Apocalypsis (Revelation) 17 :: Latin Vulgate (VUL)

Rev 17:1

Rev 17:1et venit unus de septem angelis qui habebant septem fialas et locutus est mecum dicens veni ostendam tibi damnationem meretricis magnae quae sedet super aquas multas

Rev 17:2

Rev 17:2cum qua fornicati sunt reges terrae et inebriati sunt qui inhabitant terram de vino prostitutionis eius

Rev 17:3

Rev 17:3et abstulit me in desertum in spiritu et vidi mulierem sedentem super bestiam coccineam plenam nominibus blasphemiae habentem capita septem et cornua decem

Rev 17:4

Rev 17:4et mulier erat circumdata purpura et coccino et inaurata auro et lapide pretioso et margaritis habens poculum aureum in manu sua plenum abominationum et inmunditia fornicationis eius

Rev 17:5

Rev 17:5et in fronte eius nomen scriptum mysterium Babylon magna mater fornicationum et abominationum terrae

Rev 17:6

Rev 17:6et vidi mulierem ebriam de sanguine sanctorum et de sanguine martyrum Iesu et miratus sum cum vidissem illam admiratione magna

Rev 17:7

Rev 17:7et dixit mihi angelus quare miraris ego tibi dicam sacramentum mulieris et bestiae quae portat eam quae habet capita septem et decem cornua

Rev 17:8

Rev 17:8bestiam quam vidisti fuit et non est et ascensura est de abysso et in interitum ibit et mirabuntur inhabitantes terram quorum non sunt scripta nomina in libro vitae a constitutione mundi videntes bestiam quia erat et non est

Rev 17:9

Rev 17:9et hic est sensus qui habet sapientiam septem capita septem montes sunt super quos mulier sedet et reges septem sunt

Rev 17:10

Rev 17:10quinque ceciderunt unus est alius nondum venit et cum venerit oportet illum breve tempus manere

Rev 17:11

Rev 17:11et bestia quae erat et non est et ipsa octava est et de septem est et in interitum vadit

Rev 17:12

Rev 17:12et decem cornua quae vidisti decem reges sunt qui regnum nondum acceperunt sed potestatem tamquam reges una hora accipiunt post bestiam

Rev 17:13

Rev 17:13hii unum consilium habent et virtutem et potestatem suam bestiae tradunt

Rev 17:14

Rev 17:14hii cum agno pugnabunt et agnus vincet illos quoniam Dominus dominorum est et rex regum et qui cum illo sunt vocati et electi et fideles

Rev 17:15

Rev 17:15et dixit mihi aquas quas vidisti ubi meretrix sedet populi sunt et gentes et linguae

Rev 17:16

Rev 17:16et decem cornua quae vidisti et bestiam hii odient fornicariam et desolatam facient illam et nudam et carnes eius manducabunt et ipsam igni concremabunt

Rev 17:17

Rev 17:17Deus enim dedit in corda eorum ut faciant quod illi placitum est ut dent regnum suum bestiae donec consummentur verba Dei

Rev 17:18

Rev 17:18et mulier quam vidisti est civitas magna quae habet regnum super reges terrae

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.