Actus (Acts) 18 :: Latin Vulgate (VUL)

Act 18:1post haec egressus ab Athenis venit Corinthum

Act 18:2et inveniens quendam Iudaeum nomine Aquilam Ponticum genere qui nuper venerat ab Italia et Priscillam uxorem eius eo quod praecepisset Claudius discedere omnes Iudaeos a Roma accessit ad eos

Act 18:3

Act 18:3et quia eiusdem erat artis manebat apud eos et operabatur erat autem scenofactoriae artis

Act 18:4

Act 18:4 See Footnote

Act 18:5

Act 18:5cum venissent autem de Macedonia Silas et Timotheus instabat verbo Paulus testificans Iudaeis esse Christum Iesum

Act 18:6

Act 18:6contradicentibus autem eis et blasphemantibus excutiens vestimenta dixit ad eos sanguis vester super caput vestrum mundus ego ex hoc ad gentes vadam

Act 18:7

Act 18:7et migrans inde intravit in domum cuiusdam nomine Titi Iusti colentis Deum cuius domus erat coniuncta synagogae

Act 18:8

Act 18:8Crispus autem archisynagogus credidit Domino cum omni domo sua et multi Corinthiorum audientes credebant et baptizabantur

Act 18:9

Act 18:9dixit autem Dominus nocte per visionem Paulo noli timere sed loquere et ne taceas

Act 18:10

Act 18:10propter quod ego sum tecum et nemo adponetur tibi ut noceat te quoniam populus est mihi multus in hac civitate

Act 18:11

Act 18:11sedit autem annum et sex menses docens apud eos verbum Dei

Act 18:12

Act 18:12Gallione autem proconsule Achaiae insurrexerunt uno animo Iudaei in Paulum et adduxerunt eum ad tribunal

Act 18:13

Act 18:13dicentes quia contra legem hic persuadet hominibus colere Deum

Act 18:14

Act 18:14incipiente autem Paulo aperire os dixit Gallio ad Iudaeos si quidem esset iniquum aliquid aut facinus pessimum o viri iudaei recte vos sustinerem

Act 18:15

Act 18:15si vero quaestiones sunt de verbo et nominibus et legis vestrae vos ipsi videritis iudex ego horum nolo esse

Act 18:16

Act 18:16et minavit eos a tribunali

Act 18:17

Act 18:17adprehendentes autem omnes Sosthenen principem synagogae percutiebant ante tribunal et nihil eorum Gallioni curae erat

Act 18:18

Act 18:18Paulus vero cum adhuc sustinuisset dies multos fratribus valefaciens navigavit Syriam et cum eo Priscilla et Aquila qui sibi totonderat in Cencris caput habebat enim votum

Act 18:19

Act 18:19devenitque Ephesum et illos ibi reliquit ipse vero ingressus synagogam disputavit cum Iudaeis

Act 18:20

Act 18:20rogantibus autem eis ut ampliori tempore maneret non consensit

Act 18:21

Act 18:21sed valefaciens et dicens iterum revertar ad vos Deo volente profectus est ab Epheso

Act 18:22

Act 18:22et descendens Caesaream ascendit et salutavit ecclesiam et descendit Antiochiam

Act 18:23

Act 18:23et facto ibi aliquanto tempore profectus est perambulans ex ordine galaticam regionem et Frygiam confirmans omnes discipulos

Act 18:24

Act 18:24Iudaeus autem quidam Apollo nomine Alexandrinus natione vir eloquens devenit Ephesum potens in scripturis

Act 18:25

Act 18:25hic erat edoctus viam Domini et fervens spiritu loquebatur et docebat diligenter ea quae sunt Iesu sciens tantum baptisma Iohannis

Act 18:26

Act 18:26hic ergo coepit fiducialiter agere in synagoga quem cum audissent Priscilla et Aquila adsumpserunt eum et diligentius exposuerunt ei viam Dei

Act 18:27

Act 18:27cum autem vellet ire Achaiam exhortati fratres scripserunt discipulis ut susciperent eum qui cum venisset contulit multum his qui crediderant

Act 18:28

Act 18:28vehementer enim Iudaeos revincebat publice ostendens per scripturas esse Christum Iesum

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.