Psalmi (Psalm) 78 :: Latin Vulgate (VUL)

Psa 78:1[Vulgate 77:1] eruditionis Asaph ausculta populus meus legem meam inclinate aurem vestram ad verba oris mei

Psa 78:2[Vulgate 77:2] aperiam in parabula os meum loquar enigmata antiqua

Psa 78:3[Vulgate 77:3] quae audivimus et cognovimus et patres nostri narraverunt nobis

Psa 78:4[Vulgate 77:4] non sunt abscondita a filiis eorum a generatione sequenti narrante laudes Domini et potentiam eius et mirabilia eius quae fecit

Psa 78:5

Psa 78:5[Vulgate 77:5] statuit contestationem Iacob et legem posuit in Israhel quae mandavit patribus nostris ut docerent filios suos

Psa 78:6

Psa 78:6[Vulgate 77:6] ut cognosceret generatio subsequens filii nascituri surgent et narrabunt filiis suis

Psa 78:7

Psa 78:7[Vulgate 77:7] ut ponant in Deo spem suam et non obliviscantur cogitationum eius et mandata eius custodiant

Psa 78:8

Psa 78:8[Vulgate 77:8] ut non sint sicut patres eorum generatio declinans et provocans generatio quae non praeparavit cor suum et non credidit Deo spiritus eius

Psa 78:9

Psa 78:9[Vulgate 77:9] filii Efraim intendentes et mittentes arcum terga verterunt in die belli

Psa 78:10

Psa 78:10[Vulgate 77:10] non custodierunt pactum Dei sui et in lege eius noluerunt ingredi

Psa 78:11

Psa 78:11[Vulgate 77:11] et obliti sunt commutationum eius et mirabilium eius quae ostendit eis

Psa 78:12

Psa 78:12[Vulgate 77:12] coram patribus eorum fecit mirabilia in terra Aegypto in regione Taneos

Psa 78:13

Psa 78:13[Vulgate 77:13] divisit mare et transduxit eos et stare fecit aquas quasi acervum

Psa 78:14

Psa 78:14[Vulgate 77:14] et duxit eos in nube per diem et tota nocte in lumine ignis

Psa 78:15

Psa 78:15[Vulgate 77:15] scidit petram in deserto et potum dedit quasi de abyssis magnis

Psa 78:16

Psa 78:16[Vulgate 77:16] et eduxit rivos de petra et elicuit quasi flumina aquas

Psa 78:17

Psa 78:17[Vulgate 77:17] et addiderunt ultra peccare ei ut provocarent Excelsum in invio

Psa 78:18

Psa 78:18[Vulgate 77:18] et temptaverunt Deum in cordibus suis petentes cibum animae suae

Psa 78:19

Psa 78:19[Vulgate 77:19] et loquentes contra Deum dicebant numquid poterit Deus ponere mensam in solitudine

Psa 78:20

Psa 78:20[Vulgate 77:20] ecce percussit petram et fluxerunt aquae et torrentes inundaverunt numquid et panem poterit dare aut praeparare carnem populo suo

Psa 78:21

Psa 78:21[Vulgate 77:21] ideo audivit Dominus et non distulit et ignis accensus est in Iacob et furor ascendit in Israhel

Psa 78:22

Psa 78:22[Vulgate 77:22] quia non crediderunt Deo nec habuerunt fiduciam in salutari eius

Psa 78:23

Psa 78:23[Vulgate 77:23] et praecepit nubibus desuper et portas caeli aperuit

Psa 78:24

Psa 78:24[Vulgate 77:24] et pluit super eos man ut comederent et triticum caeli dedit eis

Psa 78:25

Psa 78:25[Vulgate 77:25] panem fortium comedit vir cibaria misit eis in saturitatem

Psa 78:26

Psa 78:26[Vulgate 77:26] abstulit eurum de caelo et induxit in fortitudine sua africum

Psa 78:27

Psa 78:27[Vulgate 77:27] et pluit super eos quasi pulverem carnes et quasi harenam maris volatilia pinnata

Psa 78:28

Psa 78:28[Vulgate 77:28] et ceciderunt in medio castrorum eius in circuitu tabernaculorum eius

Psa 78:29

Psa 78:29[Vulgate 77:29] et comederunt et saturati sunt nimis et desiderium eorum adtulit eis

Psa 78:30

Psa 78:30[Vulgate 77:30] non indiguerunt de cupiditate sua cum adhuc cibus esset in ore eorum

Psa 78:31

Psa 78:31[Vulgate 77:31] furor ergo Dei ascendit super eos et occidit pingues eorum et electos Israhel incurvavit

Psa 78:32

Psa 78:32[Vulgate 77:32] in omnibus his peccaverunt ultra et non crediderunt mirabilibus eius

Psa 78:33

Psa 78:33[Vulgate 77:33] et consumpsit in vanitate dies eorum et annos eorum velociter

Psa 78:34

Psa 78:34[Vulgate 77:34] si occidebat eos tunc requirebant eum et convertebantur et diluculo consurgebant ad Deum

Psa 78:35

Psa 78:35[Vulgate 77:35] et recordabantur quia Deus fortitudo eorum et Deus excelsus redemptor eorum

Psa 78:36

Psa 78:36[Vulgate 77:36] et lactaverunt eum in ore suo et lingua sua mentiti sunt ei

Psa 78:37

Psa 78:37[Vulgate 77:37] cor autem eorum non erat firmum cum eo nec permanserunt in pacto eius

