Psalmi (Psalm) 51 :: Latin Vulgate (VUL)

Psa 51:1

Psa 51:1[Vulgate 50:1] victori canticum David [Vulgate 50:2] cum venisset ad eum Nathan propheta quando ingressus est ad Bethsabee [Vulgate 50:3] miserere mei Deus secundum misericordiam tuam iuxta multitudinem miserationum tuarum dele iniquitates meas

Psa 51:2

Psa 51:2[Vulgate 50:4] multum lava me ab iniquitate mea et a peccato meo munda me

Psa 51:3

Psa 51:3[Vulgate 50:5] quoniam iniquitates meas ego novi et peccatum meum contra me est semper

Psa 51:4

Psa 51:4[Vulgate 50:6] tibi soli peccavi et malum coram te feci ut iustificeris in sermonibus tuis et vincas cum iudicaveris

Psa 51:5

Psa 51:5[Vulgate 50:7] ecce in iniquitate conceptus sum et in peccato peperit me mater mea

Psa 51:6

Psa 51:6[Vulgate 50:8] ecce enim veritatem diligis absconditum et arcanum sapientiae manifestasti mihi

Psa 51:7

Psa 51:7[Vulgate 50:9] asparges me hysopo et mundabor lavabis me et super nivem dealbabor

Psa 51:8

Psa 51:8[Vulgate 50:10] auditum mihi facies gaudium et laetitiam ut exultent ossa quae confregisti

Psa 51:9

Psa 51:9[Vulgate 50:11] absconde faciem tuam a peccatis meis et omnes iniquitates meas dele

Psa 51:10

Psa 51:10[Vulgate 50:12] cor mundum crea mihi Deus et spiritum stabilem renova in visceribus meis

Psa 51:11

Psa 51:11[Vulgate 50:13] ne proicias me a facie tua et spiritum sanctum tuum ne auferas a me

Psa 51:12

Psa 51:12[Vulgate 50:14] redde mihi laetitiam Iesu tui et spiritu potenti confirma me

Psa 51:13

Psa 51:13[Vulgate 50:15] docebo iniquos vias tuas et peccatores ad te revertentur

Psa 51:14

Psa 51:14[Vulgate 50:16] libera me de sanguinibus Deus Deus salutis meae laudabit lingua mea iustitiam tuam

Psa 51:15

Psa 51:15[Vulgate 50:17] Domine labia mea aperies et os meum adnuntiabit laudem tuam

Psa 51:16

Psa 51:16[Vulgate 50:18] non enim vis ut victimam feriam nec holocaustum tibi placet

Psa 51:17

Psa 51:17[Vulgate 50:19] sacrificium Dei spiritus contribulatus cor contritum et humiliatum Deus non dispicies

Psa 51:18

Psa 51:18[Vulgate 50:20] benefac Domine in voluntate tua Sion et aedificentur muri Hierusalem

Psa 51:19

Psa 51:19[Vulgate 50:21] tunc suscipies sacrificium iustitiae oblationes et holocausta tunc inponent super altare tuum vitulos

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.