Psalmi (Psalm) 52 :: Latin Vulgate (VUL)

Psa 52:1

Psa 52:1[Vulgate 51:1] victori ab erudito David [Vulgate 51:2] cum venisset Doec Idumeus et adnuntiasset Saul dicens ei venit David in domum Achimelech [Vulgate 51:3] quid gloriaris in malitia potens misericordia Dei tota est die

Psa 52:2

Psa 52:2[Vulgate 51:4] insidias cogitat lingua tua quasi novacula acuta faciens dolum

Psa 52:3

Psa 52:3[Vulgate 51:5] dilexisti malum magis quam bonum mendacium magis quam loqui iustitiam semper

Psa 52:4

Psa 52:4[Vulgate 51:6] dilexisti omnia verba ad devorandum lingua dolosa

Psa 52:5

Psa 52:5[Vulgate 51:7] sed Deus destruet te in sempiternum terrebit et evellet te de tabernaculo et eradicabit te de terra viventium semper

Psa 52:6

Psa 52:6[Vulgate 51:8] videbunt iusti et timebunt et super eum ridebunt

Psa 52:7

Psa 52:7[Vulgate 51:9] ecce vir qui non posuit Deum fortitudinem suam sed speravit in multitudine divitiarum suarum confortatus est in insidiis suis

Psa 52:8

Psa 52:8[Vulgate 51:10] ego sicut oliva virens in domo Dei speravi in misericordia Dei in saeculum sempiternum

Psa 52:9

Psa 52:9[Vulgate 51:11] confitebor tibi in saeculo quoniam fecisti et expectabo nomen tuum quoniam bonum in conspectu sanctorum tuorum

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.