Psalmi (Psalm) 85 :: Latin Vulgate (VUL)

Psa 85:1

Psa 85:1[Vulgate 84:1] victori filiorum Core canticum [Vulgate 84:2] placatus es Domine terrae tuae reduxisti captivitatem Iacob

Psa 85:2

Psa 85:2[Vulgate 84:3] dimisisti iniquitatem populo tuo operuisti omnes iniquitates eorum semper

Psa 85:3

Psa 85:3[Vulgate 84:4] continuisti omnem indignationem tuam conversus es ab ira furoris tui

Psa 85:4

Psa 85:4[Vulgate 84:5] converte nos Deus Iesus noster et solve iram tuam adversum nos

Psa 85:5

Psa 85:5[Vulgate 84:6] noli in aeternum irasci nobis extendens iram tuam in generationem et generationem

Psa 85:6

Psa 85:6[Vulgate 84:7] nonne tu revertens vivificabis nos et populus tuus laetabitur in te

Psa 85:7

Psa 85:7[Vulgate 84:8] ostende nobis Domine misericordiam tuam et salutare tuum da nobis

Psa 85:8

Psa 85:8[Vulgate 84:9] audiam quid loquatur Dominus Deus loquetur enim pacem ad populum suum et ad sanctos suos ut non convertantur ad stultitiam

Psa 85:9

Psa 85:9[Vulgate 84:10] verumtamen prope est his qui timent eum salutare eius ut habitet gloria in terra nostra

Psa 85:10

Psa 85:10[Vulgate 84:11] misericordia et veritas occurrerunt iustitia et pax deosculatae sunt

Psa 85:11

Psa 85:11[Vulgate 84:12] veritas de terra orta est et iustitia de caelo prospexit

Psa 85:12

Psa 85:12[Vulgate 84:13] sed et Dominus dabit bonum et terra nostra dabit germen suum

Psa 85:13

Psa 85:13[Vulgate 84:14] iustitia ante eum ibit et ponet in via gressus suos

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.