Psalmi (Psalm) 72 :: Latin Vulgate (VUL)

Psa 72:1

Psa 72:1[Vulgate 71:1] Salomonis [Vulgate 71:2a] Deus iudicium regi da et iustitiam tuam filio regis

Psa 72:2

Psa 72:2[Vulgate 71:2b] iudicabit populum tuum in iustitia et pauperes tuos in iudicio

Psa 72:3

Psa 72:3[Vulgate 71:3] adsument montes pacem populo et colles iustitiam

Psa 72:4

Psa 72:4[Vulgate 71:4] iudicabit pauperes populi salvabit filios pauperis et confringet calumniatorem

Psa 72:5

Psa 72:5[Vulgate 71:5] et timebunt te quamdiu erit sol et ultra lunam in generatione generationum

Psa 72:6

Psa 72:6[Vulgate 71:6] descendet ut pluvia super vellus ut stillae inrorantes terram

Psa 72:7

Psa 72:7[Vulgate 71:7] germinabit in diebus eius iustitia et multitudo pacis donec non sit luna

Psa 72:8

Psa 72:8[Vulgate 71:8] et dominabitur a mari usque ad mare et a flumine usque ad terminos terrae

Psa 72:9

Psa 72:9[Vulgate 71:9] ante eum procident Aethiopes et inimici eius pulverem lingent

Psa 72:10

Psa 72:10[Vulgate 71:10] reges Tharsis et insulae munera offerent reges Arabiae et Saba tributum conferent

Psa 72:11

Psa 72:11[Vulgate 71:11] et adorabunt eum omnes reges universae nationes servient ei

Psa 72:12

Psa 72:12[Vulgate 71:12] quia eruet pauperem a potente et inopem cui non est adiutor

Psa 72:13

Psa 72:13[Vulgate 71:13] parcet inopi et pauperi et animas pauperum salvabit

Psa 72:14

Psa 72:14[Vulgate 71:14] ab usura et iniquitate redimet animam eorum et pretiosus erit sanguis eorum coram oculis eius

Psa 72:15

Psa 72:15[Vulgate 71:15] et vivet et dabitur ei de auro Saba et orabunt de eo iugiter tota die benedicent ei

Psa 72:16

Psa 72:16[Vulgate 71:16] erit memorabile triticum in terra in capite montium elevabitur sicut Libani fructus eius et florebunt de civitate sicut faenum terrae

Psa 72:17

Psa 72:17[Vulgate 71:17] erit nomen eius in aeternum ultra solem perseverabit nomen eius et benedicentur in eo omnes gentes et beatificabunt eum

Psa 72:18

Psa 72:18[Vulgate 71:18] benedictus Dominus Deus Deus Israhel qui facit mirabilia solus

Psa 72:19

Psa 72:19[Vulgate 71:19] et benedictum nomen gloriae eius in sempiternum et implebitur gloria eius universa terra amen amen

Psa 72:20

Psa 72:20[Vulgate 71:20] conpletae sunt orationes David filii Iesse

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.