Previous Chapter Full Page Full Page Next Chapter

Psalmi (Psalm) 89 :: Latin Vulgate (VUL)

Psa 89:1

Psa 89:1[Vulgate 88:1] eruditionis Aethan Ezraitae [Vulgate 88:2] misericordias Domini in aeternum cantabo in generatione et generatione adnuntiabo veritatem tuam in ore meo

Psa 89:2

Psa 89:2[Vulgate 88:3] quia dixisti sempiterna misericordia aedificabitur caelos fundabis et veritas tua in eis

Psa 89:3

Psa 89:3[Vulgate 88:4] percussi foedus cum electo meo iuravi David servo meo

Psa 89:4

Psa 89:4[Vulgate 88:5] usque in aeternum stabiliam semen tuum et aedificabo in generationem et generationem thronum tuum semper

Psa 89:5

Psa 89:5[Vulgate 88:6] confitebuntur caeli mirabilia tua Domine et veritatem tuam in ecclesia sanctorum

Psa 89:6

Psa 89:6[Vulgate 88:7] quis enim in nubibus adaequabitur Domino adsimilabitur Domino de filiis Dei

Psa 89:7

Psa 89:7[Vulgate 88:8] Deus inclitus in arcano sanctorum nimio et terribilis in cunctis qui circum eum sunt

Psa 89:8

Psa 89:8[Vulgate 88:9] Domine Deus exercituum quis similis tui fortissime Domine et veritas tua in circuitu tuo

Psa 89:9

Psa 89:9[Vulgate 88:10] tu dominaris superbiae maris et elationes gurgitum eius tu conprimis

Psa 89:10

Psa 89:10[Vulgate 88:11] tu confregisti quasi vulneratum superbum in brachio forti tuo dispersisti inimicos tuos

Psa 89:11

Psa 89:11[Vulgate 88:12] tui sunt caeli et tua est terra orbem et plenitudinem eius tu fundasti

Psa 89:12

Psa 89:12[Vulgate 88:13] aquilonem et dexteram tu creasti Thabor et Hermon nomen tuum laudabunt

Psa 89:13

Psa 89:13[Vulgate 88:14] tuum brachium cum fortitudine roboretur manus tua exaltetur dextera tua

Psa 89:14

Psa 89:14[Vulgate 88:15] iustitia et iudicium firmamentum throni tui misericordia et veritas praecedent faciem tuam

Psa 89:15

Psa 89:15[Vulgate 88:16] beatus populus qui novit iubilum Domine in lumine vultus tui ambulabunt

Psa 89:16

Psa 89:16[Vulgate 88:17] in nomine tuo exultabunt tota die et in iustitia tua exaltabuntur

Psa 89:17

Psa 89:17[Vulgate 88:18] quia gloria fortitudinis eorum tu es et in misericordia tua elevabis cornu nostrum

Psa 89:18

Psa 89:18[Vulgate 88:19] quia a Domino est protectio nostra et a Sancto Israhel rege nostro

Psa 89:19

Psa 89:19[Vulgate 88:20] tunc locutus es per visionem sanctis tuis et dixisti posui adiutorium super robustum exaltavi electum de populo

Psa 89:20

Psa 89:20[Vulgate 88:21] inveni David servum meum oleo sancto meo unxi eum

Psa 89:21

Psa 89:21[Vulgate 88:22] cum quo manus mea firma erit et brachium meum roborabit eum

Psa 89:22

Psa 89:22[Vulgate 88:23] non decipiet inimicus eum et filius iniquitatis non adfliget eum

Psa 89:23

Psa 89:23[Vulgate 88:24] sed concidam ante faciem eius hostes illius et qui eum oderunt percutiam

Psa 89:24

Psa 89:24[Vulgate 88:25] veritas autem mea et misericordia mea erit cum eo et in nomine meo exaltabitur cornu eius

Psa 89:25

Psa 89:25[Vulgate 88:26] et ponam in mari manum eius et in fluminibus dexteram eius

