Psalmi (Psalm) 49 :: Latin Vulgate (VUL)

Psa 49:1

Psa 49:1[Vulgate 48:1] victori filiorum Core canticum [Vulgate 48:2] audite hoc omnes populi auribus percipite universi habitatores occidentis

Psa 49:2

Psa 49:2[Vulgate 48:3] tam filii Adam quam filii singulorum simul dives et pauper

Psa 49:3

Psa 49:3[Vulgate 48:4] os meum loquitur sapientias et meditatio cordis mei prudentias

Psa 49:4

Psa 49:4[Vulgate 48:5] inclino ad parabulam aurem meam aperiam in cithara enigma meum

Psa 49:5

Psa 49:5[Vulgate 48:6] quare timebo in diebus mali iniquitas calcanei mei circumdabit me

Psa 49:6

Psa 49:6[Vulgate 48:7] qui fiduciam habent in fortitudine sua et in multitudine divitiarum suarum superbiunt

Psa 49:7

Psa 49:7[Vulgate 48:8] fratrem redimens non redimet vir nec dabit Deo propitiationem pro eo

Psa 49:8

Psa 49:8[Vulgate 48:9] neque pretium redemptionis animae eorum sed quiescet in saeculo

Psa 49:9

Psa 49:9[Vulgate 48:10] et vivet ultra in sempiternum

Psa 49:10

Psa 49:10[Vulgate 48:11] et non videbit interitum cum viderit sapientes morientes simul insipiens et indoctus peribunt et derelinquent alienis divitias suas

Psa 49:11

Psa 49:11[Vulgate 48:12] interiora sua domus suas in saeculo tabernacula sua in generatione et generatione vocaverunt nominibus suis terras suas

Psa 49:12

Psa 49:12[Vulgate 48:13] et homo in honore non commorabitur adsimilatus est iumentis et exaequatus est

Psa 49:13

Psa 49:13[Vulgate 48:14] haec est via insipientiae eorum et post eos iuxta os eorum current semper

Psa 49:14

Psa 49:14[Vulgate 48:15] quasi grex in inferno positi sunt mors pascet eos et subicient eos recti in matutino et figura eorum conteretur in inferno post habitaculum suum

Psa 49:15

Psa 49:15[Vulgate 48:16] verumtamen Deus redimet animam meam de manu inferi cum adsumpserit me semper

Psa 49:16

Psa 49:16[Vulgate 48:17] noli timere cum ditatus fuerit vir cum multiplicata fuerit gloria domus eius

Psa 49:17

Psa 49:17[Vulgate 48:18] neque enim moriens tollet omnia nec descendet post eum gloria eius

Psa 49:18

Psa 49:18[Vulgate 48:19] quia animae suae in vita sua benedicet laudabunt inquient te cum benefeceris tibi

Psa 49:19

Psa 49:19[Vulgate 48:20] intrabit usque ad generationes patrum suorum usque ad finem non videbunt lucem

Psa 49:20

Psa 49:20[Vulgate 48:21] homo cum in honore esset non intellexit conparavit se iumentis et silebitur

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.