Ruth (Ruth) 4 :: Latin Vulgate (VUL)

Rth 4:1

Rth 4:1ascendit ergo Booz ad portam et sedit ibi cumque vidisset propinquum praeterire de quo prius sermo habitus est dixit ad eum declina paulisper et sede hic vocans eum nomine suo qui devertit et sedit

Rth 4:2

Rth 4:2tollens autem Booz decem viros de senioribus civitatis dixit ad eos sedete hic

Rth 4:3

Rth 4:3quibus residentibus locutus est ad propinquum partem agri fratris nostri Helimelech vendit Noemi quae reversa est de regione moabitide

Rth 4:4

Rth 4:4quod audire te volui et tibi dicere coram cunctis sedentibus et maioribus natu de populo meo si vis possidere iure propinquitatis eme et posside sin autem tibi displicet hoc ipsum indica mihi ut sciam quid facere debeam nullus est enim propinquus excepto te qui prior es et me qui secundus sum at ille respondit ego agrum emam

Rth 4:5

Rth 4:5cui dixit Booz quando emeris agrum de manu mulieris Ruth quoque Moabitidem quae uxor defuncti fuit debes accipere ut suscites nomen propinqui tui in hereditate sua

Rth 4:6

Rth 4:6qui respondit cedo iure propinquitatis neque enim posteritatem familiae meae delere debeo tu meo utere privilegio quo me libenter carere profiteor

Rth 4:7

Rth 4:7hic autem erat mos antiquitus in Israhel inter propinquos et si quando alter alteri suo iure cedebat ut esset firma concessio solvebat homo calciamentum suum et dabat proximo suo hoc erat testimonium cessionis in Israhel

Rth 4:8

Rth 4:8dixit ergo propinquus Booz tolle calciamentum quod statim solvit de pede suo

Rth 4:9

Rth 4:9at ille maioribus natu et universo populo testes inquit vos estis hodie quod possederim omnia quae fuerunt Helimelech et Chellion et Maalon tradente Noemi

Rth 4:10

Rth 4:10et Ruth Moabitidem uxorem Maalon in coniugium sumpserim ut suscitem nomen defuncti in hereditate sua ne vocabulum eius de familia sua ac fratribus et populo deleatur vos inquam huius rei testes estis

Rth 4:11

Rth 4:11respondit omnis populus qui erat in porta et maiores natu nos testes sumus faciat Dominus hanc mulierem quae ingreditur domum tuam sicut Rachel et Liam quae aedificaverunt domum Israhel ut sit exemplum virtutis in Ephrata et habeat celebre nomen in Bethleem

Rth 4:12

Rth 4:12fiatque domus tua sicut domus Phares quem Thamar peperit Iudae de semine quod dederit Dominus tibi ex hac puella

(Mat 1:2–6 )

Rth 4:13

Rth 4:13tulit itaque Booz Ruth et accepit uxorem ingressusque est ad eam et dedit illi Dominus ut conciperet et pareret filium

Rth 4:14

Rth 4:14dixeruntque mulieres ad Noemi benedictus Dominus qui non est passus ut deficeret successor familiae tuae et vocaretur nomen eius in Israhel

Rth 4:15

Rth 4:15et habeas qui consoletur animam tuam et enutriat senectutem de nuru enim tua natus est quae te diligit et multo tibi est melior quam si septem haberes filios

Rth 4:16

Rth 4:16susceptumque Noemi puerum posuit in sinu suo et nutricis ac gerulae officio fungebatur

Rth 4:17

Rth 4:17vicinae autem mulieres congratulantes ei et dicentes natus est filius Noemi vocaverunt nomen eius Obed hic est pater Isai patris David

Rth 4:18

Rth 4:18hae sunt generationes Phares Phares genuit Esrom

Rth 4:19

Rth 4:19Esrom genuit Aram Aram genuit Aminadab

Rth 4:20

Rth 4:20Aminadab genuit Naasson Naasson genuit Salma

Rth 4:21

Rth 4:21Salma genuit Booz Booz genuit Obed

Rth 4:22

Rth 4:22Obed genuit Isai Isai genuit David

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.