Psa 89:26

Psa 89:26[Vulgate 88:27] ipse vocabit me pater meus es tu Deus meus et fortitudo salutis meae

Psa 89:27

Psa 89:27[Vulgate 88:28] ego autem primogenitum ponam eum excelsum regibus terrae

Psa 89:28

Psa 89:28[Vulgate 88:29] in aeternum custodiam ei misericordiam meam et pactum meum fidele ei erit

Psa 89:29

Psa 89:29[Vulgate 88:30] et ponam perpetuum semen eius et thronum eius sicut dies caeli

Psa 89:30

Psa 89:30[Vulgate 88:31] si autem dereliquerint filii eius legem meam et in iudiciis meis non ambulaverint

Psa 89:31

Psa 89:31[Vulgate 88:32] si caerimonias meas profanaverint et praecepta mea non custodierint

Psa 89:32

Psa 89:32[Vulgate 88:33] visitabo in virga scelera eorum et in plagis iniquitatem eorum

Psa 89:33

Psa 89:33[Vulgate 88:34] misericordiam autem meam non auferam ab eo nec mentiar in veritate mea

Psa 89:34

Psa 89:34[Vulgate 88:35] non violabo pactum meum et quod egressum est de labiis meis non mutabo

Psa 89:35

Psa 89:35[Vulgate 88:36] semel iuravi in sancto meo ne David mentiar

Psa 89:36

Psa 89:36[Vulgate 88:37] semen eius in sempiternum erit

Psa 89:37

Psa 89:37[Vulgate 88:38] et thronus eius sicut sol in conspectu meo sicut luna stabilietur in sempiternum et testis in caelo fidelis semper

Psa 89:38

Psa 89:38[Vulgate 88:39] tu autem reppulisti et proiecisti iratus es adversum christum tuum

Psa 89:39

Psa 89:39[Vulgate 88:40] adtenuasti pactum servi tui profanasti in terra diadema eius

Psa 89:40

Psa 89:40[Vulgate 88:41] dissipasti omnes macerias eius posuisti munitiones eius pavorem

Psa 89:41

Psa 89:41[Vulgate 88:42] diripuerunt eum omnes qui transeunt per viam factus est obprobrium vicinis suis

Psa 89:42

Psa 89:42[Vulgate 88:43] elevasti dexteram hostium eius laetificasti omnes inimicos illius

Psa 89:43

Psa 89:43[Vulgate 88:44] avertisti robur gladii eius et non sublevasti eum in proelio

Psa 89:44

Psa 89:44[Vulgate 88:45] quiescere fecisti munditiam eius et thronum illius in terram detraxisti

Psa 89:45

Psa 89:45[Vulgate 88:46] adbreviasti dies adulescentiae eius operuisti eum ignominia sempiterna

Psa 89:46

Psa 89:46[Vulgate 88:47] usquequo Domine absconderis in finem succendetur quasi ignis indignatio tua

Psa 89:47

Psa 89:47[Vulgate 88:48] memento mei de profundo alioquin quare frustra creasti filios hominum

Psa 89:48

Psa 89:48[Vulgate 88:49] quis est vir qui vivat et non videat mortem salvans animam suam de manu inferi semper

Psa 89:49

Psa 89:49[Vulgate 88:50] ubi sunt misericordiae tuae antiquae Domine quas iurasti David in veritate tua

Psa 89:50

Psa 89:50[Vulgate 88:51] recordare Domine obprobrii servorum tuorum quia portavi in sinu meo omnes iniquitates populorum

Psa 89:51

Psa 89:51[Vulgate 88:52] quas exprobraverunt inimici tui Domine quibus exprobraverunt vestigia christi tui

Psa 89:52

Psa 89:52[Vulgate 88:53] benedictus Dominus in sempiternum amen et amen
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Psalm Chapter 89 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Westminster Leningrad Codex Septuagint Smith Van Dyck Arabic Bible Open New Arabic Version Brenton's English Septuagint Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras