Apocalypsis (Revelation) 12 :: Latin Vulgate (VUL)

Rev 12:1

Rev 12:1et signum magnum paruit in caelo mulier amicta sole et luna sub pedibus eius et in capite eius corona stellarum duodecim

Rev 12:2

Rev 12:2et in utero habens et clamat parturiens et cruciatur ut pariat

Rev 12:3

Rev 12:3et visum est aliud signum in caelo et ecce draco magnus rufus habens capita septem et cornua decem et in capitibus suis septem diademata

Rev 12:4

Rev 12:4et cauda eius trahebat tertiam partem stellarum caeli et misit eas in terram et draco stetit ante mulierem quae erat paritura ut cum peperisset filium eius devoraret

Rev 12:5

Rev 12:5et peperit filium masculum qui recturus erit omnes gentes in virga ferrea et raptus est filius eius ad Deum et ad thronum eius

Rev 12:6

Rev 12:6et mulier fugit in solitudinem ubi habet locum paratum a Deo ut ibi pascant illam diebus mille ducentis sexaginta

Rev 12:7

Rev 12:7et factum est proelium in caelo Michahel et angeli eius proeliabantur cum dracone et draco pugnabat et angeli eius

Rev 12:8

Rev 12:8et non valuerunt neque locus inventus est eorum amplius in caelo

Rev 12:9

Rev 12:9et proiectus est draco ille magnus serpens antiquus qui vocatur Diabolus et Satanas qui seducit universum orbem proiectus est in terram et angeli eius cum illo missi sunt

Rev 12:10

Rev 12:10et audivi vocem magnam in caelo dicentem nunc facta est salus et virtus et regnum Dei nostri et potestas Christi eius quia proiectus est accusator fratrum nostrorum qui accusabat illos ante conspectum Dei nostri die ac nocte

Rev 12:11

Rev 12:11et ipsi vicerunt illum propter sanguinem agni et propter verbum testimonii sui et non dilexerunt animam suam usque ad mortem

Rev 12:12

Rev 12:12propterea laetamini caeli et qui habitatis in eis vae terrae et mari quia descendit diabolus ad vos habens iram magnam sciens quod modicum tempus habet

Rev 12:13

Rev 12:13et postquam vidit draco quod proiectus est in terram persecutus est mulierem quae peperit masculum

Rev 12:14

Rev 12:14et datae sunt mulieri duae alae aquilae magnae ut volaret in desertum in locum suum ubi alitur per tempus et tempora et dimidium temporis a facie serpentis

Rev 12:15

Rev 12:15et misit serpens ex ore suo post mulierem aquam tamquam flumen ut eam faceret trahi a flumine

Rev 12:16

Rev 12:16et adiuvit terra mulierem et aperuit terra os suum et absorbuit flumen quod misit draco de ore suo

Rev 12:17

Rev 12:17et iratus est draco in mulierem et abiit facere proelium cum reliquis de semine eius qui custodiunt mandata Dei et habent testimonium Iesu

Rev 12:18

Rev 12:18 See Footnote

BLB Footnotes

(12:18)

Some translations put the Greek phrase represented as "et stetit super harenam maris" in Rev 12:17, Rev 12:18, or Rev 13:1.

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.