Psalmi (Psalm) 77 :: Latin Vulgate (VUL)

Psa 77:1

Psa 77:1[Vulgate 76:1] victori per Idithun psalmus Asaph [Vulgate 76:2] voce mea ad Dominum clamavi voce mea ad Dominum et exaudivit me

Psa 77:2

Psa 77:2[Vulgate 76:3] in die tribulationis meae Dominum requisivi manus mea nocte extenditur et non quiescit noluit consolari anima mea

Psa 77:3

Psa 77:3[Vulgate 76:4] recordans Dei conturbabar loquebar in memet ipso et deficiebat spiritus meus semper

Psa 77:4

Psa 77:4[Vulgate 76:5] prohibebam suspectum oculorum meorum stupebam et non loquebar

Psa 77:5

Psa 77:5[Vulgate 76:6] recogitabam dies antiquos annos pristinos

Psa 77:6

Psa 77:6[Vulgate 76:7] recordabar psalmorum meorum in nocte cum corde meo loquebar et scobebam spiritum meum

Psa 77:7

Psa 77:7[Vulgate 76:8] ergone in aeternum proiciet Dominus et non repropitiabitur ultra

Psa 77:8

Psa 77:8[Vulgate 76:9] ergone conplebit usque in finem misericordiam suam consummabit verbum de generatione et generatione

Psa 77:9

Psa 77:9[Vulgate 76:10] numquid oblitus est misereri Deus aut conplebit in furore misericordias suas semper

Psa 77:10

Psa 77:10[Vulgate 76:11] et dixi inbecillitas mea est haec commutatio dexterae Excelsi

Psa 77:11

Psa 77:11[Vulgate 76:12] recordabor cogitationum Domini reminiscens antiqua mirabilia tua

Psa 77:12

Psa 77:12[Vulgate 76:13] et meditabor in omni opere tuo et adinventiones tuas loquar

Psa 77:13

Psa 77:13[Vulgate 76:14] Deus in sanctuario via tua quis deus magnus ut Deus

Psa 77:14

Psa 77:14[Vulgate 76:15] tu es Deus faciens mirabilia ostendens in populis potentiam tuam

Psa 77:15

Psa 77:15[Vulgate 76:16] redemisti in brachio populum tuum filios Iacob et Ioseph semper

Psa 77:16

Psa 77:16[Vulgate 76:17] videntes te aquae Deus videntes te aquae parturierunt et commotae sunt abyssi

Psa 77:17

Psa 77:17[Vulgate 76:18] excusserunt aquas nubila vocem dederunt nubes et sagittae tuae discurrebant

Psa 77:18

Psa 77:18[Vulgate 76:19] vox tonitrui tui in rota apparuerunt fulgora tua orbi concussa est et commota est terra

Psa 77:19

Psa 77:19[Vulgate 76:20] in mari via tua et semitae tuae in aquis multis et vestigia tua non sunt agnita

Psa 77:20

Psa 77:20[Vulgate 76:21] deduxisti quasi gregem populum tuum in manu Mosi et Aaron

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.