Psalmi (Psalm) 7 :: Latin Vulgate (VUL)

Psa 7:1

Psa 7:1pro ignoratione David quod cecinit Domino super verbis Aethiopis filii Iemini [Vulgate 7:2] Domine Deus meus in te speravi salva me ab omnibus persequentibus me et libera me

Psa 7:2

Psa 7:2[Vulgate 7:3] ne forte capiat ut leo animam meam laceret et non sit qui eruat

Psa 7:3

Psa 7:3[Vulgate 7:4] Domine Deus meus si feci istud si est iniquitas in manibus meis

Psa 7:4

Psa 7:4[Vulgate 7:5] si reddidi retribuentibus mihi malum et dimisi hostes meos vacuos

Psa 7:5

Psa 7:5[Vulgate 7:6] persequatur inimicus animam meam et adprehendat et conculcet in terra vitam meam et gloriam meam in pulverem conlocet semper

Psa 7:6

Psa 7:6[Vulgate 7:7] surge Domine in furore tuo elevare indignans super hostes meos et consurge ad me iudicio quod mandasti

Psa 7:7

Psa 7:7[Vulgate 7:8] et congregatio tribuum circumdet te et pro hac in altum revertere

Psa 7:8

Psa 7:8[Vulgate 7:9] Dominus iudicabit populos iudica me Domine secundum iustitiam meam et secundum simplicitatem meam quae est in me

Psa 7:9

Psa 7:9[Vulgate 7:10] consumatur malum iniquorum et confirmetur iustitia probator cordis et renum Deus iustus

Psa 7:10

Psa 7:10[Vulgate 7:11] clipeus meus in Deo qui salvat rectos corde

Psa 7:11

Psa 7:11[Vulgate 7:12] Deus iudex iustus et fortis comminans tota die

Psa 7:12

Psa 7:12[Vulgate 7:13] non convertenti gladium suum acuet arcum suum tetendit et paravit illum

Psa 7:13

Psa 7:13[Vulgate 7:14] et in ipso praeparavit vasa mortis sagittas suas ad conburendum operatus est

Psa 7:14

Psa 7:14[Vulgate 7:15] ecce parturit iniquitatem et concepto dolore peperit mendacium

Psa 7:15

Psa 7:15[Vulgate 7:16] lacum aperuit et effodit eum et incidet in interitum quem operatus est

Psa 7:16

Psa 7:16[Vulgate 7:17] revertetur dolor suus in caput eius et super verticem eius iniquitas sua descendet

Psa 7:17

Psa 7:17[Vulgate 7:18] confitebor Domino secundum iustitiam eius et cantabo nomini Domini altissimi

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.