Psalmi (Psalm) 86 :: Latin Vulgate (VUL)

Psa 86:1

Psa 86:1[Vulgate 85:1] oratio David inclina Domine aurem tuam exaudi me quia egenus et pauper ego sum

Psa 86:2

Psa 86:2[Vulgate 85:2] custodi animam meam quia sanctus sum salva servum tuum tu Deus meus qui confidit in te

Psa 86:3

Psa 86:3[Vulgate 85:3] miserere mei Domine quoniam ad te clamabo tota die

Psa 86:4

Psa 86:4[Vulgate 85:4] laetifica animam servi tui quia ad te animam meam levo

Psa 86:5

Psa 86:5[Vulgate 85:5] tu enim es Domine bonus et propitiabilis et multus misericordia omnibus qui invocant te

Psa 86:6

Psa 86:6[Vulgate 85:6] exaudi Domine orationem meam et ausculta vocem deprecationum mearum

Psa 86:7

Psa 86:7[Vulgate 85:7] in die tribulationis meae invocabo te quia exaudies me

Psa 86:8

Psa 86:8[Vulgate 85:8] non est similis tui in diis Domine non est iuxta opera tua

Psa 86:9

Psa 86:9[Vulgate 85:9] omnes gentes quas fecisti venient et adorabunt coram te Domine et glorificabunt nomen tuum

Psa 86:10

Psa 86:10[Vulgate 85:10] quia magnus tu et faciens mirabilia tu Deus solus

Psa 86:11

Psa 86:11[Vulgate 85:11] doce me Domine viam tuam ut ambulem in veritate tua unicum fac cor meum ut timeat nomen tuum

Psa 86:12

Psa 86:12[Vulgate 85:12] confitebor tibi Domine Deus meus in toto corde meo et glorificabo nomen tuum in sempiternum

Psa 86:13

Psa 86:13[Vulgate 85:13] quia misericordia tua magna super me et eruisti animam meam de inferno extremo

Psa 86:14

Psa 86:14[Vulgate 85:14] Deus superbi surrexerunt adversus me et coetus robustorum quaesivit animam meam et non posuerunt te in conspectu suo

Psa 86:15

Psa 86:15[Vulgate 85:15] tu autem Domine Deus misericors et clemens patiens et multae misericordiae et verus

Psa 86:16

Psa 86:16[Vulgate 85:16] respice ad me et miserere mei da fortitudinem tuam servo tuo et salva filium ancillae tuae

Psa 86:17

Psa 86:17[Vulgate 85:17] fac mecum signum in bonitate et videant qui oderunt me et confundantur quia tu Domine auxiliatus es mihi et consolatus es me

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.