Apocalypsis (Revelation) 8 :: Latin Vulgate (VUL)

Rev 8:1et cum aperuisset sigillum septimum factum est silentium in caelo quasi media hora

Rev 8:2et vidi septem angelos stantes in conspectu Dei et datae sunt illis septem tubae

Rev 8:3et alius angelus venit et stetit ante altare habens turibulum aureum et data sunt illi incensa multa ut daret orationibus sanctorum omnium super altare aureum quod est ante thronum

Rev 8:4

Rev 8:4et ascendit fumus incensorum de orationibus sanctorum de manu angeli coram Deo

Rev 8:5

Rev 8:5et accepit angelus turibulum et implevit illud de igne altaris et misit in terram et facta sunt tonitrua et voces et fulgora et terraemotus

Rev 8:6

Rev 8:6et septem angeli qui habebant septem tubas paraverunt se ut tuba canerent

Rev 8:7

Rev 8:7et primus tuba cecinit et facta est grando et ignis mixta in sanguine et missum est in terram et tertia pars terrae conbusta est et tertia pars arborum conbusta est et omne faenum viride conbustum est

Rev 8:8

Rev 8:8et secundus angelus tuba cecinit et tamquam mons magnus igne ardens missus est in mare et facta est tertia pars maris sanguis

Rev 8:9

Rev 8:9et mortua est tertia pars creaturae quae habent animas et tertia pars navium interiit

Rev 8:10

Rev 8:10et tertius angelus tuba cecinit et cecidit de caelo stella magna ardens tamquam facula et cecidit in tertiam partem fluminum et in fontes aquarum

Rev 8:11

Rev 8:11et nomen stellae dicitur Absinthius et facta est tertia pars aquarum in absinthium et multi hominum mortui sunt de aquis quia amarae factae sunt

Rev 8:12

Rev 8:12et quartus angelus tuba cecinit et percussa est tertia pars solis et tertia pars lunae et tertia pars stellarum ut obscuraretur tertia pars eorum et diei non luceret pars tertia et nox similiter

Rev 8:13

Rev 8:13et vidi et audivi vocem unius aquilae volantis per medium caelum dicentis voce magna vae vae vae habitantibus in terra de ceteris vocibus tubae trium angelorum qui erant tuba canituri

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.