Canticum Canticorum (Song of Songs) 4 :: Latin Vulgate (VUL)

Sng 4:1

Sng 4:1quam pulchra es amica mea quam pulchra es oculi tui columbarum absque eo quod intrinsecus latet capilli tui sicut greges caprarum quae ascenderunt de monte Galaad

Sng 4:2

Sng 4:2dentes tui sicut greges tonsarum quae ascenderunt de lavacro omnes gemellis fetibus et sterilis non est inter eas

Sng 4:3

Sng 4:3sicut vitta coccinea labia tua et eloquium tuum dulce sicut fragmen mali punici ita genae tuae absque eo quod intrinsecus latet

Sng 4:4

Sng 4:4sicut turris David collum tuum quae aedificata est cum propugnaculis mille clypei pendent ex ea omnis armatura fortium

Sng 4:5

Sng 4:5duo ubera tua sicut duo hinuli capreae gemelli qui pascuntur in liliis

Sng 4:6

Sng 4:6donec adspiret dies et inclinentur umbrae vadam ad montem murrae et ad collem turis

Sng 4:7

Sng 4:7tota pulchra es amica mea et macula non est in te

Sng 4:8

Sng 4:8veni de Libano sponsa veni de Libano veni coronaberis de capite Amana de vertice Sanir et Hermon de cubilibus leonum de montibus pardorum

Sng 4:9

Sng 4:9vulnerasti cor meum soror mea sponsa vulnerasti cor meum in uno oculorum tuorum et in uno crine colli tui

Sng 4:10

Sng 4:10quam pulchrae sunt mammae tuae soror mea sponsa pulchriora ubera tua vino et odor unguentorum tuorum super omnia aromata

Sng 4:11

Sng 4:11favus distillans labia tua sponsa mel et lac sub lingua tua et odor vestimentorum tuorum sicut odor turis

Sng 4:12

Sng 4:12hortus conclusus soror mea sponsa hortus conclusus fons signatus

Sng 4:13

Sng 4:13emissiones tuae paradisus malorum punicorum cum pomorum fructibus cypri cum nardo

Sng 4:14

Sng 4:14nardus et crocus fistula et cinnamomum cum universis lignis Libani murra et aloe cum omnibus primis unguentis

Sng 4:15

Sng 4:15fons hortorum puteus aquarum viventium quae fluunt impetu de Libano

Sng 4:16

Sng 4:16surge aquilo et veni auster perfla hortum meum et fluant aromata illius

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.