Psalmi (Psalm) 55 :: Latin Vulgate (VUL)

Psa 55:1

Psa 55:1[Vulgate 54:1] victori in psalmis eruditi David [Vulgate 54:2] exaudi Deus orationem meam et ne dispicias deprecationem meam

Psa 55:2

Psa 55:2[Vulgate 54:3] adtende mihi et exaudi me humiliatus sum in meditatione mea et conturbatus

Psa 55:3

Psa 55:3[Vulgate 54:4] a voce inimici a facie persequentis impii quoniam proiecerunt super me iniquitatem et in furore adversabantur mihi

Psa 55:4

Psa 55:4[Vulgate 54:5] cor meum doluit in vitalibus meis et terrores mortis ceciderunt super me

Psa 55:5

Psa 55:5[Vulgate 54:6] timor et tremor venit super me et operuit me caligo

Psa 55:6

Psa 55:6[Vulgate 54:7] et dixi quis dabit mihi pinnas columbae ut volem et requiescam

Psa 55:7

Psa 55:7[Vulgate 54:8] ut procul abeam et commorer in deserto semper

Psa 55:8

Psa 55:8[Vulgate 54:9] festinabo ut salver ab spiritu tempestatis et turbinis

Psa 55:9

Psa 55:9[Vulgate 54:10] praecipita Domine divide linguas eorum quoniam vidi iniquitatem et contradictionem in civitate

Psa 55:10

Psa 55:10[Vulgate 54:11] die et nocte circumeuntes muros eius scelus et dolorem in medio eius

Psa 55:11

Psa 55:11[Vulgate 54:12] insidiae in vitalibus eius et non recedet de plateis eius damnum et fraudulentia

Psa 55:12

Psa 55:12[Vulgate 54:13] non enim inimicus exprobravit mihi ut sustineam neque is qui me oderat super me magnificatus est ut abscondar ab eo

Psa 55:13

Psa 55:13[Vulgate 54:14] sed tu homo unianimis meus dux meus et notus meus

Psa 55:14

Psa 55:14[Vulgate 54:15] qui simul habuimus dulce secretum in domo Dei ambulavimus in terrore

Psa 55:15

Psa 55:15[Vulgate 54:16] veniat mors super eos descendant in infernum viventes quia nequitiae in congregatione eorum et in medio eorum

Psa 55:16

Psa 55:16[Vulgate 54:17] ego ad Deum clamabo et Dominus salvabit me

Psa 55:17

Psa 55:17[Vulgate 54:18] vespere et mane et meridie eloquar et resonabo et exaudiet vocem meam

Psa 55:18

Psa 55:18[Vulgate 54:19] redimet in pace animam meam ab adpropinquantibus mihi multi enim fuerunt adversum me

Psa 55:19

Psa 55:19[Vulgate 54:20] exaudiet Deus et humiliabit eos qui iudex est ab initio semper non enim mutantur neque timent Deum

Psa 55:20

Psa 55:20[Vulgate 54:21] extendit manum suam ad pacifica sua contaminabit pactum suum

Psa 55:21

Psa 55:21[Vulgate 54:22] nitidius butyro os eius pugnat autem cor illius molliores sermones eius oleo cum sint lanceae

Psa 55:22

Psa 55:22[Vulgate 54:23] proice super Dominum caritatem tuam et ipse enutriet te non dabit in aeternum fluctuationem iusto

Psa 55:23

Psa 55:23[Vulgate 54:24] tu autem Deus deduces eos in puteum interitus viri sanguinum et dolosi non dimidiabunt dies suos ego autem fiduciam habeo tui

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.