Previous Chapter Full Page Full Page Next Chapter

Romanos (Romans) 9 :: Latin Vulgate (VUL)

Rom 9:1

Rom 9:1veritatem dico in Christo non mentior testimonium mihi perhibente conscientia mea in Spiritu Sancto

Rom 9:2

Rom 9:2quoniam tristitia est mihi magna et continuus dolor cordi meo

Rom 9:3

Rom 9:3optabam enim ipse ego anathema esse a Christo pro fratribus meis qui sunt cognati mei secundum carnem

Rom 9:4

Rom 9:4qui sunt Israhelitae quorum adoptio est filiorum et gloria et testamenta et legislatio et obsequium et promissa

Rom 9:5

Rom 9:5quorum patres et ex quibus Christus secundum carnem qui est super omnia Deus benedictus in saecula amen

Rom 9:6

Rom 9:6non autem quod exciderit verbum Dei non enim omnes qui ex Israhel hii sunt Israhel

Rom 9:7

Rom 9:7neque quia semen sunt Abrahae omnes filii sed in Isaac vocabitur tibi semen

Rom 9:8

Rom 9:8id est non qui filii carnis hii filii Dei sed qui filii sunt promissionis aestimantur in semine

Rom 9:9

Rom 9:9promissionis enim verbum hoc est secundum hoc tempus veniam et erit Sarrae filius

Rom 9:10

Rom 9:10non solum autem sed et Rebecca ex uno concubitum habens Isaac patre nostro

Rom 9:11

Rom 9:11cum enim nondum nati fuissent aut aliquid egissent bonum aut malum ut secundum electionem propositum Dei maneret

Rom 9:12

Rom 9:12non ex operibus sed ex vocante dictum est ei quia maior serviet minori

Rom 9:13

Rom 9:13sicut scriptum est Iacob dilexi Esau autem odio habui

Rom 9:14

Rom 9:14quid ergo dicemus numquid iniquitas apud Deum absit

Rom 9:15

Rom 9:15Mosi enim dicit miserebor cuius misereor et misericordiam praestabo cuius miserebor

Rom 9:16

Rom 9:16igitur non volentis neque currentis sed miserentis Dei

Rom 9:17

Rom 9:17dicit enim scriptura Pharaoni quia in hoc ipsum excitavi te ut ostendam in te virtutem meam et ut adnuntietur nomen meum in universa terra

Rom 9:18

Rom 9:18ergo cuius vult miseretur et quem vult indurat

Rom 9:19

Rom 9:19dicis itaque mihi quid adhuc queritur voluntati enim eius quis resistit

Rom 9:20

Rom 9:20o homo tu quis es qui respondeas Deo numquid dicit figmentum ei qui se finxit quid me fecisti sic

Rom 9:21

Rom 9:21an non habet potestatem figulus luti ex eadem massa facere aliud quidem vas in honorem aliud vero in contumeliam

Rom 9:22

Rom 9:22quod si volens Deus ostendere iram et notam facere potentiam suam sustinuit in multa patientia vasa irae aptata in interitum

Rom 9:23

Rom 9:23ut ostenderet divitias gloriae suae in vasa misericordiae quae praeparavit in gloriam

Rom 9:24

Rom 9:24quos et vocavit nos non solum ex Iudaeis sed etiam ex gentibus

Rom 9:25

Rom 9:25sicut in Osee dicit vocabo non plebem meam plebem meam et non misericordiam consecutam misericordiam consecutam

Rom 9:26

Rom 9:26et erit in loco ubi dictum est eis non plebs mea vos ibi vocabuntur filii Dei vivi

Rom 9:27

Rom 9:27Esaias autem clamat pro Israhel si fuerit numerus filiorum Israhel tamquam harena maris reliquiae salvae fient

Rom 9:28

Rom 9:28verbum enim consummans et brevians in aequitate quia verbum breviatum faciet Dominus super terram

Rom 9:29

Rom 9:29et sicut praedixit Esaias nisi Dominus Sabaoth reliquisset nobis semen sicut Sodoma facti essemus et sicut Gomorra similes fuissemus

Rom 9:30

Rom 9:30quid ergo dicemus quod gentes quae non sectabantur iustitiam adprehenderunt iustitiam iustitiam autem quae ex fide est

Rom 9:31

Rom 9:31Israhel vero sectans legem iustitiae in legem iustitiae non pervenit

Rom 9:32

Rom 9:32quare quia non ex fide sed quasi ex operibus offenderunt in lapidem offensionis

Rom 9:33

Rom 9:33sicut scriptum est ecce pono in Sion lapidem offensionis et petram scandali et omnis qui credit in eum non confundetur
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Romans Chapter 9 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras