Zachariæ (Zechariah) 14 :: Latin Vulgate (VUL)

(cf. Eze 38; 39; Mar 13; Rev 20—22 )

Zec 14:1ecce dies veniunt Domini et dividentur spolia tua in medio tui

Zec 14:2et congregabo omnes gentes ad Hierusalem in proelium et capietur civitas et vastabuntur domus et mulieres violabuntur et egredietur media pars civitatis in captivitatem et reliquum populi non auferetur ex urbe

Zec 14:3

Zec 14:3et egredietur Dominus et proeliabitur contra gentes illas sicut proeliatus est in die certaminis

Zec 14:4

Zec 14:4et stabunt pedes eius in die illa super montem Olivarum qui est contra Hierusalem ad orientem et scindetur mons Olivarum ex media parte sui ad orientem et occidentem praerupto grandi valde et separabitur medium montis ad aquilonem et medium eius ad meridiem

Zec 14:5

Zec 14:5et fugietis ad vallem montium meorum quoniam coniungetur vallis montium usque ad proximum et fugietis sicut fugistis a facie terraemotus in diebus Oziae regis Iuda et veniet Dominus Deus meus omnesque sancti cum eo

Zec 14:6

Zec 14:6et erit in die illa non erit lux sed frigus et gelu

Zec 14:7

Zec 14:7et erit dies una quae nota est Domino non dies neque nox et in tempore vesperae erit lux

Zec 14:8

Zec 14:8et erit in die illa exibunt aquae vivae de Hierusalem medium earum ad mare orientale et medium earum ad mare novissimum in aestate et in hieme erunt

Zec 14:9

Zec 14:9et erit Dominus rex super omnem terram in die illa erit Dominus unus et erit nomen eius unum

Zec 14:10

Zec 14:10et revertetur omnis terra usque ad desertum de colle Remmon ad austrum Hierusalem et exaltabitur et habitabit in loco suo a porta Beniamin usque ad locum portae Prioris usque ad portam Angulorum et a turre Ananehel usque ad torcularia regis

Zec 14:11

Zec 14:11et habitabunt in ea et anathema non erit amplius sed sedebit Hierusalem secura

Zec 14:12

Zec 14:12et haec erit plaga qua percutiet Dominus omnes gentes quae pugnaverunt adversus Hierusalem tabescet caro uniuscuiusque stantis super pedes suos et oculi eius contabescent in foraminibus suis et lingua eorum contabescet in ore suo

Zec 14:13

Zec 14:13in die illo erit tumultus Domini magnus in eis et adprehendet vir manum proximi sui et conseretur manus eius super manum proximi sui

Zec 14:14

Zec 14:14sed et Iudas pugnabit adversus Hierusalem et congregabuntur divitiae omnium gentium in circuitu aurum et argentum et vestes multae satis

Zec 14:15

Zec 14:15et sic erit ruina equi et muli cameli et asini et omnium iumentorum quae fuerint in castris illis sicut ruina haec

Zec 14:16

Zec 14:16et omnes qui reliqui fuerint de universis gentibus quae venerint contra Hierusalem ascendent ab anno in annum ut adorent regem Dominum exercituum et celebrent festivitatem tabernaculorum

Zec 14:17

Zec 14:17et erit qui non ascenderit de familiis terrae ad Hierusalem ut adoret regem Dominum exercituum non erit super eos imber

Zec 14:18

Zec 14:18quod si et familia Aegypti non ascenderit et non venerit nec super eos erit sed erit ruina qua percutiet Dominus omnes gentes quae non ascenderint ad celebrandam festivitatem tabernaculorum

Zec 14:19

Zec 14:19hoc erit peccatum Aegypti et hoc peccatum omnium gentium quae non ascenderint ad celebrandam festivitatem tabernaculorum

Zec 14:20

Zec 14:20in die illo erit quod super frenum equi est sanctum Domino et erunt lebetes in domo Domini quasi fialae coram altari

Zec 14:21

Zec 14:21et erit omnis lebes in Hierusalem et in Iuda sanctificatus Domino exercituum et venient omnes immolantes et sument ex eis et coquent in eis et non erit mercator ultra in domo Domini exercituum in die illo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.