Psalmi (Psalm) 81 :: Latin Vulgate (VUL)

Psa 81:1

Psa 81:1[Vulgate 80:1] victori in torcularibus Asaph [Vulgate 80:2] laudate Deum fortitudinem nostram iubilate Deo Iacob

Psa 81:2

Psa 81:2[Vulgate 80:3] adsumite carmen et date tympanum citharam decoram cum psalterio

Psa 81:3

Psa 81:3[Vulgate 80:4] clangite in neomenia bucina et in medio mense die sollemnitatis nostrae

Psa 81:4

Psa 81:4[Vulgate 80:5] quia legitimum Israhel est et iudicium Dei Iacob

Psa 81:5

Psa 81:5[Vulgate 80:6] testimonium in Ioseph posuit cum egrederetur terra Aegypti labium quod nesciebam audivi

Psa 81:6

Psa 81:6[Vulgate 80:7] amovi ab onere umerum eius manus eius a cofino recesserunt

Psa 81:7

Psa 81:7[Vulgate 80:8] in tribulatione invocasti et erui te exaudivi te in abscondito tonitrui probavi te super aquam Contradictionis semper

Psa 81:8

Psa 81:8[Vulgate 80:9] audi populus meus et contestor te Israhel si audieris me

Psa 81:9

Psa 81:9[Vulgate 80:10] non sit in te deus alienus et non adores deum peregrinum

Psa 81:10

Psa 81:10[Vulgate 80:11] ego sum Dominus Deus tuus qui eduxi te de terra Aegypti dilata os tuum et implebo illud

Psa 81:11

Psa 81:11[Vulgate 80:12] et non audivit populus meus vocem meam et Israhel non credidit mihi

Psa 81:12

Psa 81:12[Vulgate 80:13] et dimisi eum in pravitate cordis sui ambulabunt in consiliis suis

Psa 81:13

Psa 81:13[Vulgate 80:14] utinam populus meus audisset me Israhel in viis meis ambulasset

Psa 81:14

Psa 81:14[Vulgate 80:15] quasi nihilum inimicos eius humiliassem et super hostes eorum vertissem manum meam

Psa 81:15

Psa 81:15[Vulgate 80:16] qui oderunt Dominum negabunt eum et erit tempus eorum in saeculo

Psa 81:16

Psa 81:16[Vulgate 80:17] et cibavit eos de adipe frumenti et de petra mellis saturavit eos

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.