Previous Chapter Full Page Full Page Next Chapter

Psalmi (Psalm) 69 :: Latin Vulgate (VUL)

Psa 69:1

ΒΆ
Psa 69:1[Vulgate 68:1] victori pro liliis David [Vulgate 68:2] salva me Deus quoniam venerunt aquae usque ad animam

Psa 69:2

Psa 69:2[Vulgate 68:3] infixus sum in limo profundi et non possum consistere veni in profundum aquarum et flumen operuit me

Psa 69:3

Psa 69:3[Vulgate 68:4] laboravi clamans exasperatum est guttur meum defecerunt oculi mei expectantes Deum meum

Psa 69:4

Psa 69:4[Vulgate 68:5] multiplicati sunt super capillos capitis mei qui oderunt me gratis confortati sunt qui persequebantur me inimici mei iniuste quae non rapueram tunc reddebam

Psa 69:5

Psa 69:5[Vulgate 68:6] Deus tu scis stultitiam meam et peccata mea a te non sunt abscondita

Psa 69:6

Psa 69:6[Vulgate 68:7] non confundantur in me qui expectant te Domine Deus exercituum non confundantur in me qui quaerunt te Deus Israhel

Psa 69:7

Psa 69:7[Vulgate 68:8] quia propter te portavi obprobrium operuit confusio faciem meam

Psa 69:8

Psa 69:8[Vulgate 68:9] alienus factus sum fratribus meis et peregrinus filiis matris meae

Psa 69:9

Psa 69:9[Vulgate 68:10] quia zelus domus tuae comedit me et obprobrium exprobrantium tibi cecidit super me

Psa 69:10

Psa 69:10[Vulgate 68:11] et flevi in ieiunio animam meam et factum est in obprobria mihi

Psa 69:11

Psa 69:11[Vulgate 68:12] et posui vestimentum meum saccum et factus sum eis in parabulam

Psa 69:12

Psa 69:12[Vulgate 68:13] contra me loquebantur qui sedebant in porta et cantabant bibentes vinum

Psa 69:13

Psa 69:13[Vulgate 68:14] mea autem oratio ad te Domine tempus reconciliationis est Deus in multitudine misericordiae tuae exaudi me in veritate salutaris tui

Psa 69:14

Psa 69:14[Vulgate 68:15] erue me de luto ut non infigar libera me ab his qui oderunt me et de profundis aquis

Psa 69:15

Psa 69:15[Vulgate 68:16] ne operiat me fluvius aquae et ne absorbeat me profundum et non coronet super me puteus os suum

Psa 69:16

Psa 69:16[Vulgate 68:17] exaudi me Domine quoniam bona est misericordia tua secundum multitudinem miserationum tuarum respice ad me

Psa 69:17

Psa 69:17[Vulgate 68:18] et ne abscondas faciem tuam a servo tuo quoniam tribulor cito exaudi me

Psa 69:18

Psa 69:18[Vulgate 68:19] accede ad animam meam redime eam propter inimicos meos libera me

Psa 69:19

Psa 69:19[Vulgate 68:20] tu scis obprobrium meum et confusionem meam et ignominiam meam

Psa 69:20

Psa 69:20[Vulgate 68:21] coram te sunt omnes hostes mei obprobrio contritum est cor meum et desperatus sum et expectavi qui contristaretur et non fuit et qui consolaretur et non inveni

Psa 69:21

Psa 69:21[Vulgate 68:22] et dederunt in esca mea fel et in siti mea potaverunt me aceto

Psa 69:22

Psa 69:22[Vulgate 68:23] sit mensa eorum coram eis in laqueum et in retributiones ad corruendum

Psa 69:23

Psa 69:23[Vulgate 68:24] contenebrentur oculi eorum ne videant et dorsum eorum semper incurva

Psa 69:24

Psa 69:24[Vulgate 68:25] effunde super eos indignationem tuam et ira furoris tui conprehendat eos

Psa 69:25

Psa 69:25[Vulgate 68:26] fiat commoratio eorum deserta in tabernaculis eorum non sit qui habitet

Psa 69:26

Psa 69:26[Vulgate 68:27] quoniam quem tu percussisti persecuti sunt et ut adfligerent vulneratos tuos narrabant

Psa 69:27

Psa 69:27[Vulgate 68:28] da iniquitatem super iniquitatem eorum et non veniant in iustitia tua

Psa 69:28

Psa 69:28[Vulgate 68:29] deleantur de libro viventium et cum iustis non scribantur

Psa 69:29

Psa 69:29[Vulgate 68:30] ego autem pauper et dolens salus tua Deus suscipiet me

Psa 69:30

Psa 69:30[Vulgate 68:31] laudabo nomen Dei in cantico et magnificabo eum in confessione

Psa 69:31

Psa 69:31[Vulgate 68:32] et placebit Domino super vitulum novellum cornua efferentem et ungulas

Psa 69:32

Psa 69:32[Vulgate 68:33] videntes mansueti laetabuntur qui quaeritis Deum vivet anima vestra

Psa 69:33

Psa 69:33[Vulgate 68:34] quoniam exaudivit pauperes Dominus et vinctos suos non dispexit

Psa 69:34

Psa 69:34[Vulgate 68:35] laudent eum caeli et terra maria et omne quod movetur in eis

Psa 69:35

Psa 69:35[Vulgate 68:36] quia Deus salvabit Sion et aedificabit civitates Iuda et habitabunt ibi et possidebunt eam

Psa 69:36

Psa 69:36[Vulgate 68:37] et semen servorum eius possidebit eam et qui diligunt nomen eius habitabunt in ea
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Translations available: King James Version, New King James Version, New Living Translation, New International Version, English Standard Version, Christian Standard Bible, New American Standard Bible 2020, New American Standard Bible 1995, Legacy Standard Bible 2021, New English Translation, Revised Standard Version, American Standard Version, Young's Literal Translation, Darby Translation, Webster's Bible, Hebrew Names Version, Reina-Valera 1960, Latin Vulgate, Westminster Leningrad Codex, Septuagint, Morphological Greek New Testament, and Textus Receptus.