Canticum Canticorum (Song of Songs) 7 :: Latin Vulgate (VUL)

Sng 7:1

Sng 7:1quid videbis in Sulamiten nisi choros castrorum quam pulchri sunt gressus tui in calciamentis filia principis iunctura feminum tuorum sicut monilia quae fabricata sunt manu artificis

Sng 7:2

Sng 7:2umbilicus tuus crater tornatilis numquam indigens poculis venter tuus sicut acervus tritici vallatus liliis

Sng 7:3

Sng 7:3duo ubera tua sicut duo hinuli gemelli capreae

Sng 7:4

Sng 7:4collum tuum sicut turris eburnea oculi tui sicut piscinae in Esebon quae sunt in porta filiae multitudinis nasus tuus sicut turris Libani quae respicit contra Damascum

Sng 7:5

Sng 7:5caput tuum ut Carmelus et comae capitis tui sicut purpura regis vincta canalibus

Sng 7:6

Sng 7:6quam pulchra es et quam decora carissima in deliciis

Sng 7:7

Sng 7:7statura tua adsimilata est palmae et ubera tua botris

Sng 7:8

Sng 7:8dixi ascendam in palmam adprehendam fructus eius et erunt ubera tua sicut botri vineae et odor oris tui sicut malorum

Sng 7:9

Sng 7:9guttur tuum sicut vinum optimum dignum dilecto meo ad potandum labiisque et dentibus illius ruminandum

Sng 7:10

Sng 7:10ego dilecto meo et ad me conversio eius

Sng 7:11

Sng 7:11veni dilecte mi egrediamur in agrum commoremur in villis

Sng 7:12

Sng 7:12mane surgamus ad vineas videamus si floruit vinea si flores fructus parturiunt si floruerunt mala punica ibi dabo tibi ubera mea

Sng 7:13

Sng 7:13mandragorae dederunt odorem in portis nostris omnia poma nova et vetera dilecte mi servavi tibi

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.