Canticum Canticorum (Song of Songs) 8 :: Latin Vulgate (VUL)

Sng 8:1

Sng 8:1quis mihi det te fratrem meum sugentem ubera matris meae ut inveniam te foris et deosculer et iam me nemo despiciat

Sng 8:2

Sng 8:2adprehendam te et ducam in domum matris meae ibi me docebis et dabo tibi poculum ex vino condito et mustum malorum granatorum meorum

Sng 8:3

Sng 8:3leva eius sub capite meo et dextera illius amplexabitur me

Sng 8:4

Sng 8:4adiuro vos filiae Hierusalem ne suscitetis et evigilare faciatis dilectam donec ipsa velit

Sng 8:5

Sng 8:5quae est ista quae ascendit de deserto deliciis affluens et nixa super dilectum suum sub arbore malo suscitavi te ibi corrupta est mater tua ibi violata est genetrix tua

Sng 8:6

Sng 8:6pone me ut signaculum super cor tuum ut signaculum super brachium tuum quia fortis est ut mors dilectio dura sicut inferus aemulatio lampades eius lampades ignis atque flammarum

Sng 8:7

Sng 8:7aquae multae non poterunt extinguere caritatem nec flumina obruent illam si dederit homo omnem substantiam domus suae pro dilectione quasi nihil despicient eum

Sng 8:8

Sng 8:8soror nostra parva et ubera non habet quid faciemus sorori nostrae in die quando adloquenda est

Sng 8:9

Sng 8:9si murus est aedificemus super eum propugnacula argentea si ostium est conpingamus illud tabulis cedrinis

Sng 8:10

Sng 8:10ego murus et ubera mea sicut turris ex quo facta sum coram eo quasi pacem repperiens

Sng 8:11

Sng 8:11vinea fuit Pacifico in ea quae habet populos tradidit eam custodibus vir adfert pro fructu eius mille argenteos

Sng 8:12

Sng 8:12vinea mea coram me est mille tui Pacifice et ducenti his qui custodiunt fructus eius

Sng 8:13

Sng 8:13quae habitas in hortis amici auscultant fac me audire vocem tuam

Sng 8:14

Sng 8:14fuge dilecte mi et adsimilare capreae hinuloque cervorum super montes aromatum

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.