si quid residui fuerit igne conburetis

Exo 12:11

Exo 12:11sic autem comedetis illum renes vestros accingetis calciamenta habebitis in pedibus tenentes baculos in manibus et comedetis festinantes est enim phase id est transitus Domini

Exo 12:12

Exo 12:12et transibo per terram Aegypti nocte illa percutiamque omne primogenitum in terra Aegypti ab homine usque ad pecus et in cunctis diis Aegypti faciam iudicia ego Dominus

Exo 12:13

Exo 12:13erit autem sanguis vobis in signum in aedibus in quibus eritis et videbo sanguinem ac transibo vos nec erit in vobis plaga disperdens quando percussero terram Aegypti

Exo 12:14

Exo 12:14habebitis autem hanc diem in monumentum et celebrabitis eam sollemnem Domino in generationibus vestris cultu sempiterno

Exo 12:15

Exo 12:15septem diebus azyma comedetis in die primo non erit fermentum in domibus vestris quicumque comederit fermentatum peribit anima illa de Israhel a primo die usque ad diem septimum

Exo 12:16

Exo 12:16dies prima erit sancta atque sollemnis et dies septima eadem festivitate venerabilis nihil operis facietis in eis exceptis his quae ad vescendum pertinent

Exo 12:17

Exo 12:17et observabitis azyma in eadem enim ipsa die educam exercitum vestrum de terra Aegypti et custodietis diem istum in generationes vestras ritu perpetuo

Exo 12:18

Exo 12:18primo mense quartadecima die mensis ad vesperam comedetis azyma usque ad diem vicesimam primam eiusdem mensis ad vesperam

Exo 12:19

Exo 12:19septem diebus fermentum non invenietur in domibus vestris qui comederit fermentatum peribit anima eius de coetu Israhel tam de advenis quam de indigenis terrae

Exo 12:20

Exo 12:20omne fermentatum non comedetis in cunctis habitaculis vestris edetis azyma

Exo 12:21

Exo 12:21vocavit autem Moses omnes seniores filiorum Israhel et dixit ad eos ite tollentes animal per familias vestras immolate phase

Exo 12:22

Exo 12:22fasciculumque hysopi tinguite sanguine qui est in limine et aspergite ex eo superliminare et utrumque postem nullus vestrum egrediatur ostium domus suae usque mane

Exo 12:23

Exo 12:23transibit enim Dominus percutiens Aegyptios cumque viderit sanguinem in superliminari et in utroque poste transcendet ostium et non sinet percussorem ingredi domos vestras et laedere

Exo 12:24

Exo 12:24custodi verbum istud legitimum tibi et filiis tuis usque in aeternum

Exo 12:25

Exo 12:25cumque introieritis terram quam Dominus daturus est vobis ut pollicitus est observabitis caerimonias istas

Exo 12:26

Exo 12:26et cum dixerint vobis filii vestri quae est ista religio

Exo 12:27

Exo 12:27dicetis eis victima transitus Domini est quando transivit super domos filiorum Israhel in Aegypto percutiens Aegyptios et domos nostras liberans incurvatusque populus adoravit

Exo 12:28

Exo 12:28et egressi filii Israhel fecerunt sicut praeceperat Dominus Mosi et Aaron

Exo 12:29

Exo 12:29factum est autem in noctis medio percussit Dominus omne primogenitum in terra Aegypti a primogenito Pharaonis qui sedebat in solio eius usque ad primogenitum captivae quae erat in carcere et omne primogenitum iumentorum

Exo 12:30

Exo 12:30surrexitque Pharao nocte et omnes servi eius cunctaque Aegyptus et ortus est clamor magnus in Aegypto neque enim erat domus in qua non iaceret mortuus

Exo 12:31

Exo 12:31vocatisque Mosen et Aaron nocte ait surgite egredimini a populo meo et vos et filii Israhel ite immolate Domino sicut dicitis

Exo 12:32

Exo 12:32oves vestras et armenta adsumite ut petieratis et abeuntes benedicite mihi

Exo 12:33

Exo 12:33urguebantque Aegyptii populum de terra exire velociter dicentes omnes moriemur

Exo 12:34

Exo 12:34tulit igitur populus conspersam farinam antequam fermentaretur et ligans in palliis posuit super umeros suos

Exo 12:35

Exo 12:35feceruntque filii Israhel sicut praeceperat Moses et petierunt ab Aegyptiis vasa argentea et aurea vestemque plurimam

Exo 12:36

Exo 12:36dedit autem Dominus gratiam populo coram Aegyptiis ut commodarent eis et spoliaverunt Aegyptios

Exo 12:37

Exo 12:37profectique sunt filii Israhel de Ramesse in Soccoth sescenta ferme milia peditum virorum absque parvulis

Exo 12:38

Exo 12:38sed et vulgus promiscuum innumerabile ascendit cum eis oves et armenta et animantia diversi generis multa nimis

Exo 12:39

Exo 12:39coxeruntque farinam quam dudum conspersam de Aegypto tulerant et fecerunt subcinericios panes azymos neque enim poterant fermentari cogentibus exire Aegyptiis et nullam facere sinentibus moram nec pulmenti quicquam occurrerant praeparare

Exo 12:40

Exo 12:40habitatio autem filiorum Israhel qua manserant in Aegypto fuit quadringentorum triginta annorum

Exo 12:41

Exo 12:41quibus expletis eadem die egressus est omnis exercitus Domini de terra Aegypti

Exo 12:42

Exo 12:42nox est ista observabilis Domini quando eduxit eos de terra Aegypti hanc observare debent omnes filii Israhel in generationibus suis

Exo 12:43

Exo 12:43dixitque Dominus ad Mosen et Aaron haec est religio phase omnis alienigena non comedet ex eo

Exo 12:44

Exo 12:44omnis autem servus empticius circumcidetur et sic comedet

Exo 12:45

Exo 12:45advena et mercennarius non edent ex eo

Exo 12:46

Exo 12:46in una domo comedetur nec efferetis de carnibus eius foras nec os illius confringetis

Exo 12:47

Exo 12:47omnis coetus filiorum Israhel faciet illud

Exo 12:48

Exo 12:48quod si quis peregrinorum in vestram voluerit transire coloniam et facere phase Domini circumcidetur prius omne masculinum eius et tunc rite celebrabit eritque sicut indigena terrae si quis autem circumcisus non fuerit non vescetur ex eo

Exo 12:49

Exo 12:49eadem lex erit indigenae et colono qui peregrinatur apud vos

Exo 12:50

Exo 12:50fecerunt omnes filii Israhel sicut praeceperat Dominus Mosi et Aaron

Exo 12:51

Exo 12:51et in eadem die eduxit Dominus filios Israhel de terra Aegypti per turmas suas
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Translations available: King James Version, New King James Version, New Living Translation, New International Version, English Standard Version, Christian Standard Bible, New American Standard Bible 2020, New American Standard Bible 1995, Legacy Standard Bible 2021, New English Translation, Revised Standard Version, American Standard Version, Young's Literal Translation, Darby Translation, Webster's Bible, Hebrew Names Version, Reina-Valera 1960, Latin Vulgate, Westminster Leningrad Codex, Septuagint, Morphological Greek New Testament, and Textus Receptus.