Romanos (Romans) 8 :: Latin Vulgate (VUL)

Rom 8:1nihil ergo nunc damnationis est his qui sunt in Christo Iesu qui non secundum carnem ambulant

Rom 8:2lex enim Spiritus vitae in Christo Iesu liberavit me a lege peccati et mortis

Rom 8:3nam quod inpossibile erat legis in quo infirmabatur per carnem Deus Filium suum mittens in similitudinem carnis peccati et de peccato damnavit peccatum in carne

Rom 8:4

Rom 8:4ut iustificatio legis impleretur in nobis qui non secundum carnem ambulamus sed secundum Spiritum

Rom 8:5

Rom 8:5qui enim secundum carnem sunt quae carnis sunt sapiunt qui vero secundum Spiritum quae sunt Spiritus sentiunt

Rom 8:6

Rom 8:6nam prudentia carnis mors prudentia autem Spiritus vita et pax

Rom 8:7

Rom 8:7quoniam sapientia carnis inimicitia est in Deum legi enim Dei non subicitur nec enim potest

Rom 8:8

Rom 8:8qui autem in carne sunt Deo placere non possunt

Rom 8:9

Rom 8:9vos autem in carne non estis sed in Spiritu si tamen Spiritus Dei habitat in vobis si quis autem Spiritum Christi non habet hic non est eius

Rom 8:10

Rom 8:10si autem Christus in vobis est corpus quidem mortuum est propter peccatum spiritus vero vita propter iustificationem

Rom 8:11

Rom 8:11quod si Spiritus eius qui suscitavit Iesum a mortuis habitat in vobis qui suscitavit Iesum Christum a mortuis vivificabit et mortalia corpora vestra propter inhabitantem Spiritum eius in vobis

Rom 8:12

Rom 8:12ergo fratres debitores sumus non carni ut secundum carnem vivamus

Rom 8:13

Rom 8:13si enim secundum carnem vixeritis moriemini si autem Spiritu facta carnis mortificatis vivetis

Rom 8:14

Rom 8:14quicumque enim Spiritu Dei aguntur hii filii sunt Dei

Rom 8:15

Rom 8:15non enim accepistis spiritum servitutis iterum in timore sed accepistis Spiritum adoptionis filiorum in quo clamamus Abba Pater

Rom 8:16

Rom 8:16ipse Spiritus testimonium reddit spiritui nostro quod sumus filii Dei

Rom 8:17

Rom 8:17si autem filii et heredes heredes quidem Dei coheredes autem Christi si tamen conpatimur ut et conglorificemur

Rom 8:18

Rom 8:18existimo enim quod non sunt condignae passiones huius temporis ad futuram gloriam quae revelabitur in nobis

Rom 8:19

Rom 8:19nam expectatio creaturae revelationem filiorum Dei expectat

Rom 8:20

Rom 8:20vanitati enim creatura subiecta est non volens sed propter eum qui subiecit in spem

Rom 8:21

Rom 8:21quia et ipsa creatura liberabitur a servitute corruptionis in libertatem gloriae filiorum Dei

Rom 8:22

Rom 8:22scimus enim quod omnis creatura ingemescit et parturit usque adhuc

Rom 8:23

Rom 8:23non solum autem illa sed et nos ipsi primitias Spiritus habentes et ipsi intra nos gemimus adoptionem filiorum expectantes redemptionem corporis nostri

Rom 8:24

Rom 8:24spe enim salvi facti sumus spes autem quae videtur non est spes nam quod videt quis quid sperat

Rom 8:25

Rom 8:25si autem quod non videmus speramus per patientiam expectamus

Rom 8:26

Rom 8:26similiter autem et Spiritus adiuvat infirmitatem nostram nam quid oremus sicut oportet nescimus sed ipse Spiritus postulat pro nobis gemitibus inenarrabilibus

Rom 8:27

Rom 8:27qui autem scrutatur corda scit quid desideret Spiritus quia secundum Deum postulat pro sanctis

Rom 8:28

Rom 8:28scimus autem quoniam diligentibus Deum omnia cooperantur in bonum his qui secundum propositum vocati sunt sancti

Rom 8:29

Rom 8:29nam quos praescivit et praedestinavit conformes fieri imaginis Filii eius ut sit ipse primogenitus in multis fratribus

Rom 8:30

Rom 8:30quos autem praedestinavit hos et vocavit et quos vocavit hos et iustificavit quos autem iustificavit illos et glorificavit

Rom 8:31

Rom 8:31quid ergo dicemus ad haec si Deus pro nobis quis contra nos

Rom 8:32

Rom 8:32qui etiam Filio suo non pepercit sed pro nobis omnibus tradidit illum quomodo non etiam cum illo omnia nobis donabit

Rom 8:33

Rom 8:33quis accusabit adversus electos Dei Deus qui iustificat

Rom 8:34

Rom 8:34quis est qui condemnet Christus Iesus qui mortuus est immo qui resurrexit qui et est ad dexteram Dei qui etiam interpellat pro nobis

Rom 8:35

Rom 8:35quis nos separabit a caritate Christi tribulatio an angustia an persecutio an fames an nuditas an periculum an gladius

Rom 8:36

Rom 8:36sicut scriptum est quia propter te mortificamur tota die aestimati sumus ut oves occisionis

Rom 8:37

Rom 8:37sed in his omnibus superamus propter eum qui dilexit nos

Rom 8:38

Rom 8:38certus sum enim quia neque mors neque vita neque angeli neque principatus neque instantia neque futura neque fortitudines

Rom 8:39

Rom 8:39neque altitudo neque profundum neque creatura alia poterit nos separare a caritate Dei quae est in Christo Iesu Domino nostro

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Romans Chapter 8 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras

Romanos (Romans) 8 :: Latin Vulgate (VUL)

Romans Chapter 8 — Additional Translations:

Did You Know BLB Is User Supported?