Previous Chapter Full Page Full Page Next Chapter

1 Corinthios (1 Corinthians) 14 :: Latin Vulgate (VUL)

1Co 14:1

1Co 14:1sectamini caritatem aemulamini spiritalia magis autem ut prophetetis

1Co 14:2

1Co 14:2qui enim loquitur lingua non hominibus loquitur sed Deo nemo enim audit Spiritu autem loquitur mysteria

1Co 14:3

1Co 14:3nam qui prophetat hominibus loquitur aedificationem et exhortationem et consolationes

1Co 14:4

1Co 14:4qui loquitur lingua semet ipsum aedificat qui autem prophetat ecclesiam aedificat

1Co 14:5

1Co 14:5volo autem omnes vos loqui linguis magis autem prophetare nam maior est qui prophetat quam qui loquitur linguis nisi si forte ut interpretetur ut ecclesia aedificationem accipiat

1Co 14:6

1Co 14:6nunc autem fratres si venero ad vos linguis loquens quid vobis prodero nisi si vobis loquar aut in revelatione aut scientia aut prophetia aut in doctrina

1Co 14:7

1Co 14:7tamen quae sine anima sunt vocem dantia sive tibia sive cithara nisi distinctionem sonituum dederint quomodo scietur quod canitur aut quod citharizatur

1Co 14:8

1Co 14:8etenim si incertam vocem det tuba quis parabit se ad bellum

1Co 14:9

1Co 14:9ita et vos per linguam nisi manifestum sermonem dederitis quomodo scietur id quod dicitur eritis enim in aera loquentes

1Co 14:10

1Co 14:10tam multa ut puta genera linguarum sunt in mundo et nihil sine voce est

1Co 14:11

1Co 14:11si ergo nesciero virtutem vocis ero ei cui loquor barbarus et qui loquitur mihi barbarus

1Co 14:12

1Co 14:12sic et vos quoniam aemulatores estis spirituum ad aedificationem ecclesiae quaerite ut abundetis

1Co 14:13

1Co 14:13et ideo qui loquitur lingua oret ut interpretetur

1Co 14:14

1Co 14:14nam si orem lingua spiritus meus orat mens autem mea sine fructu est

1Co 14:15

1Co 14:15quid ergo est orabo spiritu orabo et mente psallam spiritu psallam et mente

1Co 14:16

1Co 14:16ceterum si benedixeris spiritu qui supplet locum idiotae quomodo dicet amen super tuam benedictionem quoniam quid dicas nescit

1Co 14:17

1Co 14:17nam tu quidem bene gratias agis sed alter non aedificatur

1Co 14:18

1Co 14:18gratias ago Deo quod omnium vestrum lingua loquor

1Co 14:19

1Co 14:19sed in ecclesia volo quinque verba sensu meo loqui ut et alios instruam quam decem milia verborum in lingua

1Co 14:20

1Co 14:20fratres nolite pueri effici sensibus sed malitia parvuli estote sensibus autem perfecti estote

1Co 14:21

1Co 14:21in lege scriptum est quoniam in aliis linguis et labiis aliis loquar populo huic et nec sic exaudient me dicit Dominus

1Co 14:22

1Co 14:22itaque linguae in signum sunt non fidelibus sed infidelibus prophetia autem non infidelibus sed fidelibus

1Co 14:23

1Co 14:23si ergo conveniat universa ecclesia in unum et omnes linguis loquantur intrent autem idiotae aut infideles nonne dicent quod insanitis

1Co 14:24

1Co 14:24si autem omnes prophetent intret autem quis infidelis vel idiota convincitur ab omnibus diiudicatur ab omnibus

1Co 14:25

1Co 14:25occulta cordis eius manifesta fiunt et ita cadens in faciem adorabit Deum pronuntians quod vere Deus in vobis est

1Co 14:26

1Co 14:26quid ergo est fratres cum convenitis unusquisque vestrum psalmum habet doctrinam habet apocalypsin habet linguam habet interpretationem habet omnia ad aedificationem fiant

1Co 14:27

1Co 14:27sive lingua quis loquitur secundum duos aut ut multum tres et per partes et unus interpretetur

1Co 14:28

1Co 14:28si autem non fuerit interpres taceat in ecclesia sibi autem loquatur et Deo

1Co 14:29

1Co 14:29prophetae duo aut tres dicant et ceteri diiudicent

1Co 14:30

1Co 14:30quod si alii revelatum fuerit sedenti prior taceat

1Co 14:31

1Co 14:31potestis enim omnes per singulos prophetare ut omnes discant et omnes exhortentur

1Co 14:32

1Co 14:32et spiritus prophetarum prophetis subiecti sunt

1Co 14:33

1Co 14:33non enim est dissensionis Deus sed pacis sicut in omnibus ecclesiis sanctorum

1Co 14:34

1Co 14:34mulieres in ecclesiis taceant non enim permittitur eis loqui sed subditas esse sicut et lex dicit

1Co 14:35

1Co 14:35si quid autem volunt discere domi viros suos interrogent turpe est enim mulieri loqui in ecclesia

1Co 14:36

1Co 14:36an a vobis verbum Dei processit aut in vos solos pervenit

1Co 14:37

1Co 14:37si quis videtur propheta esse aut spiritalis cognoscat quae scribo vobis quia Domini sunt mandata

1Co 14:38

1Co 14:38si quis autem ignorat ignorabitur

1Co 14:39

1Co 14:39itaque fratres aemulamini prophetare et loqui linguis nolite prohibere

1Co 14:40

1Co 14:40omnia autem honeste et secundum ordinem fiant
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Translations available: King James Version, New King James Version, New Living Translation, New International Version, English Standard Version, Christian Standard Bible, New American Standard Bible 2020, New American Standard Bible 1995, Legacy Standard Bible 2021, New English Translation, Revised Standard Version, American Standard Version, Young's Literal Translation, Darby Translation, Webster's Bible, Hebrew Names Version, Reina-Valera 1960, Latin Vulgate, Westminster Leningrad Codex, Septuagint, Morphological Greek New Testament, and Textus Receptus.