Psalmi (Psalm) 74 :: Latin Vulgate (VUL)

Psa 74:1[Vulgate 73:1] eruditionis Asaph ut quid Deus reppulisti in finem fumavit furor tuus in gregem pascuae tuae

Psa 74:2[Vulgate 73:2] recordare congregationis tuae quam possedisti ab initio et redemisti virgam hereditatis tuae montis Sion in quo habitasti

Psa 74:3

Psa 74:3[Vulgate 73:3] sublimitas pedum tuorum dissipata est usque ad finem omnia mala egit inimicus in sanctuario

Psa 74:4

Psa 74:4[Vulgate 73:4] fremuerunt hostes tui in medio pacti tui posuerunt signa sua in tropeum

Psa 74:5

Psa 74:5[Vulgate 73:5] manifesta in introitu desuper in saltu lignorum secures

Psa 74:6

Psa 74:6[Vulgate 73:6] et nunc scalpturas eius pariter bipinne et dolatoriis deraserunt

Psa 74:7

Psa 74:7[Vulgate 73:7] miserunt ignem in sanctuarium tuum in terram contaminaverunt habitaculum nominis tui

Psa 74:8

Psa 74:8[Vulgate 73:8] dixerunt in cordibus suis posteri eorum simul incenderunt omnes sollemnitates Dei in terra

Psa 74:9

Psa 74:9[Vulgate 73:9] signa nostra non vidimus non est ultra propheta et non est nobiscum qui sciat usquequo

Psa 74:10

Psa 74:10[Vulgate 73:10] usquequo Deus exprobrabit adversarius blasphemabit inimicus nomen tuum in finem

Psa 74:11

Psa 74:11[Vulgate 73:11] quare convertis manum tuam et dexteram tuam ad medium sinum tuum consume

Psa 74:12

Psa 74:12[Vulgate 73:12] Deus autem rex meus ab initio operatur salutes in medio terrae

Psa 74:13

Psa 74:13[Vulgate 73:13] tu dissipasti in fortitudine tua mare contrivisti capita draconum in aquis

Psa 74:14

Psa 74:14[Vulgate 73:14] tu confregisti capita Leviathan dedisti eum in escam populo Aethiopum

Psa 74:15

Psa 74:15[Vulgate 73:15] tu disrupisti fontem et torrentem tu exsiccasti flumina fortia

Psa 74:16

Psa 74:16[Vulgate 73:16] tua est dies et tua est nox tu ordinasti luminaria et solem

Psa 74:17

Psa 74:17[Vulgate 73:17] tu statuisti omnes terminos terrae aestatem et hiemem tu plasmasti

Psa 74:18

Psa 74:18[Vulgate 73:18] memento huius inimicus exprobravit Domino et populus insipiens blasphemavit nomen tuum

Psa 74:19

Psa 74:19[Vulgate 73:19] ne tradas bestiis animam eruditam lege tua vitae pauperum tuorum ne obliviscaris in perpetuum

Psa 74:20

Psa 74:20[Vulgate 73:20] respice ad pactum quia repletae sunt tenebris terrae habitationes iniquae subrutae

Psa 74:21

Psa 74:21[Vulgate 73:21] ne revertatur confractus et confusus egenus et pauper laudabunt nomen tuum

Psa 74:22

Psa 74:22[Vulgate 73:22] surge Deus iudica causam tuam memento obprobrii tui ab insipiente tota die

Psa 74:23

Psa 74:23[Vulgate 73:23] ne obliviscaris vocis hostium tuorum sonitus adversariorum tuorum ascendit iugiter

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.