Psalmi (Psalm) 92 :: Latin Vulgate (VUL)

Psa 92:1

Psa 92:1[Vulgate 91:1] psalmus cantici in die sabbati [Vulgate 91:2] bonum est confiteri Domino et psallere nomini tuo Altissime

Psa 92:2

Psa 92:2[Vulgate 91:3] ad adnuntiandam mane misericordiam tuam et fidem tuam in nocte

Psa 92:3

Psa 92:3[Vulgate 91:4] in decacordo et in psalterio in cantico in cithara

Psa 92:4

Psa 92:4[Vulgate 91:5] quoniam laetificasti me Domine in opere tuo in facturis manuum tuarum laudabo

Psa 92:5

Psa 92:5[Vulgate 91:6] quam magnificata sunt opera tua Domine satis profundae factae sunt cogitationes tuae

Psa 92:6

Psa 92:6[Vulgate 91:7] vir insipiens non cognoscet et stultus non intelleget istud

Psa 92:7

Psa 92:7[Vulgate 91:8] germinaverunt impii quasi faenum et floruerunt omnes qui operantur iniquitatem ut contererentur usque in sempiternum

Psa 92:8

Psa 92:8[Vulgate 91:9] tu autem Excelsus in aeternum Domine

Psa 92:9

Psa 92:9[Vulgate 91:10] ecce enim inimici tui Domine ecce inimici tui peribunt et dissipabuntur omnes qui operantur iniquitatem

Psa 92:10

Psa 92:10[Vulgate 91:11] et exaltabitur quasi monocerotis cornu meum et senecta mea in oleo uberi

Psa 92:11

Psa 92:11[Vulgate 91:12] et dispiciet oculus meus eos qui insidiantur mihi de his qui consurgunt adversum me malignantibus audit auris mea

Psa 92:12

Psa 92:12[Vulgate 91:13] iustus ut palma florebit ut cedrus in Libano multiplicabitur

Psa 92:13

Psa 92:13[Vulgate 91:14] transplantati in domo Domini in atriis Dei nostri germinabunt

Psa 92:14

Psa 92:14[Vulgate 91:15] adhuc fructificabunt in senectute pingues et frondentes erunt

Psa 92:15

Psa 92:15[Vulgate 91:16] adnuntiantes quia rectus Dominus fortitudo mea et non est iniquitas in eo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.