Psalmi (Psalm) 80 :: Latin Vulgate (VUL)

Psa 80:1

Psa 80:1[Vulgate 79:1] victori pro liliis testimonii Asaph canticum [Vulgate 79:2] qui pascis Israhel ausculta qui ducis quasi gregem Ioseph qui sedes super cherubin ostendere

Psa 80:2

Psa 80:2[Vulgate 79:3] ante Efraim et Beniamin et Manasse suscita fortitudinem tuam et veni ut salvos facias nos

Psa 80:3

Psa 80:3[Vulgate 79:4] Deus converte nos et ostende faciem tuam et salvi erimus

Psa 80:4

Psa 80:4[Vulgate 79:5] Domine Deus exercituum usquequo fumabis ad orationem populi tui

Psa 80:5

Psa 80:5[Vulgate 79:6] cibasti nos pane flebili et potasti nos in lacrimis tripliciter

Psa 80:6

Psa 80:6[Vulgate 79:7] posuisti nos contentionem vicinis nostris et inimici nostri subsannaverunt nos

Psa 80:7

Psa 80:7[Vulgate 79:8] Deus exercituum converte nos et ostende faciem tuam et salvi erimus

Psa 80:8

Psa 80:8[Vulgate 79:9] vineam de Aegypto tulisti eiecisti gentes et plantasti eam

Psa 80:9

Psa 80:9[Vulgate 79:10] praeparasti ante faciem eius et stabilisti radices eius et implevit terram

Psa 80:10

Psa 80:10[Vulgate 79:11] operti sunt montes umbra eius et ramis illius cedri Dei

Psa 80:11

Psa 80:11[Vulgate 79:12] expandit comas suas usque ad mare et usque ad Flumen germina sua

Psa 80:12

Psa 80:12[Vulgate 79:13] quare dissipasti maceriam eius et vindemiaverunt eam omnes qui transeunt per viam

Psa 80:13

Psa 80:13[Vulgate 79:14] vastavit eam aper de silva et omnes bestiae agri depastae sunt eam

Psa 80:14

Psa 80:14[Vulgate 79:15] Deus exercituum revertere obsecro respice de caelo et vide et visita vineam hanc

Psa 80:15

Psa 80:15[Vulgate 79:16] et radicem quam plantavit dextera tua et filium quem confirmasti tibi

Psa 80:16

Psa 80:16[Vulgate 79:17] succensam igni et deramatam ab increpatione faciei tuae pereant

Psa 80:17

Psa 80:17[Vulgate 79:18] fiat manus tua super virum dexterae tuae et super filium hominis quem confirmasti tibi

Psa 80:18

Psa 80:18[Vulgate 79:19] et non recedemus a te vivificabis nos et nomine tuo vocabimur

Psa 80:19

Psa 80:19[Vulgate 79:20] Domine Deus exercituum converte nos et ostende faciem tuam et salvi erimus

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.