Psa 78:38

Psa 78:38[Vulgate 77:38] ipse vero misericors propitiabitur iniquitati et non disperdet multumque avertit iram suam et non suscitavit totum furorem suum

Psa 78:39

Psa 78:39[Vulgate 77:39] sed recordatus est quia caro essent spiritus vadens et non revertens

Psa 78:40

Psa 78:40[Vulgate 77:40] quotiens provocaverunt eum in deserto adflixerunt eum in solitudine

Psa 78:41

Psa 78:41[Vulgate 77:41] et conversi sunt et temptaverunt Deum et Sanctum Israhel concitaverunt

Psa 78:42

Psa 78:42[Vulgate 77:42] non sunt recordati manus eius diei qua redemit eos a tribulante

Psa 78:43

Psa 78:43[Vulgate 77:43] qui fecit in Aegypto signa sua et ostenta sua in regione Taneos

Psa 78:44

Psa 78:44[Vulgate 77:44] qui convertit in sanguine fluvios eorum et rivos eorum ut non biberent

Psa 78:45

Psa 78:45[Vulgate 77:45] qui inmisit eis genus omne muscarum ut comederent eos et ranas ut disperderent eos

Psa 78:46

Psa 78:46[Vulgate 77:46] qui dedit brucho germen eorum et laborem eorum lucustae

Psa 78:47

Psa 78:47[Vulgate 77:47] qui occidit in grandine vineas eorum et sycomoros eorum in frigore

Psa 78:48

Psa 78:48[Vulgate 77:48] qui tradidit grandini pascua eorum et iumenta eorum volucribus

Psa 78:49

Psa 78:49[Vulgate 77:49] qui misit in eos iram furoris sui indignationem et comminationem et angustiam inmissionem angelorum malorum

Psa 78:50

Psa 78:50[Vulgate 77:50] munivit semitam furori suo non pepercit morti animae eorum et animantia eorum pesti tradidit

Psa 78:51

Psa 78:51[Vulgate 77:51] et percussit omne primogenitum in Aegypto principium partus in tabernaculis Cham

Psa 78:52

Psa 78:52[Vulgate 77:52] et tulit veluti oves populum suum et minavit eos sicut gregem in deserto

Psa 78:53

Psa 78:53[Vulgate 77:53] et duxit eos cum fiducia et absque timore inimicos autem eorum operuit mare

Psa 78:54

Psa 78:54[Vulgate 77:54] et adduxit eos ad terminum sanctificatum suum montem istum quem possedit dextera eius et eiecit a facie eorum gentes et possidere eos fecit in funiculo hereditatem

Psa 78:55

Psa 78:55[Vulgate 77:55] et conlocavit in tabernaculis eorum tribus Israhel

Psa 78:56

Psa 78:56[Vulgate 77:56] et temptaverunt et provocaverunt Deum excelsum et testimonia eius non custodierunt

Psa 78:57

Psa 78:57[Vulgate 77:57] et aversi sunt et praevaricati sunt ut patres eorum incurvati sunt quasi arcus inutilis

Psa 78:58

Psa 78:58[Vulgate 77:58] et provocaverunt eum in excelsis suis et in sculptilibus suis ad aemulandum concitaverunt

Psa 78:59

Psa 78:59[Vulgate 77:59] audivit Deus et non distulit et proiecit vehementer Israhel

Psa 78:60

Psa 78:60[Vulgate 77:60] et reliquit tabernaculum Selo tentorium quod conlocavit inter homines

Psa 78:61

Psa 78:61[Vulgate 77:61] tradidit in captivitatem gloriam suam et decorem suum in manu hostis

Psa 78:62

Psa 78:62[Vulgate 77:62] et conclusit in gladio populum suum et in hereditate sua non distulit

Psa 78:63

Psa 78:63[Vulgate 77:63] iuvenes eius devoravit ignis et virgines eius nemo luxit

Psa 78:64

Psa 78:64[Vulgate 77:64] sacerdotes eius gladio ceciderunt et viduae eius non sunt fletae

Psa 78:65

Psa 78:65[Vulgate 77:65] et evigilavit quasi dormiens Dominus quasi fortis post crapulam vini

Psa 78:66

Psa 78:66[Vulgate 77:66] et percussit hostes suos retrorsum obprobrium sempiternum dedit eos

Psa 78:67

Psa 78:67[Vulgate 77:67] et proiecit tabernaculum Ioseph et tribum Efraim non elegit

Psa 78:68

Psa 78:68[Vulgate 77:68] sed elegit tribum Iuda montem Sion quem dilexit

Psa 78:69

Psa 78:69[Vulgate 77:69] et aedificavit in similitudinem monoceroton sanctuarium suum quasi terram fundavit illud in saeculum

Psa 78:70

Psa 78:70[Vulgate 77:70] et elegit David servum suum et tulit eum de gregibus ovium sequentem fetas adduxit eum

Psa 78:71

Psa 78:71[Vulgate 77:71] ut pasceret Iacob populum eius et Israhel hereditatem eius

Psa 78:72

Psa 78:72[Vulgate 77:72] qui pavit eos in simplicitate cordis sui et in prudentia manuum suarum dux eorum fuit

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Psalm Chapter 78 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Westminster Leningrad Codex Septuagint Smith Van Dyck Arabic Bible Open New Arabic Version Brenton's English Septuagint Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras

Psalmi (Psalm) 78 :: Latin Vulgate (VUL)

Psalm Chapter 78 — Additional Translations:

Did You Know BLB Is User Supported?