Psalmi (Psalm) 65 :: Latin Vulgate (VUL)

Psa 65:1[Vulgate 64:1] victori carmen David cantici [Vulgate 64:2] tibi silens laus Deus in Sion et tibi reddetur votum

Psa 65:2[Vulgate 64:3] exaudi orationem donec ad te omnis caro veniat

Psa 65:3[Vulgate 64:4] verba iniquitatum praevaluerunt adversum me sceleribus nostris tu propitiaberis

Psa 65:4[Vulgate 64:5] beatus quem elegeris et susceperis habitabit enim in atriis tuis replebimur bonis domus tuae sanctificatione templi tui

Psa 65:5

Psa 65:5[Vulgate 64:6] terribilis in iustitia exaudi nos Deus salvator noster confidentia omnium finium terrae et maris longinqui

Psa 65:6

Psa 65:6[Vulgate 64:7] praeparans montes in virtute tua accinctus fortitudine

Psa 65:7

Psa 65:7[Vulgate 64:8] conpescens sonitum maris fremitum fluctuum eius et multitudinem gentium

Psa 65:8

Psa 65:8[Vulgate 64:9] et timebunt qui habitant in extremis a signis tuis egressus matutinos et vespere laudantes facies

Psa 65:9

Psa 65:9[Vulgate 64:10] visita terram et inriga eam ubertate dita eam rivus Dei plenus aqua praeparabis frumentum eorum quia sic fundasti eam

Psa 65:10

Psa 65:10[Vulgate 64:11] sulcos eius inebria multiplica fruges eius pluviis inriga eam et germini eius benedic

Psa 65:11

Psa 65:11[Vulgate 64:12] volvetur annus in bonitate tua et vestigia tua rorabunt pinguidine

Psa 65:12

Psa 65:12[Vulgate 64:13] pinguescent pascua deserti et exultatione colles accingentur

Psa 65:13

Psa 65:13[Vulgate 64:14] vestientur agnis greges et valles plenae erunt frumento coaequabuntur et canent

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.