Titum (Titus) 2 :: Latin Vulgate (VUL)

Tit 2:1

Tit 2:1tu autem loquere quae decet sanam doctrinam

Tit 2:2

Tit 2:2senes ut sobrii sint pudici prudentes sani fide dilectione patientia

Tit 2:3

Tit 2:3anus similiter in habitu sancto non criminatrices non vino multo servientes bene docentes

Tit 2:4

Tit 2:4ut prudentiam doceant adulescentulas ut viros suos ament filios diligant

Tit 2:5

Tit 2:5prudentes castas domus curam habentes benignas subditas suis viris ut non blasphemetur verbum Dei

Tit 2:6

Tit 2:6iuvenes similiter hortare ut sobrii sint

Tit 2:7

Tit 2:7in omnibus te ipsum praebe exemplum bonorum operum in doctrina integritatem gravitatem

Tit 2:8

Tit 2:8verbum sanum inreprehensibilem ut is qui ex adverso est vereatur nihil habens malum dicere de nobis

Tit 2:9

Tit 2:9servos dominis suis subditos esse in omnibus placentes non contradicentes

Tit 2:10

Tit 2:10non fraudantes, sed in omnibus fidem bonam ostendentes ut doctrinam salutaris nostri Dei ornent in omnibus

Tit 2:11

Tit 2:11apparuit enim gratia Dei salutaris omnibus hominibus

Tit 2:12

Tit 2:12erudiens nos ut abnegantes impietatem et saecularia desideria sobrie et iuste et pie vivamus in hoc saeculo

Tit 2:13

Tit 2:13expectantes beatam spem et adventum gloriae magni Dei et salvatoris nostri Iesu Christi

Tit 2:14

Tit 2:14qui dedit semet ipsum pro nobis ut nos redimeret ab omni iniquitate et mundaret sibi populum acceptabilem sectatorem bonorum operum

Tit 2:15

Tit 2:15haec loquere et exhortare et argue cum omni imperio nemo te contemnat

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.