Psalmi (Psalm) 59 :: Latin Vulgate (VUL)

Psa 59:1

Psa 59:1[Vulgate 58:1] victori ut non disperdas David humilem et simplicem quando misit Saul et custodierunt domum ut occiderent eum [Vulgate 58:2] erue me de inimicis meis Deus meus et a resistentibus mihi protege me

Psa 59:2

Psa 59:2[Vulgate 58:3] libera me ab operariis iniquitatis et a viris sanguinum salva me

Psa 59:3

Psa 59:3[Vulgate 58:4] quia ecce insidiati sunt animae meae congregantur adversum me fortissimi

Psa 59:4

Psa 59:4[Vulgate 58:5] absque iniquitate mea et absque peccato meo Domine non egi inique et illi currunt et praeparantur

Psa 59:5

Psa 59:5[Vulgate 58:6] surge ex adverso pro me et respice et tu Domine Deus exercituum Deus Israhel evigila ut visites omnes gentes non miserearis universis qui operantur iniquitatem semper

Psa 59:6

Psa 59:6[Vulgate 58:7] revertantur ad vesperam et latrent ut canis et circumeant civitatem

Psa 59:7

Psa 59:7[Vulgate 58:8] ecce loquuntur in ore suo gladii in labiis eorum quasi nemo audiat

Psa 59:8

Psa 59:8[Vulgate 58:9] tu autem Domine deridebis eos subsannabis omnes gentes

Psa 59:9

Psa 59:9[Vulgate 58:10] fortitudinem meam ad te servabo quoniam tu Deus elevator meus

Psa 59:10

Psa 59:10[Vulgate 58:11] Dei mei misericordia praeveniet me

Psa 59:11

Psa 59:11[Vulgate 58:12] Deus ostendit mihi in insidiatoribus meis ne occidas eos ne forte obliviscantur populi mei disperge eos in fortitudine tua et destrue eos protector noster Domine

Psa 59:12

Psa 59:12[Vulgate 58:13] in peccato oris sui in sermone labiorum suorum et capiantur in superbia sua maledictionem et mendacium narrantes

Psa 59:13

Psa 59:13[Vulgate 58:14] consume in furore consume ut non subsistant et sciant quoniam Deus dominatur Iacob in finibus terrae semper

Psa 59:14

Psa 59:14[Vulgate 58:15] et convertantur ad vesperam et latrent ut canis et circumeant civitatem

Psa 59:15

Psa 59:15[Vulgate 58:16] ipsi vagabuntur ut comedant et cum saturati non fuerint murmurabunt

Psa 59:16

Psa 59:16[Vulgate 58:17] ego autem cantabo imperium tuum et laudabo mane misericordiam tuam quoniam factus es fortitudo mea et refugium in die tribulationis meae

Psa 59:17

Psa 59:17[Vulgate 58:18] tibi cantabo quoniam Deus adiutor meus fortitudo mea Deus misericordia mea

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.