1 Samuelis (1 Samuel) 2 (VUL) - exultavit cor meum in Domino

¶

1Sa 2:1exultavit cor meum in Domino exaltatum est cornu meum in Domino dilatatum est os meum super inimicos meos quia laetata sum in salutari tuo

1Sa 2:2

1Sa 2:2non est sanctus ut est Dominus neque enim est alius extra te et non est fortis sicut Deus noster

1Sa 2:3

1Sa 2:3nolite multiplicare loqui sublimia gloriantes recedant vetera de ore vestro quoniam Deus scientiarum Dominus est et ipsi praeparantur cogitationes

1Sa 2:4

1Sa 2:4arcus fortium superatus est et infirmi accincti sunt robore

1Sa 2:5

1Sa 2:5saturati prius pro pane se locaverunt et famelici saturati sunt donec sterilis peperit plurimos et quae multos habebat filios infirmata est

1Sa 2:6

1Sa 2:6Dominus mortificat et vivificat deducit ad infernum et reducit

1Sa 2:7

1Sa 2:7Dominus pauperem facit et ditat humiliat et sublevat

1Sa 2:8

1Sa 2:8suscitat de pulvere egenum et de stercore elevat pauperem ut sedeat cum principibus et solium gloriae teneat Domini enim sunt cardines terrae et posuit super eos orbem

1Sa 2:9

1Sa 2:9pedes sanctorum suorum servabit et impii in tenebris conticescent quia non in fortitudine roborabitur vir

1Sa 2:10

1Sa 2:10Dominum formidabunt adversarii eius super ipsos in caelis tonabit Dominus iudicabit fines terrae et dabit imperium regi suo et sublimabit cornu christi sui

1Sa 2:11

1Sa 2:11et abiit Helcana Ramatha in domum suam puer autem erat minister in conspectu Domini ante faciem Heli sacerdotis

1Sa 2:12

¶

1Sa 2:12porro filii Heli filii Belial nescientes Dominum

1Sa 2:13

1Sa 2:13neque officium sacerdotum ad populum sed quicumque immolasset victimam veniebat puer sacerdotis dum coquerentur carnes et habebat fuscinulam tridentem in manu sua

1Sa 2:14

1Sa 2:14et mittebat eam in lebetem vel in caldariam aut in ollam sive in caccabum et omne quod levabat fuscinula tollebat sacerdos sibi sic faciebant universo Israheli venientium in Silo

1Sa 2:15

1Sa 2:15etiam antequam adolerent adipem veniebat puer sacerdotis et dicebat immolanti da mihi carnem ut coquam sacerdoti non enim accipiam a te carnem coctam sed crudam

1Sa 2:16

¶

1Sa 2:16dicebatque illi immolans incendatur primum iuxta morem hodie adeps et tolle tibi quantumcumque desiderat anima tua qui respondens aiebat ei nequaquam nunc enim dabis alioquin tollam vi

1Sa 2:17

¶

1Sa 2:17erat ergo peccatum puerorum grande nimis coram Domino quia detrahebant homines sacrificio Domini

1Sa 2:18

¶

1Sa 2:18Samuhel autem ministrabat ante faciem Domini puer accinctus ephod lineo

1Sa 2:19

1Sa 2:19et tunicam parvam faciebat ei mater sua quam adferebat statutis diebus ascendens cum viro suo ut immolaret hostiam sollemnem

1Sa 2:20

1Sa 2:20et benedixit Heli Helcanae et uxori eius dixitque reddat Dominus tibi semen de muliere hac pro fenore quod commodasti Domino et abierunt in locum suum

1Sa 2:21

¶

1Sa 2:21visitavit ergo Dominus Annam et concepit et peperit tres filios et duas filias et magnificatus est puer Samuhel apud Dominum

1Sa 2:22

¶

1Sa 2:22Heli autem erat senex valde et audivit omnia quae faciebant filii sui universo Israheli et quomodo dormiebant cum mulieribus quae observabant ad ostium tabernaculi

1Sa 2:23

1Sa 2:23et dixit eis quare facitis res huiuscemodi quas ego audio res pessimas ab omni populo

1Sa 2:24

1Sa 2:24nolite filii mi non enim est bona fama quam ego audio ut transgredi faciatis populum Domini

1Sa 2:25

1Sa 2:25si peccaverit vir in virum placari ei potest Deus si autem in Domino peccaverit vir quis orabit pro eo et non audierunt vocem patris sui quia voluit Dominus occidere eos

1Sa 2:26

¶

1Sa 2:26puer autem Samuhel proficiebat atque crescebat et placebat tam Deo quam hominibus

1Sa 2:27

¶

1Sa 2:27venit autem vir Dei ad Heli et ait ad eum haec dicit Dominus numquid non aperte revelatus sum domui patris tui cum essent in Aegypto in domo Pharaonis

1Sa 2:28

1Sa 2:28et elegi eum ex omnibus tribubus Israhel mihi in sacerdotem ut ascenderet altare meum et adoleret mihi incensum et portaret ephod coram me et dedi domui patris tui omnia de sacrificiis filiorum Israhel

1Sa 2:29

1Sa 2:29quare calce abicitis victimam meam et munera mea quae praecepi ut offerrentur in templo et magis honorasti filios tuos quam me ut comederetis primitias omnis sacrificii Israhel populi mei

1Sa 2:30

1Sa 2:30propterea ait Dominus Deus Israhel loquens locutus sum ut domus tua et domus patris tui ministraret in conspectu meo usque in sempiternum nunc autem dicit Dominus absit hoc a me sed quicumque glorificaverit me glorificabo eum qui autem contemnunt me erunt ignobiles

1Sa 2:31

1Sa 2:31ecce dies veniunt et praecidam brachium tuum et brachium domus patris tui ut non sit senex in domo tua

1Sa 2:32

1Sa 2:32et videbis aemulum tuum in templo in universis prosperis Israhel et non erit senex in domo tua omnibus diebus

1Sa 2:33

1Sa 2:33verumtamen non auferam penitus virum ex te ab altari meo sed ut deficiant oculi tui et tabescat anima tua et pars magna domus tuae morietur cum ad virilem aetatem venerit

1Sa 2:34

1Sa 2:34hoc autem erit tibi signum quod venturum est duobus filiis tuis Ofni et Finees in die uno morientur ambo

1Sa 2:35

1Sa 2:35et suscitabo mihi sacerdotem fidelem qui iuxta cor meum et animam meam faciat et aedificabo ei domum fidelem et ambulabit coram christo meo cunctis diebus

1Sa 2:36

1Sa 2:36futurum est autem ut quicumque remanserit in domo tua veniat ut oretur pro eo et offerat nummum argenteum et tortam panis dicatque dimitte me obsecro ad unam partem sacerdotalem ut comedam buccellam panis

1 Samuelis (1 Samuel) 2 :: Latin Vulgate (VUL)