Psalmi (Psalm) 71 :: Latin Vulgate (VUL)

Psa 71:1[Vulgate 70:1] in te Domine speravi ne confundar in aeternum

Psa 71:2[Vulgate 70:2] iustitia tua erue me et libera inclina ad me aurem tuam et salva me

Psa 71:3[Vulgate 70:3] esto mihi robustum habitaculum ut ingrediar iugiter praecepisti ut salvares me quia petra mea et fortitudo mea es tu

Psa 71:4

Psa 71:4[Vulgate 70:4] Deus meus salva me de manu impii de manu iniqui et nocentis

Psa 71:5

Psa 71:5[Vulgate 70:5] quia tu es expectatio mea Deus Domine fiducia mea ab adulescentia mea

Psa 71:6

Psa 71:6[Vulgate 70:6] a te sustentatus sum ex utero de ventre matris meae tu es protector meus in te laus mea semper

Psa 71:7

Psa 71:7[Vulgate 70:7] quasi portentum factus sum multis et tu spes mea fortissima

Psa 71:8

Psa 71:8[Vulgate 70:8] impleatur os meum laude tua tota die magnitudine tua

Psa 71:9

Psa 71:9[Vulgate 70:9] ne proicias me in tempore senectutis cum defecerit fortitudo mea ne derelinquas me

Psa 71:10

Psa 71:10[Vulgate 70:10] quia dixerunt inimici mei mihi et qui observabant animam meam inierunt consilium pariter

Psa 71:11

Psa 71:11[Vulgate 70:11] dicentes Deus dereliquit eum persequimini et conprehendite eum quia non est qui eruat

Psa 71:12

Psa 71:12[Vulgate 70:12] Deus ne elongeris a me Deus meus ad auxiliandum mihi festina

Psa 71:13

Psa 71:13[Vulgate 70:13] confundantur et consumantur adversarii animae meae operiantur obprobrio et confusione qui quaerunt malum mihi

Psa 71:14

Psa 71:14[Vulgate 70:14] ego autem iugiter expectabo et adiciam super omnes laudationes tuas

Psa 71:15

Psa 71:15[Vulgate 70:15] os meum narrabit iustitiam tuam tota die salutare tuum quia non cognovi litteraturas

Psa 71:16

Psa 71:16[Vulgate 70:16] ingrediar in fortitudine Domini Dei recordabor iustitiae tuae solius

Psa 71:17

Psa 71:17[Vulgate 70:17] Deus docuisti me ab adulescentia mea et usque nunc adnuntiabo mirabilia tua

Psa 71:18

Psa 71:18[Vulgate 70:18] insuper et usque ad senectutem et canos Deus ne derelinquas me donec adnuntiem brachium tuum generationi cunctisque qui venturi sunt fortitudines tuas

Psa 71:19

Psa 71:19[Vulgate 70:19] et iustitiam tuam Deus usque in excelsum quanta fecisti magnalia Deus quis similis tibi

Psa 71:20

Psa 71:20[Vulgate 70:20] qui ostendisti mihi tribulationes plurimas et adflictiones conversus vivificabis nos et de abyssis terrae rursum educes nos

Psa 71:21

Psa 71:21[Vulgate 70:21] multiplicabis magnitudinem meam et conversus consolaberis me

Psa 71:22

Psa 71:22[Vulgate 70:22] ego autem confitebor tibi in vasis psalterii veritatem tuam Deus meus cantabo tibi in cithara Sancte Israhel

Psa 71:23

Psa 71:23[Vulgate 70:23] laudabunt labia mea cum cantavero tibi et anima mea quam redemisti

Psa 71:24

Psa 71:24[Vulgate 70:24] insuper et lingua mea tota die meditabitur iustitiam tuam quia confusi sunt et dehonestati quaerentes malum mihi

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.